صوت غريب عند تشغيل السياره بعد فتره طويلة

[اكوردتي عشق لا ينتهي]

السلام عليكم ورحمة الله

في الفتره الاخيره اصبحت اسمع صوت طقه غريبة اخشى ان يكون صادر من المكينه (تككتكتك) لمده بسيطه جدا لا تتجاوز 2 - 3 ثواني لكن مسموع جدا وغريب

ربما يقول البعض هو امر طبيعي لعدم تدفق الزيت من الكرتير للصدر نقول وطيب الزيب ما شاف يتدفق الا الحين ؟!!!

المشكله تحتاج الى مزيد من التحري والبحث عنها لكن هذا ربما ينتهي اذا ما افادنا احدكم بمشكله قد حدثت مشابهه وكيف تمكن من حلها

انا عني اخاف من خدمة تنظيف البخاخات في بترومين لان المشكله من بعدها بفتره اسبوع ممكن مادري لا نريد ان نظن ظن الاثم ربما يفيدنا احد الاخوه هنا

شكرا لكم ...

[S c O r P i O n]

انت متأكد انه من المكينة 1000
خل واحد يشغل السياره وخلك عن المكينة وتأكد من مصدر الصوت

[جاكي2]

اذا الصوت نفس هدا ( كررررررر) بدايه التشغيل ادا كان وقوفها حول 3 ساعات واكثر
وادا حميت السياره مايطلع

ويطلع غالبا فـ♡ـي الصباح الباكر عن تشغيل السياره
وكانه احتكاك فـ♡ـي الجهه اليمني للمكينه

فهذي قطعه اسمها اكتيوتر. اذكر قيمتها 524 ريال وشغل يدها فـ♡ـي الوكاله 750 قبل الخصم
وتحتاج فك صدر المكينه وتقفيله بمعجون خاص
وليس لها اي تاثير علي المكينه ابدااااا محرد استبدال قطعه قرب الجنزير

ولا تفكر توديها غير الوكاله
صلحها بالوكاله افضل مثل ماصلحتها آنــــ į ąɱ ــآ والحمد لله



ولكن تاكد من مصدر الصوت هل من طرمبه الدرسكون او لا لانه يصدر صوت قريب منه فـ♡ـي فصل الشتاء

تكلفه الاصلاح تقريبا 1300 ريال ممكن اقل

[HeRCULeS.911]

أخي العزيز مستحيل تكون تكايات

في صوتين معروفين بالمكينة ..

صوت طرمبة الزيت و هذي تطلع لما توقف السيارة فترة لاتقل عن 5 او 6 ساعات

و صوتها معروف و قوي كأنه ضرب حديد ببعض

و يزيد كل ما دعست بنزين

و يختفي أول ماتحمى السيارة و يتدفق الزيت لكل اجزاء المكينة

وعلاجه تغيير طرمبة الزيت او الأصح ( الجلدة اللي تجي بين الطرمبة و الكارتير )

وهذي مو الحالة اللي عندك لأنها تستمر فترة لاتقل عن 2 دقيقة

احالة الثانية و هي صوت التاكيات

تك تك تك تك خفيف

وهذي تطلع لما تحمي السيارة و تبقى مستمرة ماتختفي الين تغيرها

يعني مو نفس اللي عندك

اعرف مكان الصوت زيين

يمكن سير متقطع

او يمكن بكرة تعلق

او
او
او
او

بس خفيفة .. تأكد وين المكان .. بالضبط ..

موفق

[جاكي2]

يابعد قَلبـ♡ــيے
انت تاكد من الصوت ادا من الطرمبه او المكينه الجهه اليمين

اذا المكينه الجهه اليمين آنــــ į ąɱ ــآ اقولك الخراب هو الاكتيوتر بنسبة 99٪ وتصليحه فـ♡ـي الوكااااااله

وافضل تروح الوكاله وتكشف وتصلح هناك

واي خدمه تخص الموضوع حاضرين

[اكوردتي عشق لا ينتهي]

الله يعطيكم العافية يا شباب

بالنسبة للصوت فهو لا يتجاوز ثانيتين وصوته كان المكينة شغاله بدون زيت

انا وجدت حل ربما يؤيد فكرة ان الخلل في طرمبة الزيت

اخلي السويتش مفتوح لفترة تقريبا 10 الى 15 ثانية واشغل والصوت ما يطلع حتى لو في الصباح البارد

المشكلة انه انا محافظ على فكرة انه ما تشغل السيارة الين تطفي لمبات العداد يعني مو ادخل المفتاح وادق سلف طوالي ربما هي المحافظه الزائده تذهب بنا الى الجحيم...

السؤال اللي يطرح نفسه ليه خربت الطرمبة اذا كانت هي وهل لما اخليها فتره قبل التشغيل وما يطلع الصوت هل هذا يدل على انه قصور حاصل في اداء وظائفها واصبحت تحتاج الاستبدال ؟!

شكرا للجميع

[S c O r P i O n]

خلل الطرمبه متعدد وغلبا ماله اسباب علشان يجبرونك تراجع الوكاله وتهتم بالصيانه ولوتلاحظ ماتتصلح ولايجي منها تجاري وحتى الليات تبعها حساسه لوتركب تجاري تسمع اصوات وتخرب الطرمبه
يعني مستحيل شركه تصنعلك سياره مافيها اي عيوب وترى الهوندا بأكثر من تصنيف عالمي تعتبر رقم واحد بالجودة والتحمل والحل طال عمرك تراجع الوكاله وتستفر ربما يكون غير الطرمبه

[جاكي2]

ياهلا بك
شوف يالغلا شعلات فـ♡ـي المكينه غير قابله للتجريب
واظن سعر طرمبة الزيت 2500 تقريبا من غير شغل يد
ولو الطرمبة فيها خلل راح تشوف لمبة الزيت شغاله

فانصحك توديها الوكاله وتكشف وتصلح عندهم بهذي الشعله تحديداااا

[اكوردتي عشق لا ينتهي]

شكرا للجميع

اعزائي ربما تكون المشكلة هي من استخدامي لبطارية لا تناسب سيارتي هي ضعيفة نوعا ما

انا فكرت انه الطرمبة عندما تبدأ بعملية تدفيق الزيت لاعلى المكينه فهي لا تجد الطاقة الكافية لعمل ذلك فالبتالي احتاج لأن انتظر اكثر قبل ان ادق السلف هل هي فرضية صحيحة ؟!!!