هل تغيير موية الرديتر ضروري ؟؟

[تألمت بس تعلمت]

سلام عليكم
مثل ماهو واضح في العنوان هل ضروري ؟!
واذا كان ضروري فيه مويه بكفاءة شد البلد ؟

[ابدداع اليابان]

لا

[أكــــــــــورد11]

وعليكم السلام
اختياري عند 100الف واجباري عند200الف وتقدر تتاكد بنفسك تفتح غطاء المحرك وتشوفه مكتوب بالاعلى

[هاااوي الاكورد]

اجباري كل 200

[تألمت بس تعلمت]

طيب المويه اللي عند الوكاله نفس شد البلد ؟
الموتر ماشي 300 الف ولابعد غيرت المويه

[هاااوي الاكورد]

موية بلدها زرقة
والمويه الي تشتريها من الوكاله خضره
بس كلها نفس الجودة

[تألمت بس تعلمت]

موية بلدها زرقة
والمويه الي تشتريها من الوكاله خضره
بس كلها نفس الجودة

ماعليش التغيير للرديتر نفسه ولا القربه بس ؟
الشيء الثاني المويه اللي عندي خضراء مهيب زرقاء

[أكــــــــــورد11]

ماعليش التغيير للرديتر نفسه ولا القربه بس ؟
الشيء الثاني المويه اللي عندي خضراء مهيب زرقاء

التغيير للراديتر موللقربه الراديتر فيه صره تحت يفكها ويفرغ المويه..
شوف العليان بالرياض عنده انواع مويه للراديتر

[الشيخ ليجند]

نعم مثل اجوبة الشباب وازيد انه يغير كل خمس سنوات ايضا

انصحك بعمل تسييخ لراديتر وتغيير الغطاء تعبئة سائل تبريد كاسترول مسبق الخلط موجود عند

ردكاب .

تحياتي

[تألمت بس تعلمت]

ليه اسوي تسسيخ ؟
الموتر مافيه تهريب ولا حراره يعني تغيير زيادة حرص!

[الشيخ ليجند]

التسييخ ( التنظيف ) مهم لراديتر حتى تتأكد ان مجاري الماء سلسة وغير صدئة او مغلقه

وحتى ما يكون هناك جهد زايد على طرمبة الماء .

[THE SILVER ACCORD]

نعم مهم وضروري

ماء الراديتر له صلاحية ومدة معينه بعدها يجب تغييره للحفاظ على السياره

وطبعا لا تستخدم إلا ماء الراديتر الأصلي ؛ ولا تخلط الألوان

ترى مو بس اللون يختلف ؛ حتى تركيبة ونوعية ماء الراديتر تختلف باختلاف اللون

يعني :

اذا ماء الراديتر عندك لونه أخضر .. استخدم أخضر

اذا ماء الراديتر عندك لونه أحمر .. استخدم أحمر

و لا تحسب أن الأخضر والأحمر نفس بعض ؛ و أن الإختلاف مجرد لون < أكبر خطأ


وكالة هوندا ما يجيبون إلا ماء راديتر هوندا الأخضر Type 1
مصنوع في تايلاند

وانا سيارتي أكورد 2006 والماء الموصى به بالكتالوج وستكر داخل الكبوت = ماء راديتر هوندا Type 2 لونه أزرق

ومكتوب بالكتالوج إذا كان ( ماء راديتر هوندا Type 2 غير متوفراً .. إستخدم ماء راديتر خالي من السليكات silicate free من شركة رائدة )


ماء الراديتر نوعين :

1) نوع مركز وثقيل ويحتاج للتخفيف بالماء المقطر بنسبة 50% .. يعني مثلا 2 لتر ماء راديتر و 2 لتر ماء مقطر .. تحتاج جالون واحد ماء راديتر مركز

2) نوع مخفف بالماء المقطر ويكون مكتوب عليه ( premixed - DO NOT ADD WATER - أو يكون مكتوب عليه 50\50 أو 30\50 الخ... ) هذا لازم ما تخلطه بالماء المقطر .. وتحتاج أكثر من جالون ماء راديتر مخفف بالماء المقطر


طبعا لكل شيء مميزات وعيوب ..

المركّز :
أوفر لأنك تحتاج جالون واحد فقط والباقي ماء مقطر
لكنه يحتاج خبرة يعني لازم توزن نسبة وكمية الماء المقطر ونسبة وكمية ماء الراديتر ( تقدر تعرف كم تاخذ سيارتك ماء من الكتالوج )

المخلوط والمخفف :
تحتاج أكثر من جالون.. لكنه ميزته جاهز للتعبئه سم بالله وعب الراديتر
واذا كان مصنوع خارج السعوديه .. الماء المقطر اتوقع بيكون جودته أفضل من اللي عندنا

( بعض الماء المقطر عندنا بالسعوديه = مغشوش أو جودته لك عليها )


فوائد ماء الراديتر الأصلي :

1) يرفع درجة غليان الماء = يعني ماء الراديتر ما يغلي بسرعه .

2) يخفض درجة تجمد الماء = يعني الماء ما يتجمد عند 0 مئويه .. يتجمد عند مثلا -15 أو -20 أو -30 الخ... حسب نسبة وكمية ماء الراديتر \ الماء المقطر

3) يمنع الصدأ والتآكل

4) يزيت ويحافظ على طرمبة الماء .. فيه مادة زيتيه تحافظ على الطرمبه


ماء الراديتر أنواع

فيه شيء أصلي وفيه شيء تجاري ما أنصحك فيه أبدا أبدا .. التجاري مجرد لون وجودته سيئه جدا

[THE SILVER ACCORD]

تنبيه - تحذير

تغيير ماء الراديتر يحتاج خبره + تكون فاضي يعني ما تكون مستعجل أو الخ... + لازم تقرأ كتالوج السياره

وإذا ما عندك كتالوج السياره ؛ شف موضوعي هذا
http://www.hondaarabia.com/club/t58590/

اذا ما عندك خبرة + إذا ما قريت كتالوج السياره وطريقة تغيير ماء الراديتر = الحرارة بترتفع لآخر شيء H .. أثناء التغيير أو بعد التغيير

لأنك ما راح تعبي ماء الراديتر بشكل كافي ..

[هاااوي الاكورد]

لاحضت انه في الكتلوج يقول حول المكيف الى حار واذا كان الكتروني فك dual هل المقصود فك المزدوج والنقطه الثانيه ليش لازم احوله حار وش الحكمه في الموضوع

[تألمت بس تعلمت]

سلفر أكورد عاجز عن شكرك يالغالي لاتعبت على الرد
واستفدت منك كثير بس خايف ابدل المويه وابلش بالحراره او ماالقى سائل بنفس كفاءة شد البلد
بس هل احد قد جرب يغير المويه عند الوكاله |؟ خايف يلعبون فيها
لان اللي يروح الوكاله ومواضب ع الصيانه ملاحظ سياراتهم اكثر عرضه للخرابات من اللي مطنشهم
واشكرك الجميع على الردود

[THE SILVER ACCORD]

أقسم بالله قهر

بعد ما كتبت رد وشرح طويل و ضغطت اعتمد المشاركه طلع لي خانة إدخال أسم العضويه وكلمة السر وبعد ما ضغطت تسجيل الدخول طلعت صفحه بيضاء

وبعد ما ضغطت تراجع ( عشان ارجع للصفحه السابقه )

راح كل كلامي

وصارت لي المشكله قبل فتره أكثر من مره

ما أدري المشكله من المتصفح عندي أو من المنتدى .. كل شوي يسجل خروج من نفسه

وياليت يتم إلغاء الأسئله العشوائيه

[تألمت بس تعلمت]

المنتدى عقب التحديث خرب + غياب المشرفين والاداره

[أكــــــــــورد11]

لاحضت انه في الكتلوج يقول حول المكيف الى حار واذا كان الكتروني فك dual هل المقصود فك المزدوج والنقطه الثانيه ليش لازم احوله حار وش الحكمه في الموضوع

تحويل المكيف الى حار عشان تطلع بقايا السائل من ثلاجة المكيف
اللي عندنا زر syncبدل dual
والمقصودفيه فك المزدوج

[mohammed86]

والله يااخوان عليكم اسلوب يخوف

انا الان شفت الاكورد مويتها قليلة جدا حسبتها فاضيه رحت للوكالة سويتلهم فلم هندي وليه وليه ورحت اشتريت الموية الاصلية 77 ريال وبعدين لمن فكيت اللديتر حصلت في موية قليل من المصنع تبعهم احسبها ناقصه وحطيت فوق الموية دي موية من تبع الوكالة هل يضر السيارة عارف اني جبت العيد بس للان ماشغلت المكيف بعد الالف كيلو حشغلها وسلامتكم