معيار زيت القير لحس مخفي وشوي وانهبل

**تألمت بس تعلمت** · 26-04-2013, 04:54 PM

سلام عليكم
وش قصة ام المعيار معي
انا توي مغير زيت القير وابغى اقيس الزيت حسب اللي في كتالوج السياره ان لازم تشغل السياره وتخليها لين ترتفع الحراره لوضعها الطبيعي وقتها تكون مروحة الرديتر شغاله
ططف السياره وخلها اكثر من دقيقه واقل من ساعه ونص وافحص المعيار
لاسويت هالطريقه وفحصت يطلع الزيت ناقص
بس لاخذت مشوار على السياره وطفيت السياره وخليتها 5 دقايق وجيت اقوس الزيت القاه ممتاز !!!

ابي طريييييييييقة صحيحه تريح مخي ازوده ولالا مع اني مغير الزيت 3 علب مع الفلتر
تراه وسوس بي

**Anas_M7med** · 26-04-2013, 05:08 PM

زيت القير ماينقاس الا والسيارة شغاله

وتاكد انك تقييس على ارضيه متساوية يعني مافيه طلعه ولا ميله بالشارع

**أكــــــــــورد11** · 26-04-2013, 06:05 PM

الصحيح ثلاث علب وربع مع الفلتر ويوصل للخط العلوي

**تألمت بس تعلمت** · 26-04-2013, 08:16 PM

الله يعطيكم العافيه شكله فعلا ناقص ومع الحراره والمشوار يتمدد

**ابو شوشو** · 27-04-2013, 01:13 AM

اخي الكريم يجب عند معايرة الزيت وقوف في ارض مستويت مثل ماقال الاخوة وتكون السيارة ساحنة او حارة علشان تاخذ مقياس الزيت جربكس بطريقة صحيحة و تسحب عيار الزيت وتمسحة بلمنديل وترجعة مكانة وتسحبة مرة اخرى وهو العيار المظبوط مغ تغيير 3 علب زيت هوندا فقط للجربكس و الفلتر الزيت .

**تألمت بس تعلمت** · 27-04-2013, 10:12 AM

الله يعطيك العافية ابو شوشو
طيب لازم السياره طافيه ولا عادي وهي مشتغله ؟
لاني زدته اقل من نص علبه اليوم وطلع لي مضبوط وانا توي ماخذ مشوار ويوم رجعت من المشوار وقست الززيت لقيته زايد عن الحد كثير صاير على كل المعيار

**جاكي2** · 27-04-2013, 10:02 PM

قياس زيت القير الاوتو حسب كتيب السياره

شغل السياره وانتظر حتا تعمل المروحه وتطفي
بعدها طغي السياره

وانتطر مده لاتقل عن 60 ثانية ولا تزيد عن 90 ثانية

واسحب المعيار وامسحه واسحبه مره اخري تلقاه بين النقطتين يعني كامل

اكثر يعني زايد

اقل يعني ناقص

**جاكي2** · 27-04-2013, 10:25 PM

وهذي يابعد قَلبـ♡ــيے تألمت بِــ̯͡سّ تعلمت
صوره. ليطمئن قلبك ولجميع من قيرهم اوتو

**تألمت بس تعلمت** · 27-04-2013, 10:27 PM

بيض الله وجهك اخوي جاكي
انا ملاحظ ان مافيه مروحه تشتغل الا مع تشغيلة المكيف
اليوم شغلت السياره لين ارتفعت الحراره لوضعها الطبيعي وماسمعت صوت مروحه ومن طقيت المكيف اشتغلت
والحمد لله زدتها نص علبه والامور طيبه

الله لايهينكم ياشباب لاخلا ولاعدم

**جاكي2** · 27-04-2013, 11:15 PM

شيك علي قلب المروحه الجهه اليسار
وشوف مع تشغيل المكيف كم مروحه تشتغل

اذا 2 شغاله وضعك سليم
اذا وحده شغاله فقط. طقها بمفك العجل من قلبها ❤
اذا اشتغلت خير وبركه ماشتغلت غير كتاوت قلب المروحه

لكن
اذا متاكد ان المرواح كلها شغاله
وماشتغلت بعد دقيقه من التشغيل او دقيقتين

لازم تشيك علي موية اللديتر وتاكد انه مو ناقص مرره

لان حساس تشغيل المراوح مايتعرف علي حراره المويه ادا كان النقص كبير

وممكن ترتفع الحراره وقت الانتظار فوق النص

**تألمت بس تعلمت** · 28-04-2013, 11:47 AM

موية الرديتر مالي اسبوع مغيرها كامل كان عندي نقص في القربة ماعباها المهندس الله يهديه بس الحمد لله مارتفعت الحراره
ومتأكد مافيه نقص في المويه بس بشيك على المراوح مع تشغيل المكيف واشوف

**تألمت بس تعلمت** · 28-04-2013, 12:01 PM

لازم تكون السياره بارده علشان تشتغل المراوح ؟!
انا جاي من مشوار وطفيت السياره 5 دقايق ورحت اشيك على المراوح وشغلت السياره خليتها دقيقتين كلهن ماشتغلن
يوم شغلت المكيف اشتغلن كلهن قمت طفيته وانتظرت دقيقتين والمكيف طافي واشتغلن كلهن
هل الوضع سليم ؟ وانا الحمد لله ماعاني من حراره ومثل ماقلت مغير المويه من اسبوع

**جاكي2** · 28-04-2013, 03:39 PM

اجل امورك فـ♡ـي السليم

وماعندك ان شاء الله اي مشكله المراوح او مويه اللديتر

**تألمت بس تعلمت** · 28-04-2013, 05:03 PM

ايه الحمد لله صارت المراوح تشتغل حتى بدون مكيف بس صوتها مكتوم شوي بعكس والمكيف مشتغل
هذي عند الكل ولا عندي بس ؟!ّ

الله يجزاك اخوي جاكي عذبتك معي .. بيض الله وجهك