النتائج 1 إلى 5 من 5

الموضوع: مشكلة الحراره خبراتكم لاهنتم قبل لا ابيع السياره

  1. #1
    عضو
    تاريخ التسجيل
    05-2013
    المشاركات
    7

    افتراضي مشكلة الحراره خبراتكم لاهنتم قبل لا ابيع السياره

    السلام عليكم ورحمة الله وبركاته

    الشهر عليكم مبارك وكل عام وانتم بخير

    ادري ان الموضوع دايم مكرر لكن الصراحه ما لقيت الشي اللي مفروض اني اسويه

    طلعت لي مشكله مادري وشلون
    بعد المشكله اللي حصلت لي قبل
    http://www.hondaarabia.com/club/t60095/

    المهم
    المشكله اني اذا مسكت خط وبعدها وقفت الحراره ترتفع للاتش واذا مشيت تنزل

    طبعا انا بالديره اطلع واجي بالسياره وبعض المرات اقعد بالسياره نص ساعه مشغله ولا فيها اي مشاكل
    وديتها للورشه خويي وشكل ماعنده سالفه
    يقول لي عندك راس المكينه
    طبعاً اللي خلاني اقول ماعنده سالفه انه يقول ابفتح لك المكينه واشوف اذا المشكله من الراس او لا
    وفتح المكينه في امريكا غالي الصراحه واذا كانت المشكله من الراس بتكلفني فوق الالف دولار
    من غير مسح الراس

    ابقول لكم انا وش سويت علشان بعد تعرفون زياده ليش اقول انه مو من الراس
    المشكله هذي لها يمكن شهرين بالسياره وسافرت فوق الفين كيلو خط وماشي على نظام اذا وقفت ترتفع الحراره واحط القير على ان وادوس لها بنزين وتنزل مره ثانيه
    لو انها راس مكينه ما اتوقع ان السياره بتتحمل خط فوق الف كيلو روحه وفوق الف كيلو رجعه

    وشي ثاني فيه بامريكا يبيعون ماده لونها ازرق ومعها اداة
    الماده اذا تحولت للون الاصفر يعني جاها اي نوع من الغازات سواء بنزين او اي شي ثاني
    وهذا رابط فيديو لها
    http://www.youtube.com/watch?v=QA7KVQq9vKA
    تشغل السياره وتفتح الغطاء وتحط الاداة بمكان الغطا وتنفخ فيها لمدة اذا تغير اللون يعني فيه غازات بالرديتر بالعربي راس مكينه
    لكني جربتها على سيارتي يمكن ربع ساعه ولا تغير اللون

    فما اتوقع ان المشكله بالراس


    حالياً انا طلبت غطاء رديتر جديد ومالقيت غطاء وكاله بس لقيت غطاء كم واحد مدحوه بالانترنت للسفك

    اللي خلاني اكتب الموضوع ان امريكا غطع الغيار نار وشغل اليد نار بعد
    فأبي اللي حصلت له مثل هالمشكله او عنده خبره الله لا يهينه يعلمني ويكون شوي متأكد لان زي ماقلت قطع الغيار من جد نار

  2. #2
    مراقب الصورة الرمزية أكــــــــــورد11
    تاريخ التسجيل
    08-2011
    الدولة
    الرياض
    المشاركات
    1,590

    افتراضي

    وعليكم السلام ورحمة الله وبركاته

    بالبدايه
    1-شوف قربه الراديتر فيها من داخل لي(هوز) اسود يمكن طايح داخل ولايسحب المويه للراديتر صارت لاخونا جاكي وركبها
    لان اذا الراديتر مافيه مويه المراوح ماتشتغل وترتفع الحراره

    2-شغل المكيف وافتح الكبوت وراقب مروحة الراديتر ومروحه المكيف ولاحظ اذا يشتغلون مع بعض ماعندك مشكله
    3-افحص بلف الحراره مع اني استبعد طرمبه المويه

  3. #3
    عضو
    تاريخ التسجيل
    05-2013
    المشاركات
    7

    افتراضي

    اقتباس المشاركة الأصلية كتبت بواسطة مبارك عبدالله مشاهدة المشاركة
    وعليكم السلام ورحمة الله وبركاته

    بالبدايه

    1-شوف قربه الراديتر فيها من داخل لي(هوز) اسود يمكن طايح داخل ولايسحب المويه للراديتر صارت لاخونا جاكي وركبها
    لان اذا الراديتر مافيه مويه المراوح ماتشتغل وترتفع الحراره

    2-شغل المكيف وافتح الكبوت وراقب مروحة الراديتر ومروحه المكيف ولاحظ اذا يشتغلون مع بعض ماعندك مشكله
    3-افحص بلف الحراره مع اني استبعد طرمبه المويه
    اشكرك اخوي مبارك على ردك
    انا بعت السياره واشتريت اكورد وكالة علشان افتك من المشاكل مره وحده وعلشان استانس فيها بهالكم سنه بامريكا وبعدها اجيبها معي للسعوديه

    قربت الراديتر للسفك القديم اللي او الهوز يجي من تحت مشبوك والقربه بعض المرات تجي فاضيه وبعض المرات تمتلي

    المراوح تشتغل تمام فحصتها باكثر من طريقة

    بلف الحراره فحصته تمام

    وطرمبة المويه غيرتها

    ومع كذا الحراره نفس المشكله اول ما امسك خط واوقف ترتفع علي الحراره
    علشان كذا بعتها وقلت للمعرض المشكله وطاح من قيمة السياره كثير
    ورحت للوكاله واشتريت اكورد نص فل بدون جنوط وابنضم لرابطتكم خخخخ
    وابعدل عليها بس اني انشغلت مع الجامعه هالايام



    الله يعطيك العافيه ويوفقك وييسر امورك

  4. #4
    عضو
    تاريخ التسجيل
    08-2014
    الدولة
    مكة
    المشاركات
    1

    افتراضي

    السلام عليكم ايها الاحبة ... اشكركم على انضمامي لهذا الموقع الجميل والمفيد ... ارجو من الله ان يكتب لكم التوفيق والسداد
    اخي heem1 اسال الله ان يعطيك خير السيارة ويكفيك شرها.. صحيح انك غيرت كل شي جديد لحل مشكلة الحرارة , لكن فكرت في تغيير رديتر السيارة ،، لا اخفي عليك انا اعاني نفس المشكله بالنسبة للخرارة هوندا سيفيك 2002 وقال لي المهندس اعمل تسييخ للرديتر او غيره ، ومادري ايش اسوي .

  5. #5
    عضو
    تاريخ التسجيل
    11-2012
    الدولة
    الرياض
    المشاركات
    49

    افتراضي

    .صاحب الموضوع يقول الحاره ترتفع اذا وقف السياره .؟!

    الجواب لان الهواء مايدخل في الرديتر اثناء التوقف وهذا الخلل حتى الفحص الكمبيوتر غير قادر على تحديد الخلل

    في هذه الحاله - قم بتغير رديتر اصلي من الوكيل لان المحلات كذابين وغشاشين حتى لو قال الكهربائي الرديتر سليم هذا اذا كان تجاري القديم

    الشىء الثاني - تغير دينمو المراوح اصلية لان ممكن المراوح شغاله لكن صارت ضعيفة وماتعطي تبريد .

المواضيع المتشابهه

  1. مشاركات: 5
    آخر مشاركة: 15-05-2013, 02:12 PM
  2. مشكلة تكفون ابي حل لاهنتم
    بواسطة عاشق الملكة2010 في المنتدى هوندا اكورد Accord
    مشاركات: 3
    آخر مشاركة: 19-01-2012, 07:17 PM
  3. ابغى ابيع السياره
    بواسطة الوهم الاخير في المنتدى هوندا اكورد Accord
    مشاركات: 13
    آخر مشاركة: 15-05-2010, 09:03 PM
  4. لاهنتم مدري مشكلة ولا موسوس
    بواسطة اكورد بلاك في المنتدى هوندا اكورد Accord
    مشاركات: 8
    آخر مشاركة: 24-12-2009, 06:46 AM
  5. ابيع السياره و لا !!! (عاااااااااااجل)
    بواسطة The Godfather في المنتدى سيارات الأعضاء Members cars
    مشاركات: 11
    آخر مشاركة: 18-02-2007, 06:41 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
[Output: 56.75 Kb. compressed to 50.72 Kb. by saving 6.03 Kb. (10.63%)]