احتاج مساعدتكم تكفون يا أهل الخبره ضروري الموضوع

[مقاتل القحطاني]

السلام عليكم

اختصارا للموضوع اخوي معه اكورد 2008 4 سلندر الزبده الموتر ماشي حول 190 الف وإلى الان ماغير زيت القير الله يهديه

المهم الرجال مهمل ويوم دريت خفت القير يطق ف جيت بغيره في الوكالة قالوا نغيره بس المسؤلية عليك احتمال القير يطق وبعض الشباب قالوا غيره توكل على الله والبعض قال خله لا تغيره لين يطق والبعض قال سو طريقة طلع ربع الزيت ثم دخل ربع ثم طلع نص ثم دخل نص ثم طلعه كله ودخله كله وانا والله احترت وما ادري وش الحل علما ان القير سليم ولا به شي لا طقه ولا شي واخوي مهب راعي خطوط المهم حبيت استشيركم وش الحل تكفون

الله لا يهينكم جميعاً

[Abood Alnaham]

موضوع تغيير ألزيت موجوط بهالمنتدى دور عليه وبتلقاه
اللي هو تنقص علبه وتزود علبه جديده وتمشي 1500-2000 كيلو ثم تنقص علبه وتزود علبه جديده وتمشي 1500-2000 كيلو و على هالحال لين يتبدل كله ... هذا اللي قريته وسمعت انه افضل طريقه ... وان شاء الله الشباب ما يقصرون معك

[سلطان2020]

طريقة تنقيص علبة وتزويد علبة مكانها طريقة مضمونة ان شاء الله
وأشوف انه تمشي عليها شهر كامل وبعدين علبة وتنقيص علبة وكذا

خويي معه اكورد 2007 ماشية الحين 300 الف الا حاجة بسيطة وماقد غير زيت القير الى الآن
تغييرك لزيت القير يمنحها عمر أطول لكن غير بالتدريج