ملاحظات على اكورد 2012

[Des.3BADE]

السلام عليكم ورحمة الله وبركاته


كيف حالكم جميعا


انا معاي اكورد 2012 وعندي بعض الملاحظات وان شاء الله تفيدوني


1- عندي صوت طق مره خفيف خلف الطاره يجي ويروح من فتره لفتره
و اذا لفيت الطاره يسار ودعست بنزين يطلع صوت ونه مع دعست البنزين يعني مع اليوتيرن دايما ،
لكن راحت بعد ما اكتشفت ان زيت الدركسون ناقص
ليش نقص طبيعي ولا في مشكله


2- جلد القزاز الخارجيه تقطعت رغم انها ماهي ناشفه صارت زي الصلصال !!!


3- عزم السياره مو مثل اول واحس صوت المكينه عالي ومزعجني جدا

5- حذفه بسيطه عاليسار ،


4- لمبة القير طفت ! كيف اغيرها ؟


هل هذي كلها عيوب بالاكورد ولا بعضها طبيعي ؟


السياره ماشيه 91 الف كل 5 الاف اغير زيتها وغيرت فلتر الهواء مره وزيت الجربوكس والفلتر والاقمشه ،
والحين بغير البواجي
وش المفروض اغير بعد

لان ماعندي خبره بصراحه في صيانة السياره بشكل عام
وفيه ملاحظات غيرها بس ماتحضرني بس مو معناته ان السياره سيئه في نظري
والله اني اعشق الاكورد وتوفقت في اختيارها الحمدلله هالنشميه اسافر بها 400 كيلو اسبوعيا


والف شكر لكم مقدما حبايبي

[سلطان2020]

وعليكم السلام ورحمة الله وبركاته
سيارتي اكورد 2012 ماشية 132 الف

1- النقطة الاولى هل تقصد انه طقطقة غطاء الدركسون اللي عليه شعار هوندا عند الطرق الغير جيدة ؟ اذا كان كذلك جاتني المشكلة وحطيت ورق مقوى خلف الغطاء وراحت المشكلة وبالنسبة لزيت الدركسون ماسبق ونقص معي صراحة
الحين ناقص نقص خفيف لكن لازال اعلى من الخط السفلي

2- ايش المشكلة اللي عانيت منها بسبب جلد القزاز

3- مدري عن اسباب ضعف العزم يفيدونك الشباب

4- لمبة القير اللي عند عصا القير سبق وطفت رحت شريت اللمبة من الوكالة بـ 9 ريال وركبتها في الصناعية واذا عندك خلفية في فك ديكور القير تقدر تغيرها بنفسك

5- بالنسبة للبواجي بدري عليها تغيرها انا للحين ماغيرتها واشوف ممشى 150 الف ممشى مناسب لتغييرها مع انه تقدر تمشيك اكثر

[أكــــــــــورد11]

وعليكم السلام ورحمة الله وبركاته
معاي اكورد 11 وماشي 195الف ماشاء الله
1- صوت الطقه ممكن من عمود الدركسون اوتحتاج تربيط ولكن وديها الوكاله السياره لازالت تحت الضمان ولله الحمدماعانيت منها.
2- فيه طرف واحد من الخارج بالاسفل على طرف القزاز متقطع من الشمس ولكن مالها علاقه بجلدة القزازمجردفاصل بين النيكل وجلدة القزاز
3-افحص فلتر الهواء مشكلة فلتر الهواء حق الوكاله من يوصل 25الى 30الف الفلتر يصير كرتون والهواء دخوله قليل للمحرك طبعا استغنيت عن فلتر الوكاله بواحد رياضي أفضل منه بكثير وآمن
4-ولله الحمد ماطفت اللمبه حقت القير
5-البواجي بامكانها توصل 200الف وانا الآن ماغيرتها ولايوجد تفتفه
الوكاله همها شفط فلوس وانت براحتك
الاشياء اللازمه للتغيير فلتر البنزين كل 80الف
فلتر الهواء وفلتر المكيف
احرص على تغيير زيت القير زيت هوندا اول مره كل 60الف وثانيا كل 40الف ..الخ

[سلطان2020]

لي وجهة نظر بخصوص فلتر البنزين
على كثر اللي أعرفهم معاهم أكورد ماأحد غير فلتر البنزين قبل 300 الف
واحد منهم معاه 2006 ماشية 400 الف وماقد غير فلتر البنزين
واحد معاه 2009 غيرها على 330 الف لانه صارت السيار تتفتف اذا تعدى 120 والسبب فلتر البنزين

الكاتالوج جدا محتاط أكثر من اللازم يقول لك البواجي تتغير على 100 الف مع انه تقدر توصل عليها 200 الف بدون مشاكل

[أكــــــــــورد11]

وظيفة فلتر البنزين هي تنقية البنزين من الشوائب والمحافظه على ابر البخاخات وكذلك دبة البيئه من الكربون والحاصل انه لما اغير فلتر البنزين كل 80الف البنزين لونه اسود من الشوائب الموجوده فيه وعملية الاحتراق تكون شبه كامله مثل ماحصل مع الاخ لما تعدى ال120 وصارت تتفتف

[Des.3BADE]

وعليكم السلام ورحمة الله وبركاته
سيارتي اكورد 2012 ماشية 132 الف

1- النقطة الاولى هل تقصد انه طقطقة غطاء الدركسون اللي عليه شعار هوندا عند الطرق الغير جيدة ؟ اذا كان كذلك جاتني المشكلة وحطيت ورق مقوى خلف الغطاء وراحت المشكلة وبالنسبة لزيت الدركسون ماسبق ونقص معي صراحة
الحين ناقص نقص خفيف لكن لازال اعلى من الخط السفلي

2- ايش المشكلة اللي عانيت منها بسبب جلد القزاز

3- مدري عن اسباب ضعف العزم يفيدونك الشباب

4- لمبة القير اللي عند عصا القير سبق وطفت رحت شريت اللمبة من الوكالة بـ 9 ريال وركبتها في الصناعية واذا عندك خلفية في فك ديكور القير تقدر تغيرها بنفسك

5- بالنسبة للبواجي بدري عليها تغيرها انا للحين ماغيرتها واشوف ممشى 150 الف ممشى مناسب لتغييرها مع انه تقدر تمشيك اكثر

الطقطقه احسها ابعد من انها تكون خلف الغطا . لكن الطقطقه خفيفه وتجي وتروح لكن على سرعه بطيئه جدا
الجلد تقطعت عندي رغم انها ماهي ناشفه !!


شاكر لك مرورك وردك : )

[Des.3BADE]

وعليكم السلام ورحمة الله وبركاته
معاي اكورد 11 وماشي 195الف ماشاء الله
1- صوت الطقه ممكن من عمود الدركسون اوتحتاج تربيط ولكن وديها الوكاله السياره لازالت تحت الضمان ولله الحمدماعانيت منها.
2- فيه طرف واحد من الخارج بالاسفل على طرف القزاز متقطع من الشمس ولكن مالها علاقه بجلدة القزازمجردفاصل بين النيكل وجلدة القزاز
3-افحص فلتر الهواء مشكلة فلتر الهواء حق الوكاله من يوصل 25الى 30الف الفلتر يصير كرتون والهواء دخوله قليل للمحرك طبعا استغنيت عن فلتر الوكاله بواحد رياضي أفضل منه بكثير وآمن
4-ولله الحمد ماطفت اللمبه حقت القير
5-البواجي بامكانها توصل 200الف وانا الآن ماغيرتها ولايوجد تفتفه
الوكاله همها شفط فلوس وانت براحتك
الاشياء اللازمه للتغيير فلتر البنزين كل 80الف
فلتر الهواء وفلتر المكيف
احرص على تغيير زيت القير زيت هوندا اول مره كل 60الف وثانيا كل 40الف ..الخ

انا ما مشيت على صيانة الوكاله , بيقولون لي خرجت عن الضمان أكيد !!
طيب مو بدري عالجلد انهاا تتقطع , لان اشوف سيارات اقدم وجلدها ما فيها شي
عيرت فلتر الهوا مرتين بس ,

كم سعر فلتر البنزين والمكيف , ووين موقع فلتر البنزين , يعني افدر اغيره بنفسي ؟


مشكور ياغالي لاهتمامك
يسسعدك ربي

[أكــــــــــورد11]

بصراحه الجلده ماتقطعت الابعد 4سنوات من موديلها والاحظ الجلد عندك تقطعت بدري لكن مالها اي أهميه مثل ماذكرت لك مجرد فاصل بين النيكل وجلدة القزاز
سعر فلتر البنزين كان زمان 180 وارتفع الى 240 وممكن قل سعره وموقعه تحت المقاعد الخلفيه اذا انتا بالرياض فيه ورشه رقم 20 في صناعية العروبه او ورشة الجنوب بالصناعية القديمه .
فلتر المكيف 120ريال