تقرير تجمع الريــاض الخامس (ياكويس *_^)

[محمد بن عبد العزيز]

88888
شفتو شلون احبكم ومرحب فيييييكم...


اول شي الحمد الله على كل حال

وبعدين ليه ماحضرو اللي مسجلين بالمنتدى ويقووووووووول انا حاضر وميه وميه ومادري ايش
وفي الاخير احصل من 41 يجي 29 الباقي وين رااااااااااحو
والي اعتذو عن طريق الجوال والا الرسائل الخاصه اشكرهم كل الشكر
على تواصلهم معنا واعتذارهم لي في نفس اليوم
>لاحظ في نفس اليوم...


الحمد الله تم التجمع على خير وكان احلى تجمع بعد الاستاد الملك فهد(الاكشن- لتوافق الطرفين)
واشكر كل الحاضرين للتجمع
ونبدا ... بالتقرير...
اللي ماحضر التجمع اقوووووووووله ليه ماحضرت.. والا بي تبي تسوي زيادة عدد وبعدها تنسحب
ويبدا ابو التصرييييييييييييف شغاااااال معاك
والله جاني ظرف والا راحت علي نومه
والا ماغسلت والا طوووووووووووط
المهم الي اعتذر في نفس اليوم اقوله مشكووووور وعذرك مقبووووول لانك سجلت معنا وحصل لك ضرف واعتذرت
المهم اعاتب اللي ماحضرو


ملكـ بلا مملكه<تم ارسال الوصف9

DrEaMeR KiD<تم ارسال الوصف12

ل م س 433<تم ارسال الوصف13

ـبطرانـ2005ــ

A c c o r d 99<تم ارسال الوصف19

ل ح م 040<تم ارسال الوصف20

اكـــ2007ـورد <تم ارسال الوصف 21

اكورد الرياض<تم ارسال الوصف22

مهستر<تم ارسال الوصف24

ظـــــالحب ـــــمي<تم ارسال الوصف26

هنـــادي حيــــاتي..<تم ارسال الوصف 28

momo<تم ارسال الوصف..39

هـ ك ن 614

محجوب

الساهرب66

youssef_gte_3
88816888



الاكيــــــــــد (41)

نص و نص (6)

المجموع (48)
الي حضر.(29)وفيه ناس ماسجلت وحضرت(مفاجأه)
وفيه ناس من نص ونص حضرووو
نترك الكلاااااااااام ونبدا في المفيد
ادري متشوقين للتقرير
....

وش رايكم انزل التقرير بدون صور
يكون احسن
اذا الاسلوب له دور كبييييييييييييييييييييييير جدا يكون افضل
يغني عن الصور

اول الحضووووور
It's me
اكورد 2002
حضرت من الساعه 1 ظهراً>اجل ليل خيييخ:d
ونزلت الحطب والعده كلها وشغل وردي
ووصل جوفنتوس بعدي بعشر دقايق
جاب التلفزيون والبلايستيشن وبرضو العده وشغل عدل
وبعدها وصل مطنش وجاب الغدا معااااااااه وتغديت انا ومطنش وجوفنتوس مسوي خيانه متغدي وجاي<لعنبو الصداقه ياشييييييخ
تكينا مع بعض وانا جاي بالثوب الصعيد
ويشرفنا اكوس واحد (606) وتكينا وسواليف
وشوي يشرفنا (المسافر ... و ... تويتي)
احسن اخويا جايين مع بعض وكلن بسيارته وداخلين مع بعض
والحمد الله جو بعد ماخصلنا من الغدا والا خليتهم يدفعون الحساب كله >>طووووووووووط قق ويييييييييو
وبعدها وصلت الوفوووووود الى الموقع
وصل نجم التجمع (1) (بلاك اكورد 2008) ومعاه واحد مادري وش اسمه وفي الاخير عرفت انه (المضلوم)
وبعدها وصل ودا السعوديه 551 وخويه واو السعوديه 801
وشرفوووونا من القصيم ماقصرو طقو مشوار علشان التجمع مو مثلكم ياهل الرياض قريبين وكل واحد يقول شغالتنا تبيني اجيب سيريلاك <طوووووووط:d
وياتي نجم التجمع (2) St!nG
وتكيه وسواليف الى ان وصل عدد كويس (ياكويس);)
وبعدين قلنا نصف السيارات ونصور لين يجون الباقين
ويشرفنا نجم التجمع(3) كوكو كورد
وصفينا السيارات وصورنا وانواع الصراااااااخ والهبال
(بعذر المخرجين يعصبون )
اطلع من هنا وروح من هناك وتعال هنا وعدل سيارتك
هات ابوك ود اخوك جيب عمك رد خالك ومن هالكلام
الى ان وصل الترتيب كويس
وتم الابداع في التصوير من قبل الكويسين(Black accord 2008 ..و..و د ا السعوديه 551)
وخذلك ياتصوييييييير وكل شوي يجي واحد ونصور ويجي الثاني ونعدل السياره ونصور
كل شوي دفعه
وفجأه....
يجي اكورد 2008 اسود سيااااااحي السياااااااحي الضاهر درايش هندل
ويشطف ويعطييييييييييها نطله ويخششها والا الحفريات قدامه وانواع التصريف والفهااااااااوه طلع من شلت فك الطيس:d<فهمت ياكوكو
هذا الي قهر العالم كلها
2008 وتفحط لالا الحين صار على الهواء مباشره

ولما وصل باقي الاعضاء ويبقى
ونشوووف نووور جاي من بعيد قلنا ياولد الحين بيأذن المغرب ومن وين جاي هالنوووووووور الا ويجييييييييك
الاخطبوووووووط مسير علينا
وبعدها بقلييييييييييل
وصل احسن واكوس واحلى واحد
ل ن ن السعوديه 811
تدرون ليييييه
لانه ******* تذكرو النجمات لما تشوفون الصور...
واخذنا كم صوره للي وصولو قبل غروب الشمس
احلى سبشللل و وي ل و خوي جوفنتوس و يالبى قليبه>عضو جديد وking و جرح الغلا وخذلك ياستعرااااااااض

وناخذ لهم كم صوره بعد مافرزنا السيارات الكويسه

عدم الرد

[محمد بن عبد العزيز]

الحين نقول لكم قائمة الحضوووووووور
1- It's me
2- جوفنتوس
3- مطنش
4- 606
5- المسافر
6- تويتي
7- Black Accord 2008
8- المضلوم
9- و ي ل
10- St!nG
11- King
12- خوي جوفنتوس
13- كوكو كورد
14- الاخطبوط
15- جرح الغلا
16- احلى سبشللل
17- ل ن ن
18- يالبى قليبه
ولكم الصوووووووور تمتع بالنظر...



888 هذي انا مصورها شفتو كييييييف خيالي خخخخيخخخيييي

8888 دائما بالمقدمه ....



8888مره ثاني طالع بعد




88888
مقاس الجنط 20 ماشاء الله تبارك الله
الله يعطيك خيره ويكفيك شره ...

ياصحاب الؤلؤي مبسوطين :d

يازعيمهم 606

احلى لقطة لاحاب اللؤلوي >انبسطو :d

وبرضو مبسوووووطين







777777
شووف ل ن ن يوم وصل..


77777777
شوف الخمسين انت وياه هذا اللي سابقته القطه
معلقها بالصدام
احسن واحد واكوس واحد *******تذكرتو الصوره ...
7777777777



8888
الخمسه الكويسين
لنن - بلاك اكورد2008 - ستينق - كوكو كورد - it's me:d




8888
النجم الثلاااااااثي

وفيه قائمه وصلتنا بعد صلاة العشاء راح انزلها لكم بعد الصور


صلينا المغرب في الاستراحه
وبعد ماقلبناها صرقعه في التكيه وانواع الهبال وسعة الصدر وخذ وخل
وشيل وحط
الا وفجأه ....
..
..
..
...
..
..
..
.
نجمع القطه وتكيه ع الثيل واحلى وناسه :d
وتعارف وكل واحد عطانا راييه بالتجمع واقتراحاته
وماقصرو الشباب وبعدين الميزه فيهم(للي حاضرين بس)
انهم على يد وحده
اذا بتفرش برا كلهم قامو واذا بتجلس برااا كلهم قامو
ولي وقفه عند التكيه في الدكه >يامطنش;)اجيبكم غصب واخليكم تطلعون برااا في الدكه :pبس لما جت الساعه 11 (مابي انسى )

وبعد ماتقهوينا الشاهي والقهوه
يجيييييييينا شخص غاااااااااااااااااااااااالي علينا
منذو مبطي وحنا ندوره ونبحث عنه
اقبل علينا ...
نور مادري من وين جااااااااااء
انا فكرت ان القمر نزل علينا وشطف وكان بيرجع والا
بيكهام يصييييييييييييييده ...
اهنيك يابيكهاااااااام
جزاك الله خييييييييييييير
ماقصرت يوم جبت لنا القمر... وخليتها يتكي معنا
اكيد تبون تعرون مين القمر
ناضر فوووووق وتعرف مين
شي لم يتوقع احد انه يجي ولو نص%
شخص ابدع في المنتدى بشكل خياااااااااااالي
ترك بصمه معرووووووووفه عنه وعن سيرته واخلاقه
بصراحه يعجز الكلام عن التعبير في حق الشخص هذا ...
كلاااااااااام كبييييييييييييييير ياقمرنا
مثل ماقال الشاعر ..ماجد الراشد
وحشتني سواليفك وحشتني شووووفتك اكثر....
دخل العضو بيكهـــــــــــــام
والقمر على يمينه :d
تتوقعون من يكون...
..
..
..
..
..
..
..
..
اكيد واحد من الاعضاااااااء يعني من بيكون >>بيتصفق:p

امزح معااااااااااااااكم
بس الي حضر
ووصل
رغم الي صار

هو

:dنـ K ــد السعوديـة 753 :d
ياكوييييييييييس يانكد
اهنيك ع الحضووووووور
ومشكور يابيكهااااااام على انك مسكتالقمر قبل مايروح لعالي سماااااااااه
وفليناهااااااا وانبسطنا وتعارف وانواع الوناسه والتنتيف في تويتي مسكين هالادمي صار ضحية التجمع ههههههههه
وشوي الا ........

[محمد بن عبد العزيز]

نسولف ونتقهوى وكل ماصب لي شاهي
اخلي نكد يغط باصبعه >طوووووووووط ;)
ونكمل بعدها حضرو مالكم يكن في البااااااااااااال
شخص عزييييييييز وغالي علينا
ومشرفنا الغاااااااالي رغم اللي صار من عواقب وخيمه
ومن سالفه القضبان الى سالفة الحادث
والموقف المحرج اللي حصل مادري
يبدا بالسياره والا يبدا بالتجمع
اهنيك ع الروووووووووووح الغاليه يافريدووووف
بصراحه انت يافرييييييييييد رغم الظرف اللي جاك الا انك جيييييييت للتجمع
ماراح يكمل التجمع الا وانت متواجد...
وصل الحضور الى 28 شخص
ولعبنا كوره والي بالاب توب واللي ماسك البلايستيشن
واللي يتكافخ مع خويه ساحب عليه بالماسنجر وتوه يصيده
واللي واللي ....ماراح ننتهي<لو انك جاي كان شفت الفله زين :p

ولعبنا كوووووره وسحبنااااهم
وكان في فريق نكد
نكد الحارس واقوى حارس>مثل دحوم بالتجمع اللي راح
تويتي الكويس هداف الفريق
بيكهام
يالبى قليبه
it's me
الاخطبوط
عاد ياشبااااااب ذكروني ترا من قوة الفوز نسيت فريقنا
نترك المايك للفريق الفايز
وكانت النتييييجه
...؟؟؟...

88888
ممو-الوافي-بي يونيك-accord 2007-سلطان>:d

عدلنا السيارت وخليناها قريبه من الاستراحه والا بننقفط للمره الثاني...

>>الاكورد الي على اليمين عبادي عاشق هنادي ...

قبل غروب الشمس بدقائق>عاجبتني الصوره..

الان استعرض سيارة (St!nG)

ونبدا في كوكو كورد>ويتحفنا بصور من عنده لاحقاً

سيارة جوفنوس مطر مالاستعراض لانه ماغسل <<:p

ويختتمها العضوووووو
حضر سموه الكريم عندما اكتمل العدد وكل شي تمام
صاحب السمو دحوم صاحب التغبيره>ياعضو النخبه
وفليناها في الخيمه
وانواع الدفى وشبة النااااااااااس يازين اللمه الحلوه
ولكم الصور لتمتعو بالنضر في الاخراج الكويس

في الرد الي بعدوه >يالله صلحووووووو

وبعد التكيه والهبال وفجـــــأه
يجييييييييييك الاكشن
بعد تجمع الاستاد الملك فهد
انقفطوو

وهنا
مو قفطه
الا
.
.
.
.
.
.
7777777777

[محمد بن عبد العزيز]

الا

0

0

0

0
0

0
0

0
0

0
0

0

0
0

طـــــــــــرده
انطردنا من الاستراحه :d
لان الاخطبوط طلع بدري وراح وخلانا نبلش مع العامل

طوووووط<<المقصود فيهـــــا طووووووووط ياكوكو كورد
انطردنا من الاستراحه
وكان وقتها الساعه 3 بعد منتصف الليل

وبعد الطرده طلعنا للمخطط

التصوير من accord 2002
الكاميرا لـ كوكو كورد

وشبينا النار وفليناها
وصلحنا الشاهي وانبسطنا وكان العدد
10 سيارات من احسن الحاضر واكوسهم
واليكم الصور

يوووووووه وقتها كان البرد يصك في العظام والخشم مايوقف من المقوطر(يعني يصبصب يعني ينزل ماء مالح ) افهم انت وياه

وكان المايك مع نكد ويسولف طووووووول الوقت
ومستلم المايك

وفجاه

يطلع لنا وااااااااااااحد مادري من وين شطف الموضوع بس انا شكيت انه يبي يفتح موضوع يقاله نستفيد

مادي مين الي فتح الموضوع>خايف يتصفق

موضوعنا كان عن الديناصورات هل هي حقيقه ام خيااااااااال
لالا مو مصدق مو معقوووووووول والله اعلق واصفق>اها بس

ماعليش الموضوع هذااااااا خلى الي فيه النوم يقوووووم يرقص من وييييين هالموضوع ماعليش

دور غيرها

صحيح ان الحجره شيييييييينه وان اللي صااااار شي ماينسكت عنه من قوة الضحك الي صار

لالالالالالالالا

تصدق عاد جتك نتفه الييييييييييييييييييييييييييييييمه

ههههههههههههههه

بس اخلي النتفه يقوووووووووولها مصعب ويا مطنش

واترك الكلام والمايك لـــ كوكو كورد وبي يونيك و نكد و كم عضور >طوووووووط

قائمة الحضوووور
..
1- it's me
2- جوفنتوس
3- مطنش
4- 606
5- المسافر
6- تويتي
7-بلاك اكورد 2008
8- المظلوم
9- و د ا السعوديه 551
10- و ا و السعوديه 801
11-king
12- sting
13- الاخطبوط
14-و ي ل
15-ل ن ن السعوديه 811
16-يالبى قليييبه
17- عبادي عاشق هنادي
18-خوي جوفنتوس
19-كوكو كورد
20-احلى سبشللل
21-جرح الغلا
22-ن ك د السعوديه 753
23-بيكهــــام<نفس الرقم
24-بي يونيك
25-م م و السعوديه 755
26-الوااافي
27-accord2007
28-دحوووم
29-مسافر للرحيل

وفي الختااااااااام
الحمد لله تم التجمع بخيييييير وبدون أي عقبات او متطفلين او جهات اخرى
اشكر كل الحاضرين فردا فردا
واشكر المصورين
1- و د ا السعوديه 551
2- Black Accord 2008

محدثكم ومنظم التجمع
محمد بن عبدالعزيز
Accord 2002
(التحلية....)

ورووني ردووووووودكم

اول تقرير ينزل بعد التجمع بايام قليله

اضافة رد ماحطوها عبث
انتظررررركم

ولو ع الجوال ماعندي مشكله
وكل عام وانتم بخير
8888
انتظر معايدتكم
تصبحون على خير

[محمد بن عبد العزيز]

يالله نبدا...
بالردوووود


اشكرك ياالاخطبوووط ع المجهود الرااااائع

لاهنت ياعاشق البنت :d

تسلم يميييييييينك ياعموووووو

[تويتي]

اول رد للي تنتف في التجمع

يعطيكم الصحه والعافيه للي كتبوا التقرير وصوروا وتعبوا وكل شي

بس احلى شي انا اجتمعنا بالوجيه المنورة

طبعا ن ك د 753 + تويتي = نفس الجسم (قوووين لهم عضلات) صفقنا اللي في التجمع كلهم ونفس الفريق في الكورة يعني الهدافين


بس حلووو اصرار الحارس المبدع والمهاجم الخارق ن ك د عندما تصدى لكورة ل ل ن 811 يا كويس يا نكوود (ركود ركود نكوووود موجود)

بس غريبه يا التحليه ما ذكرت نتيجه المباراة

وعلى العموم نترك الحديث للبقيه واقول
يعطيكم الصحه والعافيه على التقرير الرائع

[ل م س 3 3 4]

ماشاء الله تقرير وتجمع متعوب عليه ،،،والله كان ودي احضر لاكن الشكوة لله

[و د ا السعوديـة 1 5 5]

يعطيك العافيه على التقرير
وشكرا لكل الى حضر وشرفنا .

ولي رجعه للموضوع.

[محمد بن عبد العزيز]

لي رجعة ببعض التفاصيل...

[يامطنش]

اهنيك على التقرير الروعه

وشكر كل لي نورنا وتعنا وجا

اشكر المصورين واقول ابداع فوق ابداع

[ZO6]

يعطيك العافيه محمد على هيك تقرير كان في قمه الروعه
كنت اتمنى اني اكون معكم لان القعده معكم ماتنمل منها لكن ماكتبها ربك :o

وشكل الاستراحه مره روعه والحضور جميل

تحياتي.......

[HONDA_Accord]

اهنيكم على التجمع الرائع وكان ودي احضر لكن خيرها بغيرها

[الـمـسـافـر]

الله يعطيك الف عافيه اخوي محمد على تنظيم الجمعه الحلوه

الفضل لله ثم لك في خروج هذا التجمع بالشكل الرائع

واشكر جميع الحضور واللي انبسطنا معهم خصوصا اللي تعنوا من برا الرياض

واخيرا اتمنى من الله العلي القدير ان يجمعنا في جنات النعيم .. قولو آآآآمين

سلطان بن عبدالعزيز :d

[مسافر للرحيل]

يعطيك العافيه اخوي accord2002 على التقرير الحلو ولي رجعه باللي انت خابر ;)

ونشوفكم ان شاء الله في اقرب وقت

[Black Arrow]

يعطيك العافية يالتحلية

بس عندي سؤال

- كم واحد جا ببدلة وكم واحد جا بثوب :d

اللي قاهرني مافي ولا سيفيك جاء.... شكلي بجي التجمعات الجاية علشان حضور السيفيك

[و ى ل السعوديه 8 5 5]

يسلموووووووووووووووووو

الله مير يسلمك على التقرير الروووووووووووعه....

بس عندي ملاحظه:ليش ماتكتب اسمي كامل مثل باقي الاعضاء....


بس انا اقول الصور ماتكفي...

مو مثل الحضور على الهواء مباشره...

يعني اللي ما حضر فات عليك...

على العموم اشكر كل الاعضاء والمشرفين...

واللي مغبرين...


على الحضور وماقصرتوا شباب...



و ى ل السعوديه 8 5 5 ...سالم الجارالله...

[B Useful]

يسلموووو يسلمووو ع التقرير الروعة ,,

الله يعطيك العافية ماقصرت ,,

تقير روعة والتجمع اروع ,,

اعذرني اخوي محمد ,, ماقدرت اوقف معك في تنسيق التجمع ,, السيارة كانت بالورشة وكنت محيوس جداً ما مداني اتحرك شبر الا من البيت للورشة للصراف للورشة والحمد لله طلعت السيارة قبل التجمع بكم يوم ,,
والحمد لله ان الشباب ما قصروا ووقفوا معك وتم التجمع على احسن ما يكون ,,

الله يعطيكم العافية جميعاً من نسق ومن حضر ,, واخص بالشكر للأخ الغالي B Unique الله يجزاة خير حضر التجمع على الرغم من انة قبل التجمع بيوم واحد سوا حادث على سيارتة قبل ما يجينا ,, حضر واسعدنا بحضورة الله يسعدة زي ما اسعدنا والله يعوضة خير ,,

مفاجأة حلوة سواها بيكهام ,,, جايب معة نكد ,,

ماشاء الله عليك يانكد ,, كليت الجو بالسوالف الظريفة ,,

بس صراحة سالفة الديناصورات اوكييييية ,,, حسيت اني اتابع قناة ديسكفري ..

[The Godfather]

التقرير ... روعه
و مثل ما يقولون :
التحليه يعلو و لا يعلى عليه
يعطيك العافيه انت و مع اللي حضرو التجمع
شكله كان تجمع و لا اي تجمع

الصور روعه ...... خصوصا اللي طالع فيها ظلك ... يا صاحب الظل الطويل

يعطيك العافيه مره ثانيه ...... و فعلا نكد عمل لكم مفاجئه

بس ياريت تقول لنا شي طريف صار ( لاني متأكد انه صار شي طريف )

و لك مني خالص التقدير و التحيه

مدير ادارة قسم للاخبار و الاشاعات

[يامطنش]

اذا على شي طريف الا اشياء صارت

وتمناء كل واحد صار معه شي طريف يقوله

[أكورداوي]

ويييييييينه طول هالأيام ..؟

أهم شي جلدوته ؟

وهل له نيه يرجع لنا ولأيامنا الحلوه أيام صاااااااادوه ,,؟

مش ممكن .. مش ممكن ,, نار ياحبيبي نااار ,,

ماعندي كلام عن التجمع إلا انه تجمع جنوووني .. وليش مايصير جنوني والي نظمه مجنون:d بأفكاره وتنظيمه ,,

لكن زبدة كلامي

نكوووود

[accord05]

كل سنه وانتو طيبين ومن العايدين جميعاً
والله العظيم تمنيت اني اكووون معكم ويشهد الله معرفتكم جميعا ماهي خسارة وكلكم فووق الراس لكن جتني ظروووف
واقووووولكم ياحظكم

التصوييير رووووعه والحظوووور ارووووووووع والاستراحه تمام وماقصرتو على التقرير المفصل والرائع والله ماقصرتووو شباب تقرير سريع وافي وكافي ويعطيكم العافيه
وباذن الله في التجمعات الجاية اكون معاكم



واقوووول للشباب الي حظرو وقهرو جميع الظروووف انتو

[momo]

قهرررررررررررر والله

فاتني ولكن السبب اني مشيت لجده الخميس الساعه 3 العصر

وربي قهر بس متى التجمع السادس لاني حاضر حاضر الله لا يعوق بشر

وفيه تجمع بجده بنسير عليه ومشكور على التغطيه الروووعه

[Black Accord 2008]

ماشاء الله تبارك الله ..

يلوموني فيك يالتحلية .. والله انت الكويس

تقرير ولا أحلى ..

وأنا نجم التجمع (1) ياخي أحرجتني يااااااخي :o

والنتيجة كانت ..

4 - 0
لصالح فريق نكد ..

والفرق كانت غير متكافئة بالمستوى والله ياسحبوا فينا تسحيب ..

فريقنا كان ..

أنا وو المسافر وو 606 وو المظلوم وو ل ن ن وو م م و وو كنج -------->> الي يبي يعدل مسموح

وفرقهم كان ..

نكد وو الاخطبوط وو و ي ل وو التحلية (( وهو الحكم شووووف الغش ))
وو تويتي وو ........ باقي اثنين نسيت ؟؟

وانهزم فريقنا وللأسف ..
والي سأل عن الثياب والبدل

تقريباً مو أكيد انه 7 الي حضروا بالثياب والبقية بدل

وأخيراً

بعد ماتم التجمع ولله الحمد ..
وتم التقرير ولله الحمد ..

الله يعطيكم العافية ياشباب ماقصرتوا جميعاً

التحلية ------->> المنظم وبإختااااصر انت نجم التجمع الأول

كوكو كورد ------->> فاتكم سوا لنا درس تعليمي عن غسيل السيارة وتركيب بعض الاشياء مثل الي بسيارته وأنا شخصياً استفدت منها وشريت بعض الاغراض الي قالنا عنها ..

الاخطبوط ------ >> أخلاق وتعامل ولا أحلى وإماااااااااااااامنا لانه وأشكره الصراحه على حضوره والكبيييييييير كبييييير في المنتدى وفي الاستراحه وبأي مكان ..

بي يونيك ------->> أقوى صدمة تلقيتها وأنا أسلم على جوفنتوس وقالي انه صدم وتقلب وأنا الي أنط عالتحلية وأفهم منه السالفه وكنا شاكين انه مقلب مزح يعني ..
بس تأكد الموضوع ..
ورغم كل الظروف وينورنا بحضوره .. الله يعوضك خير انشالله ويارب ترجعلك سالمه غانمه مثل ما كانت وأحسن ......... وياااااعساها آخر المصايب قول آمين وتشرفت بمعرفتك يالغالي ..

عبادي عاشق هنادي ------>> أشكرك على النصايح الي ذكرتها لي ولغيري من الاعضاء وفعلا تشرفت بمعرفتك وللأسف كان ودي بصورة لك وانت مشغل الزينون .. والله طالع شي ماشاء الله

يامطنش ------->> طبعاً النصراوي الوحيد بالتجمع .. :p
أشكرك على مساعدتك بالتنظيم .. وانت نجم التجمع الثاني بعد الزراديه

ودا ------->> صديقي المصور .. أنا أشهد انك الاستاذ وأنا الطالب
والله صور ولا أروع ومؤثرات ياشيخ صورك روعه ماشالله عليك وعلى كمرتك

أكورد 2007 ------->> أو مثل مايعرف في المنتدى باسمه--- ماهر تشرفت بعرفتك يالغالي ونشوفك انشالله بتجمعات قادمة ..

نكد ------>> ياخي ماادري ليش صوتك مايروح من بالي وانت تقول
ياحااااااااارس بيني وبيييييييييينك

مجرد شعور حبيت أوصله لكم إذا سمحتولي ..

والبقية ..

الله يعطيكم العافية جميعاً .. وهذي فاتحة خير انشالله لي ولجميع من حضروا ولأول مره ومن تجمع للثاني الله يطول بأعماركم ونتقابل دووم انشالله ..

وأسأل المولى العلي القدير مثل ماجمعنا معكم بالدنيا
أن يجمعنا معكم بالآخره في جنات النعيم

تحياتي للجميع ..

صالح

[يامطنش]

يامطنش ------->> طبعاً النصراوي الوحيد بالتجمع .. :p
أشكرك على مساعدتك بالتنظيم .. وانت نجم التجمع الثاني بعد الزراديه

الشكر موصل لك ولكل واحد حضر معنا سوان شخصين او بتصل او بقلبه

تحياتي لكل الشباب الي جوا

[جريح الاكورد]

تجمع و تقرير و لا اروووووع ..



يعطيكم الف عاااااااااااااافية ..