أدخل هنا واعطني الحل المناسب !!

[فقير الحظ]

السلام عليكم ورحمة الله وبركاته

كيف حالكم اعضاء نادي محبين هوندا

باركولي اشتريت كفرات مقاس 215_35_18 بدل من 235_40_18

والحمدلله راحت الحكحكه بالرفرف والمشاكل :d بس باقي كفر صامولته ناشبه ماتطلع بكره بروح المخرطه يسوونه

المهم

شباب اول كانت مشكلتي ان الكفرات الي ورا مع اقل مطب تحك بالرفرف وعانيت من هذي المشكله من جد وزادت معي المشكله يوم طرحت السياره ... المهم اليوم قفلت معي وتهورت وشريت كفرات جديده مقاس اصغر ... بس طلعتلي مشكله جديده:(

الا وهي ان السياره من تحت كلها تحك اول كانت مرتفعه شوي الكفر بس يحك بالرفرف الحين الصدام من تحت يحك

المطلوب

الله لا يهينكم الي عنده فكره بحيث احمي الزوايد الجمبيه والصدام من تحت وغزان الزيت يعني احط تجليده بحيث ما تطير البويه مثلا! او افصلها بلاستك او والله مدري بصراحه الصدام من تحت رايحه بويته متقشعه وكذالك الزوايد الي على الجوانب ماشالله مطبات استاذ الملك فهد انسيابيه مره يشيخ تقول مراقا مهوب مطب او اني اركب صاجه تحمي خزان الزيت ؟؟

نسمع آرائكم واسف طولت عليكم

[accord05]

اولا الف الف مبروك

ثانياً الله يصلحك الا لازم يعني مصر على التنزيله رفعها شوي وانشا الله احسن اما بالنسبه للحمايه والله مالي خبره في التنزيل

ولا تنسى رفعها احسن لك مو مره خلها ذووق
تقبل مروري

[ملك مملكة جدة]

ياخي لا تصعبها ؟!

غير الجنوط بجنوط اصغر ؟ عندي الاكورد بجنط 18 ودعسة 40 و عرض 255 و الحمد لله لا حكحكة ولا كلام فاضي ؟

الاصلي اصلي يا طيب :d

خلاص ريح راسك و خذ لك جنط 17 .. او ارفع السيارة و انتهى الموضوع ؟ ياخي الناس عندهم جنوط 18 و سادحين السيارة سكة و محد اشتكى ؟

يا انك تدقدق الرفارف من الداخل او انك ترفعها او انك تغير الجنط ؟

[Z U H A I R]

اولاً مدري وش قصتكم انتم مع الحكحكه من ورا ..

على الحجم ذا 235/40/18
لأني والله من ركبت هالعرض 235 مع عمرها حكت من ورا ابداً ..
لكن تحك من قدام احيانا اذا هبطت بقوة < طبعا الكفر ما يجيه شي لأنه أصلي ..

على كل حـآل.. يمكن لأنكم لمن تنزلوها متخلون الكفر يفرش الخلفي ..
انا مغير السسبنشن والحمدلله الي ورا مخلي مفروش بشكل طبيعي ..
والحمدلله امشي فيها شهريا على خط الاحساء رايح جاي بدون ازعاج ولا حاجه من ورا ..

المهم واضح من كلامك انك مطيح السيارة .. مشكلتك في 35 دعسة الكفر ..
غلطان ومليون غلطان تاخذ هالدعسه دامك سادح السيارة ..


الله يكون بعونك

[بسمة ألم]

أنا مركب جنوط 17 وسيارتي ماتحك اذا كنت راكب المطبه ع خفيف ....

بس لو افكر اركب كفرات أصغر لو أركب جنوط شد بلاد مقاس 15 راح تحك على اقل شي

لان السيارة رافعتها الكفرات والجنوط الي انت مركبنها ... والمفروض اذا نزلت من ورا تخلي مسافة يعني على الاقل صبع واحد ...

ركب لها ترفيعات وان شاء الله ماتحك معك .. وترى التنزيل ورطة ... بس تعطي السيارة منظر حلو

تحياتي

[Qabooo6]

اخوي انت من كلامك شكلك مطيحها اخر شي
نصيحه اخويه
رفعها شوي

لان صارت ماي شغله بقولها لك
انا سيارتي على وضع الوكاله بالتنزيل ومركب جنوط 17
قبل كم يوم كنت راد من المخيم وانا قاعد امشي فالبر مرت السياره
من فوق صخره
حكت السياره شي بسيط بحيث اني ما اهتميت للموضوع
ما ادري شنو اللي خلاني اوقف
نزلت وشفت السياره من تحت
والله لايوريك
لقيت القير منزل الزيت كله
لولا لطف الله لو اني مانزلت كان قام القير
المههم وديتها للوكاله والحمدلله طلعت الشغله بسيطه وهي شد البرغي

خلاصه الكلام ارفعها احسن
سامحني على الاطاله