افزعولي شباب ..!!!!

**S3EED** · 12-04-2008, 02:39 PM

السلام عليكم

كيفكم شباب ؟؟؟

لقيت اكورد سبيشل 2007 ماشيه 18 الف

بس يقول جايها حادث على الباب الأيمين الأمامي و الخلفي لحقه شيء بسيط يقول غير الباب علشان السمكره مابتكون كويسه وغير ايضا الباب الخلفي

ويقول القسام الي في النص بين البابين ماجاه شيء

يقول شغل وكاله وبإمكانك تتأكد من ملفها بالوكاله

ماادري شباب تنصحوني اشتريها ولا لا ؟؟

**B Useful** · 12-04-2008, 02:43 PM

دامة مغير البابين ..

يعني كأن السيارة ما جاها حادث ابد ..

والقسام ( السمكة ) اللي بين البابين ما جاها شي بعد ..

خذها وتوكل ..

لكن ..

قبل ما تشتريها ..

خذها وجربها على خط .. كيف صوت الهوا ؟؟ هل فية تنسيم زايد عن اللزوم ؟؟

وشيك بعد هل فية حذفة وانت تسوق ؟؟ <<<< اجل وانت واقف يعني

وتشيك عام بصفة عامة على الاذرعة والمقصات والعيال ذولي ..

والله يبارك لك فيها ..

**S3EED** · 12-04-2008, 03:17 PM

هلا وغلا اخوي

شاكر ردك السريع

بخوص السياره والله شبه جديده مشاء الله 18 الف والله قليله

طيب معليش اذيناكم بالأسئله ^^

الوكاله هل يفحصون السياره ؟؟؟ يعني اقدر اروح للوكاله واقول افحصوها من الألف الى الياء ؟؟

ويالله بعد ياشباب ياهل الأكوردات وش تنبهون علي بالذات اركز عليه من حيث الصيانه والتجربه ؟

**B Unique** · 12-04-2008, 03:26 PM

المشاركة الأصلية كتبت بواسطة S3EED

الوكاله هل يفحصون السياره ؟؟؟ يعني اقدر اروح للوكاله واقول افحصوها من الألف الى الياء ؟؟

ويالله بعد ياشباب ياهل الأكوردات وش تنبهون علي بالذات اركز عليه من حيث الصيانه والتجربه ؟

يفحصونها ويعطونك تقرير بعد
بس بفلوس

السيارة النظيفة تعرفها من سواقتها
جربها في خط واذا فيها شي بيطلع لك

وفي شي مهم لازم تتأكد منه .. تأكد ان الايرباقات ما طلعت من مكانها

بالتوفيق ان شاء الله
والله يكتب لك الشي النظيف

**S3EED** · 12-04-2008, 03:31 PM

هلا وغلا اخوي ^^

يفحصونها ويعطونك تقرير بعد
بس بفلوس

بخصوص الفلوس مافيه مشكله اهم شيء يعلموني مشاكل السياره

السيارة النظيفة تعرفها من سواقتها
جربها في خط واذا فيها شي بيطلع لك

وفي شي مهم لازم تتأكد منه .. تأكد ان الايرباقات ما طلعت من مكانها

والله ياطويل العمر ماقد سقت اكورد بحياتي ><

بس اكيد بتوضح السياره التظيفه من التعبانه

بالتوفيق ان شاء الله
والله يكتب لك الشي النظيف

ولنا ولك ان شاء الله

وشاكر مرورك اخوي ^^

**جريح الاكورد** · 12-04-2008, 08:05 PM

نصيحة أخوووي

لو تعرف لك واحد عارف الاكورد من طق طق الى سلام عليكم

و يا ليت لو يكون عنده أكورد بعد عشان يوقولك كل شي زين و مو زين لأن اللي مجرب السيارة و سايقها راح ينبهك على حاجات ما تلاحظها

و اذا ما حصلت أحد ..

الشكوى لله حاول تشوف لك أكورد وكالة ما مشت شي و قارن بينهن ..

و بالتوفيق .. و لا تنسى تصلي الاستخارة ..

**S3EED** · 12-04-2008, 08:57 PM

اخوي جريح شاكر لك مرورك والله

ياشباب قولوا يالله ..

إن كانت السياره فيها خير لي فألهم ارزقني اياها

مافيه احسن من صلاه الأستخاره والدعاء

والله يكتب لنا ولكم الخير