Honda Accord 2005 - black white

[Z U H A I R]

السـلام عليــكم ورحمـة الله وبركــاته



اخواني أعضاء نادي هـونـدا..

يمكن بعـضكم لاحظ بتوقيعي.. تقرير قريب عن سيــارة ..
والحمدلله أخيراً تم تصوير رسمي لهـا ..


وأحب قبل لا أحط لكم السيــارة..

أعطيكم مسيرتها من طلعت من الوكالة حتى الأن ..


xxxxxxxxxxxxxxxxxxxxxxxxxxxxxxxxx


الحمدلله بتاريخ 14/9/1426هـ استـلمت السيارة ..
وبصفقــه حلوة جداً.. حيث انه كان باقي على نزول الموديل الجديد أسبوع واحد..

طبعاً المواصفات القياسية للسيارة هي :
اكورد
اللون أبيــض
الموديل 2005
الفئه سياحي
القير عـادي
< عشقي العادي



بسم الله نبدأ بالصور بعد استلامـها ..
وبذكر قبل كل صورة شنو حطيت فيها ..


xxxxxxxxxxxxxxxxxxxxxxxxxxxxxxxxx


أول ما استلمت السيارة.. بالمواقف السفلية ،،


أول ما وصلت البيت بالسلامة ودخلتها الكراج



بعد كذا اسبوع ركبت غطا أسود خفيف على الاسطبات الاماميه والخلفية





طبعاً السيارة ما تحلى إلا بالجنوط..
وأشوف الشعب كلهم طايحين بجنوط الوكالة التجاريه..
يا شيخ دام اني بشتري تجاري.. أغير عنهم.. ليه أركب زيهم..
الي صار ركبت جنوط 17 وكفرات تويو أصلية مقاس 235/45/17 ..




بعد كذا السيارة تحتاج إلى تهبيط محترم..
وانا مو دلخ عشان أسوي مثل هالمجانين..
الي يغير يايات تجارية ويلينها او يقص منها.. او مدري ايش..
فاشتريت يايات رياضيه من نوع الفراره ..
على ايامها بـ 600 ريال< الحين تحصلها 200 ريال..
وركبت الجناح ..





بعدين على ذيك الايام.. توها المرسيدس فئه S الجديدة تنزل بالبانوراما ..
صراحه السالفه دخلت براسي.. وقلت إلا أقلدها :d
فاللي سويته كـ تجربه.. اشتريت جلاد لماع أصلي.. وركبته على التنده ..
والنتيجه (( روعــه ))




تبون الحق ولا أخوه ؟؟
بعد ما ركبتها.. بأقـل من أسبوعين..
طلعوا 3 من حارتي بس وركبوها على سيارتهم
بس ولا واحد منهم هوندا .. :d

المهم مع الايــام.. تقريبا 4 شهور مرت..
شلت الجلاد من على التنده ولمعتها.. < اخذت منه ساعه ونص وهو يشيلها
لمن شلتها ياخي شفت السيارة وزعلت :(
لالا ماهي شي كــذا.. مو حلوة :( < قلبها احزان :d

ركبــت براسي ارجعها احسن من الي كانت عليه..
دخلتها ورشه حلوة..
واصبغ التنده أسود << خـربها مضبوط :d
وقلت ابي كشافات.. فخليته يقص فتحات بالصدام ..
ويرش الشبك الي فوق والي تحت
والنتيجه >>>>>




صار تجمع في نادي الخليج قبل 4 سنوات .. في سيهات..
اخوي عنده صالة رياضيه وكانت هي المنظمة.. فدخلت سيارتي تبع الصالة..
استكر خفيف مع شعار الصالة ..



مرت الشهور ..
انا كنت فكيت الجنوط قلت ابي ابيعها..
لكن ظلت 3 شهور محد يبيها ..
طيب قلت ابرجعها... لكن مستحيل ارجعها زي ما كانت على السيارة..
وديت الجنوط لمحل خليته يرش الجنوط أســـــود لمعة ..
السيارة وديتها عشان يرش الكاليبر أحمر..
طبعا في هالايام انا ركبت دبـة صوت من نوع ماغنا فلو..Magna Flow .. دبه غير طبيعيه
وعزم غير طبيعي.. والصدام انحرق منها بسبب التركيب الخطأ ..
ففي نفس الورشة خليته يسون لها فتحه (( يرقعون السالفه )) ...
وركبت الشمعات السوداء..شريتها من واحد هنا بالمنتدى الصراحه نصب علي فيهم ..
بس الله يهداه ..






يتــبـــــــــع ...

[Z U H A I R]

عــودة لكم
بعد الهــذرة الطويلة العريضة :d


بس ما عليه جينا بالمفيد الحين

الحين بعـطيكم نبذه عن كل الي راكب على السيارة بالوقت الحالي :
1/ صبغ الكبوت والتنده والشنطه والشبك الأمام باللون الأسود الملكي .
2/ تغيير الاستمارة من اللون أبيض إلى اللون أبيض وأسود .
3/ تركيب جنوط مقاس 18" وكفرات تويو أصلية مقاس 235/40/18 .
4/ تركيب يايات eibach pro kit ..
5/ تركيب اللحيه أصلية على الصدام ..
6/ تغيير العلامة الخلفيه.. إلى العلامة R الحمراء ..
7/ تركيب كت كامل رام اير فلتر K&N ..
8/ تركيب أسلاك تأريض ..
9/ تركيب جهاز البلازما لتقوية الفولت للكويلات ..

xxxxxxxxxxxxxxxxxxxxxxxxxxxxxxxxxxxxxxxx

والأن صور السيـــارة بعـدســتي طبعاً ..

لكــن قبــل كل شي الله يخليــكم ...




قولوا ..







][ مــــا شــــــاء اللـّـه تبــــــارك اللـّـه ][






1


2


3


4


5


6


7


8


9


10


11


12




يتــبــــع ....

[Z U H A I R]

13


14


15


16


17


18


19


20


21


22


23


24

[Z U H A I R]

25


26


27


28


29


30


31






وهذي آخر صـورة
حبيت انها تكون لقطه مميزة ..
عشان كــذا أضفت لها صلصه حارة مع شويت بهارات :d





بالنهــاية.. اتمنــى اني وفقــت بالموضوع..
واتمنى السيارة تكون عجبـتكم..
والتجمع الشرقيه الي راح بغيت افاجأكم فيها..
لكن للأسف ما صار لي نصيب لأنه صار عندي ارتباط قوي وما قدرت احضر التجمع..
نعتبرها خيره ..





Z U H A I R

[LikE.nO.oThER]

اولاً ... الصور راائعه وواضحه جداً ما شااء الله
ثانياً سياارتك راائعه بعد تغيير اللوون وذا براااي انا لاني احب اللعب بالوون ..
بعطيك فكره صغييره مادامك رااعي تعديل ... اشترلك شمعات رياضيه الي تجي من الداخل بالون الاسود
... والاصطبات الخلفيه ... غطي الجزء الاحمر باللون الاسود وخلي الابيض ... وتطلع سياارتك جنااان
ما شااء الله ..>>> متعقد من العين:o


اخيراً احس اني طولت علييك بالسواالف :o
تقبل تحياااتي ...

[هـ ن ط 425 badoory]

مشاء الله تبارك الله ..بصراحه تعديل محتروم ... الله يعطيك خير ويكفيك شرها

[F-505]

مشاء الله
يعطيك خيرها وكفيك شرها

والله السياره طالعه اوكيه
والله كت رياضي ماشاء الله

[هوندا قوه الاحلام]

السياره روعه والله يعطيك خيرها ويكفيك شرها وشرالحاسد اذا حسد

[xHeartcoreboyx]

ماشاء الله ... بصراحة السيارة حللللللوة و شغلك نظيف تحسسني انها سيارة إنسان عاقل و فنان مش خروف ههههه ..

- الحمد لله أنه هداك و شلت لزقات الإسطبات لأنهم.........@$@#&@#$ ...

- التهبيطة...ركبت كت ممتاز جدا .. أنصحك ب camber kit حتى ما تتلف الكفرات بسرعة بسبب زيادة الإحتكاك بعد التهبيطة أتوقع Eibach يبيعوا هالشي ..

- غير الشعار الخلفي لشعار هوندا أحمر (H تجي كروم و المحيط أحمر) لأنه أحلى و له معنى أكثر بإعتبار سيارتك مش تايب ار ... الشعار إسمه ..Honda Accord 2005 red rear JDM emblem شي من هالنوع عشان اذا حبيت تشتريه و تبحث ..

- تعتيمة للإسطبات الخلفية..و هنا اقصد تكون خفيييييييفة يعني مجرد يسير لونهم أغمق و لكن شكل الإسطب واضح تماما ... اتوقع يسموها Lamin X الورق ..

- تعتيم للشبابيك..و هذا ضروري جدا بتغير شكل السيارة تماما...و ياريت لو تكون درجة اللون متقاربة بالشبابيك الأمامية و الخلفية ...

غير هذا السيارة حلللللوة و ما شاء الله عليك فنان...لا ركبت أبواب لمبورجيني و لا أضواء سخيفة تحت السيارة و لا هيدروليك ماله اي معنى و لا جنوط لميعة و كأنها من سوق بو ريال شاريها ..

تحياتي و أشكرك على تقديرك سيارتك و محافظتك عليها ،،،

[أبو سليمان]

ماشاء الله تبارك الله

تعديلات روعه

* داخلية السيارة هل عليها تعديلات ؟ يبغالك جلد محترم + شاشه

* وين راحت الكشافات ؟ :d

[الـمـسـافـر]

ما شاء الله تبارك الله

صراحه لا تعليق

كل شي في التعديل محترم

[Z U H A I R]

هـلا والله فيكم ..

حياكم حياكم.. أرحب بالشباب

يعطيكم العافيه على تعليقاتكم..
الشمعات السوداء جربتها وما عجبتني كثير.. شكل فقط.. اداء ضعيف..

أبو سلمان .. انت اول واحد لاحظت هالشي...
الداخلية شد بلد.. حتى سستم ما ركبت.. ما بعد يطق مزاجي شي فيها..
أبي استهلكها قبل لا اسوي فيها شي..

والكشافات رميتهم :D ..

[B Useful]

ماشاء الله تبارك الله .. الله يبارك لك فيها ..
موضوع متميز .. واخراج رائع .. يستحق التثبيت لفترة وبجدارة ..

موسوعة سيارات الاعضاء ايضاً تنتظرك .. بكامل الصور ... فلذلك .. ضع رابط الموضوع في موسوعة سيارات الاعضاء .. ليظل الى الابد

دمت بود ..

[wael]

سيارتك مميزه احلى شى صبغ التنده والكبوت والشنطه

حلوه ويعطيك خيره وكفيك شرها

[شايل الظبي]

مشاء الله تبارك الله
الله يعطيك خيرها وياكفيك من شرها
لا تعديلات
بس شكلك لاعب في ام المكينه
بس لين شريت أكورد مره ثانيه بلاهي عليك فل كامل وريح نفسك
ههههههههههههه
:d
بس يالله كل شاب لازم يمر عليه سياره تكون للعب
والله يوفقك صور رائعه من أيدين أروع
تسلم يالغالي ,,,

[Z U H A I R]

مشكور على التثبيت كوكو كورد..
ويسلمك ربي..


ACCORD/2005
هههههههه شدعوه.. بس ركبت رام اير على الماكينة << للحين بس :d

وبعدين اذا بشتري أكورد.. بعد 10 سنوات ان شاء الله
اذا الله احياانا

[محجوب]

ما شاء الله تبارك الله .... يارب تعطيه خيرها وتكفيه من شرها وشر عيون الحساد

بصراحة تعديلك كله رايق ومرتب وأنيق ...عجبني بكل صراحة ..والتصوير مية المية وواضح ... وعندي لك كم استفسار على الخاص;)

[ACCORD 764]

مشالله شغل ممتاز و السيارة أوكيه و اللون ما يحتاج جبار و التعديل رياضي و متعوب عليه ...
الله يعطيك خيرها و يكفيك شرها بس عندي ملاحظة بسيطة ,
لو إنك مركب الكشافات كان صار شكل السيارة أحلى .
لكن تبقى سيارتك مميزة و رائعة بمعنى الكلمة .
الله يعطيك خيرها و يكفيك شرها و شر الحساد ...

[مجرد رأي]

ما شاء الله عليك وعلى موترك

صراحة تعديل ادب

الله يعطيك خيرها ويكافيك شرها

[المـــــلكـ اكـــــورد]

بسم الله ماشاء الله
صديقي انت
كنت افكر انه مافي الا انا معه اكورد قير عادي في المنتدى
بس الحمد لله طلع لنا واحد كويس مثلك :d

تعديلك رايق مره ماشاء الله ربي يخليها لك

تحياتي

[Z U H A I R]

حيـآكم والله..

محجوب تم الرد على استفساراتك ..

الملكة اكورد
انت صقيقي والله :d

مشكورين على الردود

[هـنـادي]

و الله تعديل ما عليه كلام

و ياليتك تنزل صور من الداخل لاني ناوي ازبرق سيارتي من جوه

[carpi.ch]

تعديل حلو

مشكور على المجهود الرائع
تحياتي لك

[ACCORD FOR EVER]

اخوي اذا ممكن سؤال؟
بعد تركيب التأريض وجهاز الخاص بالكويلات هل حسيت بأي فرق؟ وهل هو مفيد؟

[Z U H A I R]

حياكم الله شبــآب
ومشكورين على الرد

اخوي اذا ممكن سؤال؟
بعد تركيب التأريض وجهاز الخاص بالكويلات هل حسيت بأي فرق؟ وهل هو مفيد؟

أكيــد حسيت بفــرق ..
ولو انه فرق بسيط..
لكن هالشي راجع للكهرباء حقت السيارة .. والفولت الي جاي للكويل يكون أقوى حتى 14 فولت
طبعا بكذا يكون استهلاك البنزين أكثر كفاءة ..

سلام