الموضوع: تقرير محل سن لس .. بالصور

وقت كتابة الموضوع : الساعه 2 و 30 دقيقه .. فجرا ... وقت اعتماد الموضوع : اللحين !
السلام عليكم
اليوم ( او بالاحرى امس السبت ) عملت زياره ثانيه لمحل سن لس .. بهدف اني اشوف الشاشه .. اشوف ممزاتها و اهم شي جودتها ...
سبب الزياره الرئيسي ان احد الاعضاء شكك بجودتة الشاشه .. فكلفت بمهمة البحث عن الحقيقه .. رحت لمحل سن لس يوم الخميس اللي فات ... كانت النتيجه وصولي متأخر .. فما شفت اي شاشه على اكورد ... و عرفت ان العضو " بسول" سبقني للمحل .. و شاف الشاشه و عاينها و حسب ما سمعت انه لعب فيها بعد
للاسف محل سن لس يوم رحت بلغني انه ممكن يدبر على يوم السبت ( اللي هو امس ) شاشة بنفس النوع و بنفس الطراز و بنفس المواصفات راكبه على سياره ثانيه .. الفرق في الفريم و في كم شغله رئيسيه راح اوضحها لكم
ان شاء الله قريبا جدا جدا راح توصل دفعة الشاشات المخصصه للاكورد
التقرير :
بدايتاً ... وصلت المغرب للمحل .. صعدت للاخ حسام .. لقيته داخل المنتدى
طلعنا رحنا لسياره ( ليست هوندا ) بهدف انه يراويني الشاشه
حسب كلام الاخ حسام و بذمته ... الشاشه هي نفسها بنفس البرامج .. بفرق في عدة اشياء اعددها لكم اللحين قبل ما ادخل بالصور :
1- الاكورد يتم فيها تركيب شاشه لمس مكان الشاشه الاصليه .. و يتم تبديل المسجل بكبره .. يعني الكنسول اللي بالنص بكبره من فوق الدرج ( بداية المسجل ) لييين الشاشه .. و يتم تبديله بشاشه لمس .. و المسجل بنفس الشكل ينحط .. بس بمواصفات اكثر .. منها ازرار اضافيه ... المسجل ياخذ ديفيدي ( يعني ما يحتاج يحطون لك ديفيدي بالدرج .. درجك عندك .. محد بيقرب له ...
2- الصور اللي تحت بتكون بالشاشه .. راح يركب لك نفسها بس زياده ان بالاكورد تعرض لك حالة المكيف و درجه الحراره و خلافه مما يعرض بشاشة الوكاله بالاصل ( اللي هي ابيض و اسود )
3- الشاشه تجي بثلاث برامج جي بي اس .. يعني حط اللي يريحك .. في واحد منهم يعرض لك 3D و الثاني عادي انقليزي حاله حال باقي النافيقيشن و الثالث عاد فيه خاصيه العرض باللغه العربيه و هو نفسه فيه خاصيه حلوه .. فيه شي اسمه point of interest يعني مكان يهمك .. فيه نقاط كثيره .. ما اذكر الرقم بالضبط مع ان الاخ حسام قالي .. يا انه 300 بالكويت بس .. او 3 الاف .. هو فيه 3 ... يعني اللي اقصده .. بنوك ... مستشفيات .. مطاعم مشهوره .. اماكن مشهوره .. و خلافه
4- يوجد برنامج خطيييييييير للنافيقشن عند الاخ حسام .... اقوى منهم كلهم .. يجي بالانقليزي .. بس للاسف انه بفلوس ... يطلبه لك من النت ... الاخ حسام راواني اياه ... كان شاريه حق السياره اللي عرضلي اياها

5- التحكم من الدركسون موجود بالشاشه سواء للهوندا او غيرها !

اللحين جهزو حالكم حق الرحله :
بداية .. اول ما تشغل الشاشه .. يطلع لكم تحذير .. يقولكم لا تشوفون افلام و انتو تسوقون السياره او شي من هالقبيل .. اللي يعرف انقليزي بيفهم



و بعدين يدخل على اخر شي كنت مخليه انت .. و بالنسبه للسياره اللي احنا فيها ... كان الراديو



و هاذي قائمة الاعدادات ... اول خيار علشان اذا كنت تبي تحط وقت معين من تشغيل السياره الشاشه بروحها تحول للنافيقيشن .. يعني بعد كذا دقيقه من التشغيل ... الشاشه تروح للنافيقيشن

و الخيار الثاني لتشغيل التوجيه بالصوت للنافيقيشن ... و الخيار الثالث . .حق الايبود و الخيار الرابع علشان يكون متزامن مع لمبات السياره .. يعني لما تشغل اللمبات .. تشتغل لمبات الشاشه بعد ... و الخيار الخامس علشان اذا كنت مركب شاشات خلفيه تتحكم فيهم .. و الخيار الخامس علشان السيدي تشينجر ( البوكس ) اذا كنت مركب
و فيه تكلمه للقائمه لما تضغط على كلمة نكست



لما تحط القير على الرجوع للخلف .. بتشتغل الكامرة ... في منها انواع الكامره .. الاخ حسام يقول انه اللي عنده مو جيده بالليل .. و ينصح بماركه اخرى اللي هي سوني .. و سالفتها سهله .. وايرات مثل ملوت جهاز الديفيدي .. او مثل وايرات البلي ستيشن 2 ... اللي هم اصفر و احمر و ابيض .. عرفتوهم ؟



و هاذي القائمه الرئيسيه و هي معتمه .. شوفوها محطوطه على الدارك .. و تقدر تغير لونها بعد و تحطه ازرق



و هني الالوان فاتحه و الاضائه اشد



بالازرق



و هذا البلوتوث .. فتحو مخكم معاي خل اشرح لكم اياه
اولا ... تدق من الشاشه .. و ترد من الشاشه بعد .. و الازره بالدركسون .. و فيه خاصيه دفتر الهاتف .. يعني يدخل على الاسماء ... يطلع لك اخر الارقام اللي طلبتها .. و لما احد يدق عليك و انت قاعد تطالع فلم و لا تسمع سيدي .. يوقفه لك ايقاف مؤقت و يطلع لك بنص الشاشه الرقم اللي يدق عليك .. اول ما تصكر مكالمتك .. يرجع للي كنت تشوفه او تسمعه بالضبط عند المقطع اللي وقفت عنده .. مو مقدم و لا مأخر !



النافيقشن العربي



لما بتغير البرامج ملوت النافيقشن .. تدخل على الملفات و تضغط على الايقونه مالت البرنامج اللي تبيه .. وندوز اكس بي :d



اللي ما فهم شنو قصدي بندوز اكس بي .. يشوف هالصوره :d



هذا البرنامج الثاني



و انا قاعد مع الاخ حسام .. قلت له طلع لي الطريق من المحل بالكويت لين شارع محمد بن عبدالعزيز بالرياض .. و طلع لي :d ( طلع اسمك يا التحليه ;) )





و هني باين الخاصيه انك تحول من ثلاثي الابعاد الى ثنائي الابعاد .. يعني اللي يريحك و ترتاح له .. حطه !



الرنامج الثالث اللي اسمه sygic ... بعد ما حولنا اللغه فيه للعربي



و بنفس البرنامج فيه خاصيه يعطيك معلومات عن الدوله اللي انت فيها اللحين



الخريطه



بعدين جربت الديفيدي .. ما حصلت الا فلم هندي من العامل اللي يشتغل بالمحل :d



التحكم بالصوت بالديفيدي



التحكم بالاضائه



ركبنا فلاش ميموري ... بس ما اشتغل معانا لخطأ فني التركيب ... كان فاكه علشان يجربه على لاند كروزر .. ولما رجع ركبه على السياره ما وصله من ورا و نساه الظاهر
عموما .. لما تركبه .. تدخل على الملفات مثل ما دخلنا على الملفات علشان نختار البرنامج اللي نبيه .. يعني كأنك داخل جهاز كمبيوتر !



و هذا الايبود .. وصلناه ... طبعا وصلته مع وصلة اليو اس بي .. بصندوق القفازات ! اللي عمرنا ما حطينا فيه قفازات :d



قائمة الايبود ... بس الصوره طلعت مو واضحه !



في اضافه تقدر تضيفها .. الا و هي اجهزة قياس درجة حرارة الاطار و ضغط الهوا فيه .. سعرها منفصل عن الشاشه



ضبط الاعدادات الخاصه بسنسر الاطار



و هذا الحساس راكب على الاطار ... اظن انه بالبلوتوث متصل مع الشاشه




و بعد محل سن لس وكيل لمبات زينون فيلبس بالكويت .. طبعا انا لي دهر و انا ادور عليهم .. و بالصدفه عرفت امس
و عنده محولات زينون الماني ...





و الاخ حسام عنده شاشات سي ار في و سيفك حسب ما فهمت منه ...
بالنسبه للسعر .. الاخ حسام عنده خصم خاص لاعضاء المنتدى ... و عمل خصم لاحد اقربائي بمبلغ حلو .. و قريبي عنده اكورد سته سلندر كوبيه .. لما يركبها .. راح اكون معاه علشان ارفق لكم التقرير المصور ... بس بعد فتره يعني .. مو هاليومين .. اقل شي بيكون بعد العيد .. لظروف خاصه بقريبي
و السلام عليكم و رحمة الله و بركاته