أخباركم شباب....


اقدم لكم اليوم موضوع عن ((اليايات الرياضيه))

وانشاء الله نقدر نوصل الفائده للجميع


بسم الله الرحمن الرحيم وبه نستعين

--

س/ماهو الياي واين يقع في السياره وما فوائده ؟

ج/ الياي قطعه ملفوفه من الحديد بشكل حلقات دائريه تكون ملفوفه على المساعد وفي بعض السيارات تكون بجانب المساعد

والياي جزء مكمل لعمل المساعد والكل يعرف فوائد المساعد

وهو امتصاص الصدمات وتخفيفها

ويساعد ايضاً على ارتفاع السياره او نزولها لفتره طويله بدون تأثير سلبي بسبب الوزن .

وبكذا نكون تعرفنا على الياي

1فوائد اليايات الرياضيه

1- زيادة الثبات عند المنحنيات القويه او عند السرعات الزائده

2-تزيل الاهتزاز ((التنطيط)) بعكس قص الياي

3- زيادة الطابع الرياضي وفي بعض الانواع تستطيع تنزل او رفع السياره 4سم من الامام والخلف ((يدوياً))

4-في حاله تغيير ((جنوط سيارتك)) بمقاس اكبر يحدث احتكاك بين طرف الرفرف والكفر ومن اهم مميزات اليايات الرياضيه ازالتها بدون تكاليف طائله

2-اضرار اليايت الرياضيه
الى الأن لم تضهر اي اضرار بسبب الياي الرياضي

ولكن نستطيع ان نقول ان التهبيط بشكل عام مضر

ومن اهم اضرار التهبيط

1-عدم الراحه وزيادة الطابع الرياضي على السياره

2- مضر بالمساعدت ومجموعه الدركسون ((دودة الدركسون)) والركب

وتذكر ليس الياي الرياضيه السبب

بل التهبيط بشكل عام .


3- افضل الانواع

افضل نوعياً من اليايات الرياضيه ((ايباخ))و ((تيين)) ويوجد انواع كثير مقلد وغير نافعه

ويوجد لمعضم السيارات الجديده والقديمه

واذا كان غير متوفر لنفس نوع سيارتك يمكن ان تجرى عليه عملية((توليف)) بدون اي مشاكل ولاكن يلزم عملها بشكل جيد

4- الاسعار

الاسعار تبداً من 750 الى 1800

وفي نهاية الموضوع لا يسعني الى قول انشاء الله الموضوع ينال على اعجابكم


أكورداوي يسعد بتواصلكم معه...so0o0o0k@hotmail.com

__________________

مشكوور على الموضوع المفييد ... و آسفين على التأخير في الرد ...

__________________

بعد السلامم والتحية اخباركم عساكم بخير اخوكم جديد عالمنتدى وحبيت ازودكم بتجربتي خاص مع الياايات الرياضية
اككورد 6سلندر ركبتلها يايايات (اي باخ) شريتها ب 1500 ريال طبعا بعد شهرين من الفرارة والدجة في الرياض والشرقية بحثا عن الياي الخاص بال6 سلندر لانه يفرق عن الاربعة عل قولتهم , المهم ركبنا الياي وانسدح الموتر 5 او6 سم وبشكل واضح في الكفرات الخلفية , الموتر راسي لازق في الارض مافي رجة (شفل نظيف ) مرت الايام وشوف الجنط الشبك الكروم مع حواف نيكل وتهور وشريته من الغرابي اسم المحل السليماني للزينة المهم المحل مافيه كفرات تركبها بره انا مدري وش اللي مسكها معي مقاس 205\40\17 المهم لقينا الكفر ركبنا ه عالجنط طلع شكل الاكورد جنان بس المشكلة طلعت في القاس ان الكفر مرة نحيف كل من شافه قال كفرك منسم توكلت عله الله وقلت امسك عليه خط اجرب الجنط والكفر لا وصل العداد 120 رجت السيارة رجة خفيفة مرة رحت سويتله ترصيص مرتين وحاولت اعدل في ميزان الدركسون كله طلع سليم فطريت اني ارجع واركب جنوط الوكالة ارجو ان تفيدوني في القصة او الرواية الطويلة هاذي هل هو بسبب الياي او بسبب صغر مقاس الكفر

عشان ازيدكم من الشعر بيت وتكون الصورة وااااااااااااااااااااااااااااضحة هذه صور للسيارة في الصباح الباكر
عالم رايحة الدوامات وانا قاعد اصور جارنا المطوع حقد عليييييييييييي
وسلاااااااااااااااااااااااااااااااااااامتككككككككك كككككككككككككممممممممممممممممممممممم

الصور المصغرة للصور المرفقة

         

اخوي عبدول يايات الاكورد 4 سلندر رياضيه وين احصلها بالرياض وبكم.
ملاحظة مهمه جدآ جدآ جدآ : وبكم قبل وين احصلها :D

طال عمرك انا شريتها من محل Big Wheeels اللي بشارع الثلاثين بعد السيفوي
بس مادري اذاا كانت موجوده عنده ولالا وبانسبة للسعر يالحبيب ماعندي علم بس تقريبا بيكون اقل من ال6 سلندر بين 800 الى 1200 تقريبا عاالعموم انا بشوف موقع الييايات وشوف كم سعرهاووووووووووووووووووووووووووووووووووووووووووووو سلامتكم

http://www.tirerack.com/suspension/S...=&brand=Eibach


هاذا هو الموقع وفي نوعيين للليايات واحد ب876ريال والثاني ب900 خلني اشوف الفرق

الفرق طال عمرك في التنزيلة بس وحده تعطيكNote: Avg low 1.6"F 1.1"R
1,6 في المقدمة و 1.1 في الخلف

والثانية
Note: Avg low 1.9"F 1.4"R

1.9 مقدمة و 1.4 في الخلف

انصحك في الاولى لان الثانية بتسدح الموتر في الارض وتخبر مطبات الديرة تتحقط لسياراتنا
وما يمديك تركب واحد ولا اثنين معك اللا الموتر معلق في مطبة

انا مركب الاولى والحمدالله مرتاح لا مطبات ولا شي ومنظر السيارة حلو

ترى الاسعار بالامريكي يعني عندنا بتكون الاسعار زيادة شوي
مر على المحلات اللي بالتحلية بتحصل هناك بعد و الشباب اللي في جدة والدمام بعد انشالله مايقصروون معك
سلللللللللللللللللللللللللللللللللللللاااااااااااا ااااااااااااااااااااااااااااااااااااااااااااااااام مممممممممممممممممممممممم

اخوي عبدول معليش بغثك شوي .
وش فايدة اليايات الرياضيه ووش فرقها عن العايدية .
وكذلك المساعدات الرياضيه ووش فرقها عن العايدية.
اخوي عبدول ياليت تتخيل نفسك في اختبارنهائي ويكون بعد دور ثاني في مادة التعبير ويطلب منك المدرس انك تعبر عن اليايات والمساعدات بشكل عام وفي صفحة بس تكون مليانة.
ملاحظة : مسموحلك ياعبدول تبرشم ومسمحلك تغش من زميلك .
اما الوقت لاتشيل همة على اقل من مهلك لو نقعد لسبوع الجاي أهم حاقه رحتك ياخويا ولا ايه يقدعان:D :D

شوي كلمة نظيفه أنا أحس اني امشي على مويه من الهدوء:D

__________________