إستفسار عن توضيب قير الجيبmr v أو أي سيارة هوندا

MR-V 2003 · #1 24-05-2009, 04:23 PM

السلام عليكم ورحمة الله وبركاته

كيفكم شباب إن شاء الله بخير . ما ودي أطول عليكم أنا عندي جيب mr v 2003

وصار عندي مشكلة في القير عمومًا مضطر إني أوديه ترايستار لأن ماعندي خيار آخر وقتها

المهم بعد مافكوا القير قالوا بعض الكلتشات يبيلها تغيير وترس والله ما أدري إيش إسمه والبطيخة

وكل الحساسات اللي في القير

أبغى اللي وضب أي قير قبل كذا يعطيني من الخبرة إيش أغير وإيش ما أغير ؟

وهل القطع اللي عند ترايستار أصلي ولا لا ؟

تكفون أفيدوني قبل مايخلصوا السيارة وأتورط

شاكر للجميع

**B Unique** · #2 24-05-2009, 05:24 PM

وعليكم السلام ورحمة الله وبركاته

اللي اعرفه ما يتغير في توضيب القير الا الكلتشات والصوف
والحساسات ما تتغير الا اذا كان فيه شي منها خربان

واذا فيه غير الكلام هذا ان شاء الله يجي من يفيدنا ويفيدك

بالنسبة للقطع اللي تستخدمها شركة ترايستار فهي من صناعة الشركة الام بأمريكا . واغلب الورش اللي توضب القيور تستخدم نفس القطع يعني لا يغرك اذا قالوا لك اصلي ترا الاصلي حقهم من ترايستار . لو اشتروا القطع من شركات السيارات نفسها بتكلفهم واجد وبيطلع عليهم التوضيب بخسارة او بيضطرون لرفع التكاليف الى 8000 او اكثر حتى ياخذون منك الربح اللي تعودوا عليه !!

خلاصة الكلام .. لو انك ما دخلت السيارة عند ترايستار كان قلت لك انحش منهم النصابين وشوف لك اي ورشة شغلها نظيف ومضمون والقطع اللي بيستخدمونها ترايستار والضمان اللي بيعطونك اياه متوفر في كل مكان . يعني ما فيه اي سبب لغلاء اسعارهم الا استحلال اموال الناس بغير حق . بس الكلام هذا ما عاد يفيد اللحين ومن ناحية الشغل والقطع تطمن ان شاء الله ما عليهم اي ملاحظة ..

MR-V 2003 · #3 24-05-2009, 06:22 PM

اللي أفهمه من كلامك يالغالي إن شغلهم عدل وزين بس أسعارهم مبالغ فيها

بس هل أسعار القطع أيضًا مبالغ فيه لأنهم طالبين شغل اليد 1500 ريال

والقطع قالوا إنها 4800 ريال

عمومًا أنا مايهمني القيمة بقدر مايهمني إن الشغل يكون مضبوط

ويعني غيرهم كم راح يكلف التوضيب مثلًا إذا كان عند ترايستار

6300 ريال مع القطع .

وأشكرك يا B Unique

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

العضو التالي يشكر [B Unique] على هذا الموضوع:
open window (24-05-2009)

العضو التالي يشكر [MR-V 2003] على هذا الموضوع:
B Unique (24-05-2009)