الموضوع: ايش هذا الشيء

بالنسبة للهيدرز
فهو مثل ما قال أخونا ملك الحر , هو عبارة عن قطعة من المعدن مقسمة إلى 3 أقسام ( طبعا يعتمد على عدد سلندرات السيارة ) و بالنسبة للأكورد 4 سلندر فراح يكون التقسيم هو 1-2-4 و تعني الأرقام التالي :
4 يعني عدد الفتحات التي تستقبل الهواء من المحرك
2 تعني عدد الفتحات إللي تستقبل الهواء من الـ 4 فتحات إللي قبل و غالبا يكون هالرقم ثابت في أغلب أنواع السيارات لأن ما أعتقد إن فيه سيارة عندها أكثر من كنداستين .
1 يعني نهاية الهيدرز و بداية نظام الإكزوز و هي رقبة الهيدرز كما يسمونها عندنا لأنه تجي معقوفة و هي القطعة إللي قبل دبة الرصاص على طول .

إذا تبي تركب هيدرز فالمعدن الأفضل و الذي أنصحك فيه هو السيراميك , أنا أشوفه أفضل من الستالي ستيل و الأفضل إنك تركب الـ Rap إللي هو الشريط العزل على الهيدرز عشين يعزل الحرارة و يعطيك أداء أفضل و عمر أطول للهيدرز .

طبعا الهيدرز هو الجزء الوسط و الجزء ذو التأثير الأكبر في نظام العادم للسيارة حيث إنه يعطك فرق ملحوظ و ممتاز بصورة كبيرة و الأفضل عند تركيبه إنك تكون مرب الإنتيك و الإكزوز لأنه مثل ما يدخل هواء كبير للمكينة بيخرج بصورة أسرع و ما بيكتم داخل المواصير .
أما إذا ركبت الهيدرز لحاله بدون الإنتيك و الإكزوز فراح تلاحظ فرق لكن حتلاقي إن السيارة أحيانا راح يطلع منها Back مع الكنداسة و يمكن الشي هذا يدمر لك الصفائح الداخلية للكنداسة . فالأحسن تركب النظام كامل من الإنتيك للكنداسة .

الهيدرز حسب ما سألت و بحثت لقيت إن ما منه مشاكل أبدا بالعكس يريح المكينة و يقلل الضغط عليها لكن عيبه الوحيد يمكن إنه يخللي صوت السيارة عالي و مزعج للبعض , لكن باعتقداي إنها نغمة لا يعرفها إلا من جربها .
ناس كثيرين مركبين الهيدرز و منهم أنا أيام كان معي الكابريس و سألت بعض الموظفين في صيانة الوكالة و أعرفهم و قالولي إحنا ننصحك تركب لأنه بيفك عن المكينة ضغط كبير و بيساعد السيارة إنها تسترجع الأحصنة الضايعة فيها .

يعني إنشالله ما منه ضرر و صدقني لو تحب المقاومات و الدز راح تنبسط إذا ركبته .

المشكلة الوحيدة بالنسبة لنا هي إن ما في أحد يجيب قطع تزويد للهوندا خصوصا في جدة لأن أغلب الشباب تفكيرهم رايح في التعديل الخارجي و التعديل المكيانيكي رايح بقوة لراعيين الـ Ls1 و الـ Vq .

أنا بأبحث حاليا عن هيدرز و لقيت لكن أسعارها مرتفعة يعني 2000 و إنت طالع , لكن لو جبته من الخارج بيطلع علي في حدود الـ 1100 ريال و حاليا رايح أطلب واحد .

أتمنى أكون أفدتك بالمعلومات إللي أعرفها يالغالي .

و لو حبيبي هذا واجبنا ...

إذا بغيت هيدرز أنا طلبت واحد و أقدر أزود الكمية إذا تبي لأن الإرسالية لسا ما أرسلت .