ضرووووووري ابــــــي حل ياخواني واحبتي اعضاء المنتدى

**link to honda** · 26-04-2009, 05:25 AM

انا عضو جديد ينضم الى منتدى الهوندات الي ماقدرت امسك نفسي عن التسجيل فيه.. اقدر سلامي على جميع اعضاء وشرفاء المنتدى الكريم. السلام عليكم ورحة الله
وارجو الرد على الموضوع باسرع وقت
ابي طريقة اقدر افتح بيها كمبيوتر سيارتي.. سيارتي هوندا اكورد 1997 وحطيت صورتها كرمز لصورة الملف الشخصي حقي . اذا حبيتوا تشوفوها. بضراحة اخذتها للتزويد وركبت عليها مكينة h22a vtec واخذت ليها كمبيوتر بس فيه سيفتي يقفل عند 7 وانا ابي افتحه بحيث يعطي المحرك نفس وعزم اقوى. وابي طريقة فتحه ضرووووري علشان انا بفتحه وبخليه بدون سيفتي. مع ان سيارتي جبارة فقوة مشيها ولاكن يقولوا الشباب ان لو تفتح الكمبيوتر بتطلع السيارة اقوى مما تتصور. وبصراحة الموضوع يستاهل المحاولة لان ابغى اشوف قوة الفتك تزيد . حاليا الموتر 260 حصان لاكن ابي افتح السيفتي علشان تطلع قوته عدل
الي عنده طريقة ياليت انه يضيفني على الايميل تبعي zelda.w@w.cn او انه يكتب لي الطريقة هنا
وشاكرين على قراءة الموضوع تحياتي

**بريق الصحوة** · 26-04-2009, 06:30 AM

وعليكم ورحمة ورحمة الله وبركاته

حياك الله اخوي بس شباب يمكن يفيدونك

**AlGaTTaS** · 26-04-2009, 04:33 PM

حياك الله حبيبي

شوف الشباب في قسم التزويد انشاء الله يفيدوك

ينقل إلى قسم التزويد

**ACCORD 764** · 27-04-2009, 03:36 PM

أهلا و سهلا ...
و عليكم السلام و رحمة الله و بركاته , و الله يحيّك معانا حبيبي .

هو كلام صحيح إنك لو فتحت كومبيوتر الـ h بيعطيك عزم أقوى , لكن إنت قايل إنك تبغاها بدون سيفتي فهذا شي ما أقدر أختلف فيه معاك . و طريقة فتح الكومبيوتر بالبرمجة . و بصراحة ما أعرف ورش تفك الـ rpm إلا و تكون متخصصة بالسيارات الأمريكية , أما السيارات اليابانية حوسة و صعب فكها , عشان كدا قليلين إللي يعرفولها .
في واحد فيلبيني في جدة إسمه كلايد , هذا الشخص لو فتحت راسه و تبي تشوف مخه راح تلاقي بداله علامة هوندا , إنسان جدا فاهم و متعلم و يلعب على الهوندات لعب مو صاحي . أتوقع بتلاقي حل الـ rpm عنده .

حاليا الموتر 260 حصان لاكن ابي افتح السيفتي علشان تطلع قوته عدل

أكثر شي لفتني في الموضوع هو قوة مكينتك , ماشالله تبارك الله الله يعطيك خير السيارة و يكفيك شرها و قوتك فوق الـ ss ستوك و الأوريون و الألتيما الـ v6 ستوك . الله يبعد عنها العين .

**KUWAIT FALCON** · 27-04-2009, 04:21 PM

اخوي انا شفت بموقع Ebay في Chip يفتح الار بي ام لحد ال8500 يعني الثنانيه ونص ومو غالي

بس السؤال شلون تركبه او في احد يركبه لك

واذا تبي الرابط انا حاضر
http://cgi.ebay.com/ebaymotors/p28-c...1%7C240%3A1318

هذا الرابط مال الجيب ويركب على مكاين الــH22

اتمنى افدتك

**Musouka** · 27-04-2009, 07:01 PM

^^^
البائع سيرفق تعليمات التركيب مع القطعة، ويقول أن اتباع التعليمات سهل.

**فيلسوف الهوندا** · 27-04-2009, 07:48 PM

اخوي مكيننةh2.2 مكينة تقريبا تزويدها متوفر واذا تبي تفتح rpm ركب chip قطعة تنشبك في كمبيوتر الوكالة

**KUWAIT FALCON** · 27-04-2009, 08:59 PM

طيب شباب منو يعرف موقع او اي شي يبيع chip يفتح الفتك من 4500 او 4700 والار بي ام 9500 ويشيل الفصله

لقيت واحد يفتح الفتك من 4700 والار بي ام لحد 9400 بس يقفل على 151 مادري هل السرعه بالميل ولا بالكيلو

هذا الرابط واتمنى الافاده ...
http://cgi.ebay.com/ebaymotors/S-K2-...1%7C240%3A1318

اتمنى الافاده

تحياتي

**link to honda** · 28-04-2009, 01:55 AM

اشكركم جميعا على تفاعلكم وياي وعلى ردودكم كمان. انا حاليا وصيت واحد من الشباب يجيب chip بس انا بعيد عنكم لاني ساكن بالدمام وماقدر اروح جده . الله يعيني اركبه في مكان ثاني. بس لو ركبته يحتاج اغير الهيدرز والرامير والفلتر وطرمبة البنزين . لان صرفت فلووس وااااايد علشان اركب هذي الاغراض . واخاف اني احتاج اغيرها مع chip مفتوح .

**i-vtec2005** · 28-04-2009, 03:21 AM

اخوي اذا تبغى شغل صح
انصحك تروح البحرين
وتسأل عن كراج مشهووور حق هوندا
حق واحد معروف مو بس في البحرين .. في الكويت والامارات
واحد مشهور بالهوندات في سباقات الدراج ريس
ومتخصص في تزويد الهوندات وخاصة مكينة H22

اسم الرجال ( عـــادل أحمــد الجمري )
الرجال عنده كراج حق تعديل وتزويد ويعجبك
انا ما اسوي له دعايه لانه مابيني وبينه اي علاقة
بس بحكم خبرتي انه احسن واحد عندنا في المنطقة
واذا تبغى رقمه اقدر اجيبه لك اخوي
...
تحياتي