أخوي فراس ....
و عليكم السلام و رحمة الله و بركاته , و حيّاك الله بين أخوانك و أهلك .
المكينة تركب على السيارة و أعرف واحد مركبها على نفس موديل سيارتك , مدري إذا شفت السيارة و لا لأ ؟
مركبلها جناح رياضي و جنوط رياضية مقاس 17 و منزل السيارة شوية و لونها أسود .
المهم مركب عليها إكزوست و هيدرز و إنتيك فقط و مستواه مع تويوتا أوريون , و في واحد ثاني منزل نفس المكينة على أكورد موديل 91 و مستواه مع لومينا SS و الرجال أمس رجع من الرياض و بأقابله قريب إنشالله .
تعال معانا واحد من تجمعاتنا و أخليك تقابل راعي الأكورد الـ 91 لأنه هو عنده خبرة كبيرة بهالمكينة و هو بنفسه إللي ركبها على سيارته . و بالنسبة للمبلغ , تلاقي مكينة كاملة مع الظفيرة و العكوس و الكومبيوتر بـ 6000 إلى 7000 ريال للنظيفة .
إذا براسك جنان و معاك جير عادي فـ أنفضها بمكينة و خفايف و راح تشوف مستوى حلو و إذا زادت معاك الفلوس أقدر أجيب لك تيربو " Custom " لسيارتك و لمكينتك بسعر جدا جدا حلو و طبعا جديد و ليس مستعمل . و طبعا الـ H22A في مشروعات التيربو بتكون مصروعة لدرجة ما تتخيلها .
أرسلي إسمك و رقم جوالك و نوع سيارتك و لونها و موديلها برسالة على الخاص عشان أضيفك معانا في قروب جدة و تحضر معانا التجمعات و تستفيد من الخبرات , و راح أجيب راعي الأكورد الـ 91 عشان تاخذ منه الموضوع من الأول للأخير و تعرف فين راسك من رجلك , لأني لو جلست أتكلم عن هالمكينة فالموضوع و كم صفحة كمان ما بيكفون .
و تراني موجود بالنت أغلب وقتي بس إنت إللي ما تدخل و لا شكلك حاط نفس OffLine . <<< أمزح معاك حبيبي .
ضوابط المشاركة
مواقع النشر (المفضلة)