الموضوع: عضو جديد ومبتدأ في تعديل السيارة

حبيبي تقدر تبدأ بالهوائيات " الخفايف " و هي إنك تغير نظام دخول الهواء لسيارتك بحيث إنك تكثف كمية الهواء الداخلة لغرفة الاحتراق في المكينة مما ينتج عنه احتراق أكبر و عزم أقوى و هذي الطريقة المتبعة لتعديل السيارة بأنها تكون مخصصة كمان للاستخدام اليومي يعني إنشالله ما بتصادفك مشاكل .

أولا تبدأ بالإنتيك " الفلتر الرياضي " و هو فتحة تنفس السيارة و تلاقيه بالسيارة الرياضية بجدة بمركز الحفني , سعره ما يزيد عن الـ 800 ريال مع الفلتر . و أعرف شباب مركبين من عنده على سيفيكات و مبسوطين .
ثانيا نجي للهيدرز و برضو تلاقيه عند نفس المكان و أحب اقولك إن الهيدرز يعتبر أقوى قطعة تنزلها في هالوقت هوا إللي بيطلع لك الفرق في السيارة تمام , و بالنسبة لسعره ما عندي أي خلفية عن السيفيك .
الإكزوست أو الكات باك سيستم و هو عبارة عن تغير مواد نظام العادم " الشكمان " و تغيره عشان لا تعمل ضغط في الـ J Pipe لأنك بتدخل هوا بكيمة كبيرة و إذا ما غيرت الإكزوست فكمية من هالهواء بترجع للمكينة لأنك سويت ضغط كبير في الوسط عند رقبة الهيدرز ..... " أدري ما فهمتني " بس هالحركة خاصة بتسبب ضرر طفيف على المكينة ما راح تطلع نتائجه إلا بعد فترة طويلة جدا ... فيا تغير كلو يا لا تغير أحسن بس إذا ركبت هيدرز ضروري جدا تشبك الإكزوست , أما لو ركبت إنتيك يعني عادي ما عندك اي مشكلة و ما بيأثر على السيارة و لا شي , بيزيدك عزم و يخلي تنفس السيارة أحسن . كبداية أنصحك فيه .

ما أبغى أدخل في البكرات و الثروتل بدي و الثلاجة و الـ MSD و البواجي الرياضية عشان لسى لازم تفهم هالشغلات أول بعدين تبدأ تتعمق . بس خذ الجملة الجاية كتحذير :
عالم التزويد إذا دخلته ما راح تقدر تطلع منه " إدمان " يعني شوفني حاليا ما اقدر أسوق سيارة ما يطلع منها صوت أو أسمع لها صوت قوي لما اشد فيها , خلاص تعودت و سيارتي الجاية ما راح اريحها , على طول تزويد و تعديل .