يا اهلا وسهلا والف مرحبا
اليوم حاب انزل لكم عرض بسيط عن البريذر
تم تركيبه قبل امس
وتم شراء القطعة قبل يومين
اتمنى العرض والشرح يعجبكم :
اولا : البريذر : عبارة عن فلتر لأبخرة زيوت الماكينه ,
اساسا السيارة يكون فيها بايب مصنوع من الربر واصل من الانتيك الى الماكينه
والانتيك يسحب من الماكينة ولكن المشكلة ان الماكينه تدف مع الهواء ابخره وزيوت واوساخ
وبذلك تصل الى الانتيك ثم الثروتل ثم الثلاجة والى ما بعده
وهنا تتوسخ هالقطع ومع الوقت تعرفون ايش ممكن يصير
وهذه القطعه تنمع حدوث هالشي . واخذت معها جلده تغطي الفتحه الموجود بالانتيك .
ثانيا : تم شراء القطعة من محل الاداء العالي سعرها 30 ريال
ثالثا : تم تركيبها من قبلي
وعمليه تركيبها جدا سهلة
اولا تسحب البايب بخفة وسلاسة وانتبه تجرح البايب
البايب الواصل بالماكينه وبعد ما تسحبه راح تشوف شويه زيت ع الطرف
امسحه وبعدها اسحب البايب من جهة الانتيك وبعدها امسحه
اولا ركب الجلدة وغط الفتحة الموجودة بالانتيك اللي شلنا منها البايب
وبعدها روح للفتحة اللي شلت منها البايب الواصل بالماكينه
وركب البريذر وشد عليه صح بالشداد ولكن لا تشد عليه كثير وتجرحه .
وبعدها خلاص انتهت عمليه التركيب .
وتحياتي لكم احبائي وهذه الصور :
.
.
.
هنا يبان لكم البايب اللي انا لاويه وحاط عليه شداد لاني نسيت الجلدة اللي تغطي الفتحة اللي من الانتيك ولكن كلها كم يوم واروح اجيبلي غطى وانتهى الموضوع .
مواقع النشر (المفضلة)