الموضوع: !..شرح تركيـب فلتر هواء + بريذر على سيارة العضو مطنشهم ..!

بسم الله الرحمن الرحيم

كيفكم ؟؟ شلونكم ؟؟ كيف اموركم ؟؟

ان شاء الله بخير وصحة وسلامة ..

اليوم مرني الزاحف والمعروف محمد والملقب بـمطنشهم
الى بيتنا في تمام الساعة السابعة مساء
وجاب معه بايسن وفشفاش الله يرجه وما قصر

وسواليف وضحك وشلخ وهرطقة

والان لكم الشرح واتمنى ان يريضيكم

!..بسم الله ما شاء الله ..!

.

.

.

بالبداية تركيب البريذر

نفك البايب الواصل بين الانتيك والماكينة




وهذه صورة للبايب والشدادات

بعد ما فكيت البايب اللي ما كان وده ينفك

واللي خلاني اطيح على الماكينة والحمدلله طلعت سالم

(( الله يرج سيارتك يا محمد ))






وهذه صورة للبريذر




ونركب البريذر بالماكينة




وهنا يد محمد الله يخليها له
(( اليد التي قادت به السيارة واتت به إلي ))


وهو ماسك الجلدة المغلقة من جهة والمفتوحة من جهة





وهنا نركب الجلدة ونسد الفتحة اللي بالانتيك





وهنا ننتقل الى صندوق الفلتر

وللاسف لقينا شي ما يسر بصراحة

وكان الصندوق فيه تراب وغبار

(( ناشبة يد محمد في كل صورة ))





وهذه صورة للفتلر مع الشيلد (( الحامي ))




وهنا صورة لماكينة سيارة محمد بعد التنظيف البسيط





وهذه صورة اخيرة





واتمنى تعذورني ع الرجة الزايدة (( كله من محمد ))

واتمنى ان التقرير واضح

واذكروا الله ع التركيب الشخصي وع سيارة العضو مطنشهم

!.. ما شاء الله ..!

!.. ما شاء الله ..!

!.. ما شاء الله ..!

بانتظار رايكم ع التقرير

وتحياتي لكم !.. No life ..!

ماشاء الله شررح وااااافي .. وانا عندي هالبريذر عطآإني اياه مستر عبد الله

بس للحين ما ركبتهـ :( .. يعطيك الف الف عافية على التنسيق والطرح المنتاز على قولة عثمان :p

المشاركة الأصلية كتبت بواسطة ذكريآإت عآإشق

ماشاء الله شررح وااااافي .. وانا عندي هالبريذر عطآإني اياه مستر عبد الله

بس للحين ما ركبتهـ :( .. يعطيك الف الف عافية على التنسيق والطرح المنتاز على قولة عثمان :p

بدينا بالحرش:d

وعقبال التيربو وانا اخوك

وماشالله تبارك الله

والى الأمام

مشاء الله تقرير روعه من انسان اروع

والف مبروك للاخ مطنشهم

سؤال بسيط الفتر هل له اثر واضح ؟

ولك جزيل الشكر

ماشاء الله شرح كافي ووافي

لو دريت انك تركب جيت لك تركب لي >> بس انا ركبت وخلصت

سؤال ؟ >> السدادة هذي اللي سديت بها البايب من وين جبتها ؟؟ >> سديتها انا بـ تيب عادي :o

بس ابسألك يالخوي


صندوق الفلتر هو اللي بعد ما اشيل الفلتر احصل التراب يكون تحت صح ؟؟ >> اذا كان فيه تراب اصلا ( سيارته نظيفه ) :d


تقبل مرووري

Mr_3bdullah

يا اهلا وسهلا بالجميع

الف شكر لكم جميعا وما قصرتم

عزيزي ذكريات : ليه ما خبرتني انه موجود عندك عشان اركبه لك ؟؟

ولكن ولا يهمك ان لاقيتك بركبه لك

ومستر عبدالله

التراب يكون تحت

وبالنسبة للسدادة تلاقيها بمحلات التزويد قوله ابغى سدادة صغيرة لاني مركب بريذر

ويمشيك التيب فترة ولكن افضل انك تركب سدادة

(( السدادة اللي انا مركبها من عندي ))

عزيزي ابو ظافر : بالنسبة للفلتر بدون انتيك يعني ع انتيك الوكالة

انا عندي طلعت هذه الفروق ع سيارتي :

1- خفة في دواسة البنزين

2- راحة للماكينة

3- دخول هواء اكثر

4- عزم افضل بشي قليل

5- صوت وهدير رياضي بعد الـ3 Rpm

والفلتر اول ما تركبه راح يكون اداء ولكن مع الوقت الاداء راح بختلف الى الافضل
لانك فتحت مساماته

وكذلك تم تجربة الفلتر ع سيارة العضو مطنشهم وكان الاداء افضل
وما بزيد بكلامي وراح اخلي وصف الاداء لمحمد

وتحياتي لكم جميعا .

تسلم يمناك انس وانا ما افهم كثير بالمكينه مو زيك شكلك تنام داخل المكينه خخ الله لايضرك

واللي لحظته ان السياره صارت اخف من اول

ومن قبل اذا كنت مثلا ماشي 60 ودعست اخر شي
احس ان السياره تكتم وتاخذ نفس بعدين تدز
لكن الحين علطول مشاء الله بدون ما تاخذ نفس
والصوت طبيعي الا اذا زدت الدعسه تسمع فررررررررررررررررررر يعني كن الموتر سبورت:d

وبالنسبة للسدادة تلاقيها بمحلات التزويد قوله ابغى سدادة صغيرة لاني مركب بريذر

ويمشيك التيب فترة ولكن افضل انك تركب سدادة

(( السدادة اللي انا مركبها من عندي ))

اوكي بروح اسأل عنها بس عسى أحصل :o

طيب يااخواني هل للفتر تأثير على السيارة ؟؟

ماشاء الله
بس اطوفك وانا بالريوس ترى معاي اكورد 08 << اقول مايركب ل 08 زي كذا خخخخ

المشاركة الأصلية كتبت بواسطة jreih

ماشاء الله
بس اطوفك وانا بالريوس ترى معاي اكورد 08 << اقول مايركب ل 08 زي كذا خخخخ

ايه يلا تعال الجبيل خخ شكلي بجرب مع اخوك

شغل مظبوط واهنيكم عليه بس القطعه ذي تركب لل09

حلو جدا , يعني اقدر اركب فلتر على انتيك الوكالة = توفير فلوس
.................................................. ......
ترقبو انا بركب k&n ايش رايكم

ما شاء الله تبارك الله

سلمت يديك ياغالي


والله انا افكر اسويها




بس فيه سؤال اخوي انس


كم تكلف كامل القطع اللي ركبتها ؟




تعرف الواحد يحسب حساب المصاريف شوي :d

والله شرح كافي ووافي تسلم على الشرح الاكثر من روووعة

ومبرووووك مطنشهم على الفلتر عقبال الخطوة الجاية هيدرز او أسلاك وبواجي رياضية

تدرون شي يخوف في الانتك الرياضي لان أذا ماجا نوعية عدلة او زي الناس تشوفة
يسخن المعدن نفسة هذا الي يخوف
الانتدك الرياضي كامل بتحس بالفرق صح


TeTo20

:(

مافهمت شئ مخي مقفل ع الصبح

اقين اقين

تيب اذا بركبه ويين مكانه ع 2009 وكيف يتركب وكم يكلف

وبص

:d

كيف أحصل على البريذر هاذا الي في الصورة من وين أشتريه

يا اهلا وسهلا بالجميع

حضوركم واسعدني واستفساراتكم كذلك

والف شكر لكم جميعا احبتي


عبدالله انا متاكد راح تلاقي وان ما حصلت كلمني انا اجيبلك واحد

بالنسبة لأثر الفلتر ع السيارة فهو من مصلحتها

وماله اثر سيء او اضرار

بالعكس انت ان ركبت الفلتر راح تريح الماكينة وتدخل هواء اكثر هذا بكل بساطة

وبالنسبة لموديلات الجديدة يركب بنفس الطريقة

بس شيل البوكس ان ما كان فيه حساس وركب القطع لكن لاتنسون القطع اللازمة

وهي

الفلتر

الشدادات

وقطعة الامينيوم زايدة تكون قصيرة طولها تقريبا 8 سم ويكون مقاسها اصغر من الانتيك والفلتر

ان كان مقاس فتحة الفلتر اللي بتدخل بالانتيك نفس مقاس الانتيك ولما تركبها حط الشداد عليها من الانتيك

لكن ان كان الفلتر اوسع ما يحتاج هالقطعة

وان ركبت الفلتر ع طول فوقه شداد

يعني شداد واحد يكفي ان كان الفلتر اوسع

او شدادين ان كان الفلتر نفس المقاس
لانك بتستخدم بايب الامينيوم قصير وتشد عليه

ومقاس الانتيك عندي 3 انش وكذلك الفلتر 3 انش لذلك استخدمت وصله اللي هي البايب وكان اصغر بشوي واتوقع انه 3 الا ربع
وبالنسبة للسعر :

الشداد الواحد قيمته 10

والفلتر ع حسب نوعه

مثلا اللي انا ماخذه سيموتا اصلي بقيمة 80

وال كي اند ان بـ 250 الاصلي

والـ الإسبيكتور بـ 150

والشيلد الحامي حق السيموتا بقيمة 75

بالنسبة للحرارة اللي يتقبلها الشيلد جدا رائعة وتحمله قوي

ومادة الشيلد ما تكون حراة جدا لدرجة الحرق ان لامستها فقط توصل الى حرارة بسيطة يمديك انك تمسكه

وهذا جد اعجبني..

والبايب القطعة الزايدة قيمتها 15 ريال تفصلها او تقصها من محلات التزويد بشكل يكون مناسب للفلتر

والبريذر تلقاه بمحلات التزويد في منه تجاري واصلي

وكلهم نفس الاداء (( فلترة ابخره وزيوت ))

وقيمته 30


ويا شباب في فلتر يجيك لونه فضي هذا لا تاخذونه لان خامته الداخلية سيئة واكثر قساوة

اما الفلاتر ذات الالوان الباقية فهي جيدة

والافضل هو كي اند ان

وبعده سيموتا

وبعده اسبيكتور

وبعده الفلاتر الصينيه

وكانت قيمة كل هالقطع عندي مع البريذر

220 ريال

والتركيب انا مركبه

واللي وده يركب هالقطع اتمنى ان كان قريب

يخبرني وانا اركبها له ان ما عرف الطريقة

وان ما قدر يجيني انا اجيه

لانو حرام تروح عند واحد يركبها لك وياخذ منك زيادة بالقليل 50 ريال

وبعضهم يقولك السيارة تفكيكها مو سهل ويقولك 80 ولا 100

لذلك حياكم الله بأي وقت وانا اضمن لكم كل شي

واللي يبي القطع ومو قادر يدبرها انا اجيبله القطع ويكون بيني وبينه تواصل

كلمة اخيرة الى جريح :

س اطوفك وانا بالريوس ترى معاي اكورد 08

اتمنى انك ما تستهين بسياراتنا القديمة

وان ودك تجي ونشوف مستواك حياك

وسيارة محمد ما شاء الله تبارك الرحمن مستواها حلو

وبسم الله ما شاء الله ع سياراتنا جميعا

وان شاء الله نشوفكم عن قريب

وتحياتي لكم جميعا

واعتذر عن الاطالة

دمتم بود .

ماشاء الله

شغل نظيف يا انس

تتهنى يالخوي يعطيك خيرها ويكفيك شرها:d

يعطيك العافيه وماتقصر الحين وضحت الصوره اكثر

اهنييييييك يالخووووي

امخمخ عليها وجيلك تركبها

المشاركة الأصلية كتبت بواسطة moom

ماشاء الله

شغل نظيف يا انس

تتهنى يالخوي يعطيك خيرها ويكفيك شرها:d

تسلم والله
الله يسمع منك

منور الموضوع بوجودك

تسلم يميييييينك على هالشرح والتركيب لمطنشهم
ومبروووووووك يا مطنشهم عليك الفلتر + البريذر
بديت افكر فيه على سيارتي الصدق
اهم شي راحة المكينه :d

عبدالله انا متاكد راح تلاقي وان ما حصلت كلمني انا اجيبلك واحد

طيب انا بروح اسأل ويارب احصل

اخوي انس انت تكلمت عن ايش يوم قلت كل الحساب 220 ؟؟ >> حساب ايش ؟؟

اما الفلاتر ذات الالوان الباقية فهي جيدة

والافضل هو كي اند ان

وبعده سيموتا

وبعده اسبيكتور

وبعده الفلاتر الصينيه

وكانت قيمة كل هالقطع عندي مع البريذر

220 ريال

والتركيب انا مركبه

يعني الفلتر الرياضيوالحامي كل هذا بـ 220 ريال والا كيف ؟؟

يا اهلا وسهلا بالجميع

الف مليون شكر لكم احبتي وربي ما قصرتم وافرحتموني بجد

عبدالله اسمع زين وركز : الفلتر سيموتا والحامي حقه والشدادات والوصلة كلها والبريذر ماخذها بـ220 ريال

ما عليك من الفلاتر الباقي

الفلاتر هذه انا ما شريتها لسيارتي لكني اعرفها واعرف مستواها

القطع اللازمة بـ220 ريال واللي راح يسمحلي اني اجيبله القطع راح يحصل ع خصم خاص

مثل مستر عبدالله اليوم كلمني واتفقنا

وان شاء الله بالتوفيق للجميع

تحياتي لكم .

يعطيك الف عافية ع التقرير

ومبرووك عليك يامطنشهم