نعم سيارتي تنزف..
قبل أسبوعين وبعد أن قررت أن أخرج عن سرفس الوكالة .. إلي بصراحة مو كأنه سرفس.. كانه سباق بين يهال من يخلص قبل السيارة إلي عنده .. وتشوف شغلهم سريع مره ..
فأنا قلت احسن لي دام السالفة تغير آيل وفلتر .. أروح برع الوكالة ..

المهم رحت والله لمركز متخصص ع قول الشباب ....
المهم .. جلسة يم سيارتي عشان أشوف وأطمن .. لما جاء الفني .. جعد يحوس في النته مالت الأيل....
لدرجة اني حسيت بيكسرها .. رحت عنده وقلت له .. وش المشكلة .. قال ما في مشكلة راح أبطلها الحين .,.

المهم الفني غير الأيل وعمل تنظيف للفلتر مال الهواء......

بعد مرور 4 أيام .. وبالصدفة شفت مكان موقف السيارة أيل منسكب في الأرض.. وش السالفة ..
المهم خذيت السيارة إلى الجراج ..قال عطول صاحب الجراج .. وين مبدل الأيل هذا خرج عليك النته إلى تحجز الأيل
( اعتقد تعرفوها ) ..
الحين قال صاحب الجــراج. انا راح أنزل الكـــرنكيس وراح اعمل تورنـــه والأمور راح تصير أوكي..

بس عندي الأمور مش اوكي .. وش الحل؟؟؟ ..
غير أني أروح أتعارك مع إلى غير لي الأيل.. لان أعرف ما راح أطلع نتيجة .. راح يقول مر عليك 4 أيام وانا ما أعطي ضمان .....
المهم جماعة الخير...
هل أبدل هذي القطعة ولا أصلها ..؟؟
وإذا صلحتها هل ممكن ترجع وتخرب..؟؟
أقصد عطوني خبرتكم في كذا أمور .... كيف أتصرف ...
وجزاكم الله خير .. أخوكم