السلام عليكم ورحمة الله وبركاته
*حبيت يا اخواني أفيدكم بشي جربته شخصياً ولقيت فيه الحل والحمدالله ...
المشكلة & الحل:
كان عندي مشكلة النور العالي يعلق عندي واستشرت بعض الشباب قالو تغير علبة الفيوز واتوقع تكلف 2000ريال وعليها >>>اذا مانسيت ..
والحل أبشركم لقيته الي هو تركيب كتاوت للعالي والواطي إلي يكون لونها اصفر ...
مع العلم اني مانزلت الموضوع من بدري إلا عشان أتاكد إن المشكلة ماراح ترجع مرة ثانية...
ولها اكثر من شهر ولي اسبوعين مركب زينون والأمور أبشركم تمام و 100%..
ثانكيو
بس الحمدلله ما عندي هذي المشكلة
مشكوووور ياعسل ..
بالنسبة للكتاوت افضل نوع بووش على جمييع الانواع ..
تاخدها اصلية من وكالة مرسيدس بـ 30 ريال تقرريبا ..
تسلم ع الافادة يالغالي ..
دمت بود
تسلمون الله يحفظكم على المرور ومشكورين..
بالنسبة لك اخوي الهادف انا متاكد مليون في الميه انك عارف الشغلة بس شكلك تبي تختبرني :p...
معليش ما فهمت
تقصد انك تركيب الكتاوت يحل المشكله بعد ما تصير
و لا تركيب الكتاوت يقي من المشكله قبل حدوثها ؟
888888
يحل المشكلة بعد ماتصير يا الغالي
هالمشكله صارت مع اخوي وجلس تقريبا 4 شهور بدون حل
واللي يقووله جب فيوز واللي يقول كتاوت واللي يقووول ضفيره طبعا الاسعار فوق الالف
بالاخير راح لفلبيني محترف ورهم له بالكتاوت ومدري وش سوى بـقيمه 500 ريال
وليتي شايف موضوعك بدري
طيب سوووعآآآآآآآآل
هل تعليق النور العالي سببه هو تركيب الزينوون لانه كان قبل مركب زينون؟
888888
ابداً ماله دخل بالزينون ردي عن تجربة ..
انا لمن بديت اشوف سيارتي تعلق كتبت مشكلتي هنا وانواع الردود ...
بعدين وبصراحة الي قالي الوالد الله يحفظه قال جرب الكتاوت اذا صلحت خلها واذا لا سيفووون...
جربت والحمدالله الامور تمام ...
السلام عليكم ورحمة الله وبركاته
كيفك أخوي accord05 ؟؟
معليش ونا خوك أدري الموضوع قديم بس توني أشوفه بعد تقليب صفحات هذا المنتدى الرائع <<<
عندي لك سؤال ممكن الجواب :
* هل المشكلة صارت لك بعد تركيب الزينون أو قبل
* ثمن أنت بعد ماركبت كتاوت ركبت زينون
والله أنا ودي أركب زينون من 6 أشهر وياخي انا موسوس مرة من ناحية الزينون وخايف يخرب علي الكهرباء وخايف بعد يرمل بالنور وخايف بعد من الأنواع التجارية أو مشاكل لانهاية لها ويروح الضمان أرجوا الإفادة ;)
حياك الله يا الغالي ..
قبل ما اركب الزينون ..
اي نعم يا الغالي ...
شوف يا الغالي انت تتكلم مثل طريقتي بالضبط قبل اركب ...
ركب وتوكل على الله والأنواع الي عندنا بالسوق اكيد تجارية بس كلم الشباب يطلبولك اصلي مع العلم ان الي عندي تجاري والى يومك الحمدالله تمام ...
ومن ناحية خراب ما له اي تاثير اذا ركبته بالطريقة الصحيحه وبدون تقطيع اسلاك ...
والضمان ماله دخل فيه ابد ...
اتمنى اني افدتك ،،،
قريبي معاه 2005 و علق معه العالي .. وزهق مالقى لها اي حل
وفصل العالي ..
وراح اقوله الطريقة
عوافي اخوي ع الموضوع
السلام عليكم
مساء الخير
وين مكان اللي يركب الكتاوت بالضبط رحت لاكثر من واحد وكلهم يقولون ما نركب لازم تغير الظفيره
ارجو وصف المحل بدقه وين وش اسمه وباي مكان
ولك مني جزيل الشكر,,,,
سلام ياأحلى شباب كل عام وانتوا مستانسينياشباب أنا جربت كل الحلول ومانفع ورحت تشاليح بريمان في جده واشتريت علبة الفيوزات كامله بفيوزاتها ب 500 ريال من أكورد 2007 مقلوبه ومانفع قلت يمكن من الزينون لكن لمن ركبت العلبه الجديده ركبتهاوأنا فاصل الزينون ونفس المشكله فالعيب تصنيعي من الشركه الأم وأنا سيارتي 2005 وهذا حرام مالها ثلاث سنوات وكثيرشباب عندهم نفس المشكله وسياراتهم أجدد من سيارتي والضمان 60000كلم وخلص في سنه ويمكن أقل والشركه تقول مالنا صلاح سوء استخدام ومو كل واحد يقدر يدفع تصليح الوكاله رحت وسألت ب1400 ريال والسياره ماهي رخيصه وهي الوحيده إلي ياباني أصلي فلازم نوصل المشكله للشركه الأم وأكيد إننا حانطلع بنتيجه فأرجو التكاتف من أجل المصلحه العامه.
أما ياأخ accord05 فياريت توضح طريقة تركيب الكتاوت عشان تعم الفائده للجميع
أنا أولهم تراني راعي خطوط وحرام نعمي الناس والنور مانقدر نستغنى عنو
فتكفى وتكفى تهز الرجاجيل
وآسف على الإطاله وشكراً
المشكله صارت معي بعد ماركبت الزينون تعبت معها
لكن وديتها الوكاله وغيرو الظفيره كامله حقت الفيوزات وضبطت الحمد لله
لكن السعر مدري كم لاانها كانت على الضمان
مافي مكان ومارحت له في جدة الا وقالي مايعرف او يسوي نفسه فاهم وهو ماعندك احد ياريت توصفو الطريقة بالتفصيل الممل او تدلوني على اي واحد في جدة عارفلها
وسلامتكم
حبيبي بلا كتاوت بلا كلام فاضي روح الوكالة وغير علبة الفيوزات على الضمان انالي اسبوع مغير العلبة لانهم مددو الضمان على العلبه الين 120 الف
كتبت موضوع في البداية (قولو مبروك غيرت علبة الفيوزات على الضمان)هذا اس الموضوع
وانا بعد رحت للوكاله وغيروه على الضمان وموتري ماشي اكثر من 80 الف ولي شهر ماصار لي
شي والحمد الله يعني الحقووو لان العيب مصنعي ويغيرونه ببلاااش حطيتها الصباح وخذتها العصر
والسياره حمد الله قووود
اسف جدا جدا على التأخير ،،،
معليش يالغالي روح لأي كهربائي انا في الجنوب وسويته عن محلات الماجد الي في الخميس...
المعذرة يا الغالي ماشفت الردود ونسيت من الموضوع فكرة الشباب يعرفون الأسلاك الصفرا (الكتاوت)
ترى الشغلة انك تروح لمحلات الزينه وتقول ابغى كتاوت للعالي والواطي وتروح لكهربائي يركبهم لك ..
واسف جدا جدا والله ماكنت متابع الموضوع ونسيت اني انا الي كتبته :o.
بالتوفيق يارب
جدة والله ما ادري لكن يا الغالي ترى المسألة سهله جدا جدا جدا ...
اشتر كتاوت للنور من محلات الزينه ولاتنسى تقول ابغى للعالي والواطي وتركبها عند اي كهربائي ..
واسف يا الغلا على التاخير .
والي سيارته منتهي ضمانها لازم يدور حل فعًال ورخيص.
دوووم يارب .
يا الغالين ترو المسألة ماهي الى هذيك الدرجة يبغالها تعب وتفكير ...
كل الي عليك انك تروح محلات الزينة وقل ابغى كتاوت اذا قال كتاوت طبلون كتاوت خرابيط قل لا ابغى كتاوت نور ...
اذا قال موجودة قل طيب جب كتاوت للعالي والواطي وتجيك لونها اصفر وفي نفس السلك ( فيشين) ( فيش لشمعة العالي وفيش لشمعة الواطي)<<للشمعه اليمين
والشمعه اليسار نفس الطريقة بيجيك سلك اصفر فيه فيشين ( فيش لشمعة العالي وفيش لشمعة الواطي)...
الشغلة الثانية روح لكهربائي وقل ابغاك تركبها ... وخلاص
فائدة الكتاوت : انها تنظم الكهربا في السيارة ..
ركب زينون ركب لمبة كوع ركب ثريا ... مالك هم ان شاء الله ماتشوفون شر..
بالنسبة للي قرو الموضوع... شوفو كم لي من يوم ركبت الزينون الين اليوووم ولله الحمد والشكر ما اشتكيت من اي شي .. الى يومكم.
وشكراً،،،
اقول يعني الحين مددو الضمان سيارتي ماشيه 73000 وفيه نفس المشكله فيدوني اروح الوكاله يعني
تحياتي اكور 2006
نعم صار تمديد على الضمان بخصوص علبة الفيوز فقط وأعتقد الى 120 الف
################
ادخل هنا - يوسف سعد الدريويش (kakashi-san) إنقطع عمله وانتم أمله !!
################
الى الاخوان الاعزاء
النور العالى يعلق
علبة الفيوزات هى السبب وهذا عيب مصنعى
غيرها على حساب الضمان لمسافة 120000كليومتر و العلم لكم وشكرا
مواقع النشر (المفضلة)