عرض للطباعة
يعطيك العافيه محمد
انا فريت كل التشليح و ما حصلت الا اكورد وحده 6 سلندر موديل 2004
يعني الطبلون ما يركب الا على 2003 - 2005
فاذا احد من الاخوان بيروح يجرب و يرد لنا و ان ضبط بياخذه له بسعر رخيص
المحل على شارع التشليح الرئيسي على اليسار اعتقد اسمه التويجري
عموما اللي بيروح يراسلني على الخاص و اوصف له مضبوط
accord 06 الظاهر ان الـ MICU هو الجهاز اللي تشبك فيه الكونكترات والفيوزات لان في الـ ETM ماحددوا وشو ولاحطوا له صورة بس دائماً كل ماقريت شي عنه لقيتهم كاتبين عنده
Under-dash Fuse/Relay Box
يعني توقعي انه يكون هو نفسه الجهاز اللي تشبك فيه الكونكترات والفيوزات او انه قريب جداً من صندوق الفيوزات والكونكترات
MICU = Multiplex Integrated Control Unit وهو نفسه الـ Multiplex Control System
وهذا النظام هو الذي يتحكم بالـ B-CAN والـ F-CAN وهو الجزء الذي يستقبل الإشارات ويرسلها من والى وحدات التحكم
محمد .. انا عندي Multimeter كيف طريقة الفحص الله لايهينك ؟
تركي التركي لو تعرف ايميل للشركة او للمقر الاقليمي نراسلهم ونشوف اذا بيفيدونا او لا وليت لو تحاول تفهم الهندي السالفة وتبلغه هل ممكن لو جبنا له طبلونين 4 سلندر و 6 سلندر يفكها ويقارن بينها ويشوف اذا فيه شي يمنع وصول الاشارة الى الطبلون
الله يعطيكم العافية ياشباب
تحياتي وتقديري للجميع
ياشباب انا بأشوف واحد معاه 6 سلندر وبأبدل الطبلون معاه ونشوف :rolleyes:
بس اهم شي اني احصل الحين وان شاء الله نلقى الحل :cool:
قايلكم امسكوا الفلبيني إيدي وودوه كنتاكي خخخخخخخخخخ :d
اللي ملاحظه انه كل واحد منكم عنده معلومات ماهي موجوده عند الثاني وكلكم يكمل بعض
لكن وسيلة الاتصال (المنتدى) صعبه وتاخذ وقت طويل عشان الرد
طيب كلكم بالرياض
نستأجر استراحه يوم الاربعاء وتتقابلون وتفيدون بعض ويمكن تنحل المشكله بليلتها :)
وبعدها ندقها كوره >>>> هذا اللي هامه :rolleyes:
الزبده يمكن واحد غفل عن موضوع والثاني ينبهه عليها اذا بتتقابلون
ياشباب يبي لنا واحد معه 6 سلندر ولا محل يأجر اكورد 6 سلندر لان ودنا نشوف اكثر من شي مو بس الطبلون لانه لو مااشتغل لازم نشوف شي ثاني غير الطبلون ونجرب عليه
على فكرة .. لو اشتغل وركبنا طبلون 6 سلندر فهل سيكون الكيلو غلط .. يعني مثلاً سيارتي تكون ماشية 40 واذا ركبت الطبلون تصير ماشية 60 على السيارة اللي كان فيها الطبلون ؟؟ :)خله يطلع المؤشر الحين ويصير خير :)
ولا القراءة تجي من كمبيوتر السيارة واي طبلون تركبه يطلع لك عدادك انت ؟؟
وايضاً سؤال .. لو ضبط وطلع على طبلون ال 6 سلندر هل نقدر ناخذ طبلون ال 4 سلندر وطبلون ال 6 لواحد فاهم بهالامور ويقارن بينها ويشوف العلة اللي خلته مايطلع عندنا اصحاب ال 4 سلندر ؟؟
ياشباب اللي يعرف احد معه 6 سلندر ياليت لو يجرب يبدل الطبلون بين ال 4 سلندر وبين ال 6 سلندر نشوف وش يصير .. ويبلغنا بالنتائج هنا
ن ك د بانتظارك على احر من الجمر :)
الاخطبوط من ناحية الاستراحة انا ماعندي مانع لكن مااتوقع تناسب الشباب لان اغلبهم اللي لاهي بامتحانات واللي لاهي بشغله واللي عنده التزامات و و .. الخ :)
تحياتي وتقديري للجميع
تخيلوااا شباب واحد ينط علينا في يوم ويقوول ابشركم لقيت الحل :)
وهو كذا كذا كذا :)
ياترى كم واحد بينط من الفرحة .
شباب الهمة راح الصعب وبقي السهل
تحايايا
السلام عليكم
طريقة فك الطبلون .....:d
اول شى موجود مسمارين في الاطار الاسود حول الطبلون
بعد ماتفك المسمارين انزع برفق الاطار الاسود ليظهر لك الطبلون
موجود في الطبلون 4 مسامير فكهم وانتبه لايضيع احد المسماير
حتى مايضيع يومك كله وانت تدور مسامير :mad:
بعد كذا اسحب الطبلون برفق وانتبه للسلك الموصل في منتصف الطبلون
افصل الفيش ويطلع معك الطبلون .....
لقياس مدى التوصيل بين الحساس والافيش المزعومة
يتم توصيل احد اقطاب الملتميتر في احد اسلاك الحساس والقطب الثاني في احد الاسلاك \ الافياش
ان ظهرت مقاومة = توصيل
الرجاء كل الرجاء عدم تشغيل السيارة اذا كان الملتميتر على فئة الاوم
لان الاوم + جهد كهربائي = احتراق الملتميتر
لقياس جهد التيار
يتم اختيار التيار DC من الملتميتر والفحص كالتالى
القطب الاسود يعتبر تاريضاً ويوصل في اقرب منطقة تاريض عادة الشاص او البدي المعدني
القطب الاحمر في السلك \ الفيش المراد فحصه
اتمنى الشرح يكون واضح
تحياتي
محمد
السلام عليكم
:cool: شباب فكرة أخوي الأخطبوط روعة:cool:
:p :p لو نجتمع يكون أحسن نحاول نحل المشكلة ونتكي سواليف وشوي وحركات وخل أهل الشرقية يفيدهم التجمع.!.!.!.:p :p
في فكرة ثانية نجيب معنا كهربائي شااااطر ونخليه معنا للمساعده.!.!.!.!.
:) شراااايكم:)
والإستراحة عندي{ماراح أستأجر حقتنا} أما الكهربائي أعرف واحد له15سنة بالسعودية يعني فاهم.!.!.!.
وش قلتو.!.!.!.!.
;) الفكرة موافقين عليها أو لا ؟ وش رايكم بكرا الإثنين أو الثلاثاء قبل الإختبارات من بعد العشاء أنتم أختارو بس؟أو إذا ما تناسبكم أختارو يوم ثاني حتى لو بعد الإختبارات مو مشكلة أهم شي الفايدة.!.!.!.;)
رقم جوالي0505444904
الله يعطيك العافية اخوي محمد على الشرحاقتباس:
المشاركة الأصلية كتبت بواسطة 922
لكن عندي استفسار بسيط .. هل اوصل احد الاقطاب في احد اسلاك الحساس اللي طالعة من الحساس ؟؟ ولا تقصد من فتحات الافياش اللي من وحدة التحكم بالمناخ
مثلاً القطب الاول في B14 والقطب الثاني في N22
وهل يهمنا في مشكلتنا قياس جهد التيار ؟
اللي تأكدنا منه حالياً يامحمد ان الحساس موصل بوحدة التحكم بالمناخ ولكن اللي ناقصنا اننا نتأكد ان وحدة التحكم ترسل اشارة للطبلون او للـ MICU
والله يعطيك العافية يامحمد ويوفقك ويوفق الجميع في اختباراتهم
اخوي JUVENTUS
مشكور وماقصرت وفكرة جميلة وبانتظار اراء الشباب
اتوقع لو تكون بعد الاختبارات افضل لاني اخشى ان البعض ماراح يقدر يجي
تحياتي وتقديري للجميع
السلام عليكم
توصل احد الاقطاب بوحدة التحكم بالمناخ
والقطب الاخر في MICU او الطبلون
طبعاً يكون الجهاز على الاوم عشان تقيس مدى التوصيل
وبكذا تكتشف وين موصل بالضبط
بغيت اسالك ....خارج الموضوع .... ماتخبر لى دريم بوكس الماني للبيع :d
لاني عجزت وانا ادور :(
تحياتي
محمد
طيب يامحمد فيه شي في الـ Multimeter اذا اخترته ووصلت الاقطاب في توصيلة عندك يطلع لك صوت (بيب) يدل على ان فيه توصيل .. فهل هذا يعتبر من قياس الاوم او ان الاوم يفرق عنه ؟ وهل لو كان فيه دايود بين الاسلاك ماراح يظهر لي قراءة تبين ان فيه توصيل .. يعني تظل القراءة على واحد ؟؟
واعذرني لأني ترا مالي في هالأمور :)
وبالنسبة للدريم بوكس ولا يهمك اسأل لك وارد لك خبر ان شاء الله :)
بانتظار تجارب الشباب وآراءهم
ابشركم الـ MICU ما لها علاقه بالموضوع :cool:
قبل شوي قاعد اقلب اوراق الكونيكترات الداخليه << وش رايكم بالمذاكره :p
و لقيت MICU مكتوبه للكنويكترين P & Q
لها علاقه بالسيكيورتي و وضع القير و الاشارات ....
يعني باقي الاحتمال الاخير اللي هو اختلاف الطبلون
accord 06 بالنسبة للكونكترات الـ P & Q هي صحيح مكتوب عليها MICU ولكن للاسف باعتقادي ان فيه كونكترات غيرها ولكن مااعرف صراحة وينها لاني مااعرف الـ MICU وينه بالضبط وهل الكونكترات الداخلية بما فيها الـ P & Q خاصة فيه ولا له كونكترات ثانية !!!
بس اللي قاهرني ان جميع الكونكترات اللي تهمنا والخاصة بدائرة الـ B-CAN كلها تتجه إلى الفتحة 20 في الـ MICU ولكن المشكلة وين الـ MICU بالضبط وكم فتحة له لاننا تهمنا في هالحالة الفتحة رقم 20
لاحظ الدائرة هنا
http://www.driveaccord.net/forums/at...achmentid=6499
والـ MICU مهم جداً لأن وظيفته ارسال البيانات عبر شبكتين سريعة وهي الـ F-CAN وبطيئة وهي الـ B-CAN ولذلك اعتقد ان له دور كبير في مشكلتنا
ولو افترضنا انه هو نفسه صندوق الفيوزات والكونكترات الداخلية وين الفتحة رقم 20 ؟؟
فعلاً شي محير صراحة :) حتى والـ ETM عندي حاولت اعرف وين الفتحة رقم 20 حقت الـ MICU بس للأسف ماقدرت :( لكن يبغى لنا احد يجرب طبلون V6 ونشوف المشكلة يمكن تكون من الطبلون ونرتاح من هالدوخة .. ياشباب اللي يعرف محل يأجر اكورد V6 يدلنا عليه او يعرف طريقة نستأجر فيها من الوكالة .. المهم ندبر اكورد V6 ولا لو فيه واحد من اصحاب الـ V6 بقلبه رحمة يتكرم علينا ويبدل طبلونه مع احد الشباب اللي يعرفهم معهم 4 سلندر فل ويعطونا النتائج بنكون لهم من الشاكرين .. حتى لو بفلوس ياشباب ترا الدعوة مافيها شي عادي من حقك
اسف على الاطالة
تحياتي وتقديري للجميع
اللهـ يفتحها في وجهكـ ..
متابعين بشغف .. :)
الهمه الهمه ياشباب <<<----- فاضي لا شغل ولا مشغله وين مايدقها عوجه ...:d
تمام المشكلة انحصرت تقريبا
مابقى الا الطبلون
سؤال مايحتاج تركيب فيوز او شي ؟؟
سؤال ثاني اذا كانت قيمة الطبلون اكثر من 1400 فالافضل برأيي ان يشتري الواحد حساس
جديد مع ملحقاته ونجرب تركيبها راح يكون هناك حساسين واحد للي يطلع بالمكيف وواحد
خاص باللي يطلع بالطبلون ! درجة الحرارة الخارجية
انا مستعد اجرب التجربة الثانية وهو تركيب حساس ثاني وبشوف يضبط ولا لا
بس من وين اشتريها شباب ووش هو الموقع اللي يبيعها ووصي من فيكم ؟؟
الحين حنا بانتظار الشباب اللي راح يجربون يركبون طبلون V6 للتجربة واذا نفع اعتقد الامور بتكون متيسرة ان شاء الله وفي هالحالة نروح بالطبلون حق الv6 وبالطبلون حق ال 4 سلندر الفل لفني الكترونيات فاهم ونخليه يشوف وش الفرق ووش الشي اللي يمنع المؤشر من الظهور
وبالنسبة لشراء الحساس وملحقاته وتركيبها فانا مستعد اطلبه لك من النت .. اذا كنت معزم عطني خبر
يانتظار تجارب الشباب وبانتظار الاحتبارات تخلص وتجي الاجازة علشان نحاول نتفرغ لها اكثر
تحياتي وتقديري للجميع
تركي التركي
انا لو اتأكد ان الحساس بيشتغل عندي كان طلبته من الحين
قبل اسبوعين مريت على قوة الاحلام بشوف اذا يوافق اجرب الحساس
اللي عنده على سيارتي لكن للاسف طلع المحل تقفل << حظ خايس :mad:
على كلام المحل اللي جنبه انه بينتقل لمكان ثاني
و المشكله ما لقيت مكان المحل الجديد و لا رقم راعي المحل
عموما انا مستعد اجرب الاكسسوار على سيارتي لو قدر واحد يدبره لنا
من قوة الاحلام او من غيره
هذا رقم صاحب محل قوة الاحلام
جوال 0555188829 اسمه ماجد الدوسري
الله الله ياشباب نبي حل لي هالمشكله:d
وايضاً هذا رقم صاحب محل قوة الأحلام .. رقم ثاني غير اللي حطه اخوي ككتان
0569096967
وايضاَ ياشباب احب ابشركم انه احتمال كبير تكون السالفة من الطبلون .. لان بالموضوع هذا
http://www.hondaarabia.com/club/showthread.php?t=2442
الاخ MANO حط صورة لطبلونه وشغالة عنده OUTSIDE :cool:
وهذي مشاركة الاخ MANO بالموضوع السابق
http://www.hondaarabia.com/club/show...9&postcount=53
معناها ان شاء الله كل اللي علينا نركب طبلون V6 وان شاء الله راح تشتغل عندنا ومن ناحية الكيلوات وكم ماشية السيارة هذي ماعليكم سهلة جداً وكلها نقل بيانات طبلونك القديم الى الطبلون الجديد عن طريق ال HDS وهو جهاز عند وكالة هوندا يسوي هالعملية وايضاَ الكثير من عمليات الفحص والتشييك :cool:
وايضاً اللي مايبي يغير طبلونه احتمال يقدر .. اذا ضبطت واشتغل اذا ركبنا طبلون V6 راح ناخذ الطبلونين حق ال V6 وحق الفل 4 سلندر لفني الكترونيات فاهم ونخليه يفككها ويقارن بينها ويشوف اذا نقدر بدون تغيير الطبلون :cool:
بس الحين خلوه يضبط وان شاء الله كل شي تمااااااااام :)
انا اتوقع في العطلة ان شاء الله راح نضبطه وراح يشتغل عندنا :)
تحياتي وتقديري للجميع
ماشاء الله عليكم
وكلكم عيون براس واحد >>> تخيل راس بـ 18 عين خخخخخخخخ :d والله لو انه حب شباب
يعني خلاص انحصر الموضوع بتغيير الطبلون او بتعديل الطبلون >>> اخاف من اللعب بالطبلون
بالنسبة للاكسسوار الي بيركبه اذا طلع المقياس بالدرجه المئوية مو بالفهرنهايت فانا مستعد
ايه ياجماعة محمد (922) اكد لكم انه راح يطلع بالمئوي على حسب كمبيوتر السيارة ولا كان طلعت عندك الدرجة بالمكيف بالفهرنهايت
بس السؤال هل هو ينفع يركب ولا لا ؟؟ (اقصد بالفل 4 سلندر) لانه على السياحي يركب 100 %وانا سمعت ان مافيه افياش اكسسوارات فاضية وكلها مشبوكة .. وسمعت الكلام هذا في موضوع عن انوار الضباب وهي تستخدم نفس الافياش لمؤشر درجة الحرارة الخارجية .. صراحة مااقدر اعطيكم علم :( على العموم اللي يبغاني اعلمه كيف يطلب من النت ولا يبغاني اطلب له انا حاضر ومستعد
وبالنسبة للطبلون في حالة انها اشتغلت فيمديك ماتلعب فيه وتدور لك واحد بالتشليح ولا تشتري جديد اذا كان سعره معقول .. بس انتم قولوا امين عساها تشتغل وبعدين يحلها حلال :)
ياشباب اكورد V6 مطلوبة للايجار .. ابغى محل ولا واحد يأجرها ولا عن طريق الوكالة المهم اكورد V6 نجرب نبدل طبلونها ومنها نجرب كيف عزمها :)
بانتظار آراء الشباب ومشاركاتهم
تحياتي وتقديري للجميع
كلمت راعي المحل و طلع المحل بينقل للشفا و بيفتحونه بعد شهر
و كلمته عن موضوع تجربة المقياس و الرجال ما قصر وافق بس بعد افتتاح المحل
يعني بعد شهر ان شاء الله ارد لكم الاكسسوار يشتغل على الفل ولا لا
m.a.m
الفيش اللي داخل الكبوت فاضي و تقدر تتأكد بنفسك
تلقاه تحت صندوق الفيوز
ماشاء الله عليكم
شدو الهمه شوي
4 ايام ماشاركتو الله يجزاكم خير
ما عندكم اختبارات مثلنا يا عيال الثنوي عسى الله يعين بس :(:(
لو انه عندي الاكورد كان اشتغلت معكم
لكن الاكورد يبيلها شوي بس خلو النتايج تطلع هههههههههههههههههههههههههههههههههههههههههههههه