لمن يريد مقياس درجة الحرارة الخارجية

**M.A.M** · 28-02-2007, 09:16 PM

السلام عليكم
ياشباب انا كلمت مدير صيانة هوندا (خريص) قبل ثلاثة ايام وقال لي انا في جدة ابرجع بعد يومين ودقيت عليه اليوم وخذت موعد معه .. بس للاسف اني ضيعت متى الموعد وكل اللي اعرفه انه الساعة 2 الظهر لكن مااعرف اي يوم :( وان شاء الله ادق عليه ثانية واتأكد موعدي متى بالضبط .. النسيان مشكلة والله

على العموم الاخ الكريم تركي التركي كلمني واقترح اقتراح حلو وهو : ان واحد من الشباب يروح لمدير الصيانة ويعطيه خطاب رسمي عن طريق منتديات هوندا والاخ تركي ماقصر كتب الخطاب وصاغه صياغة جميلة وارسله على ايميلي وانا ان شاء الله راح اطبع الخطاب واسلمه يداً بيد لمدير صيانة هوندا(خريص) والله يكتب اللي فيه الخير .. واعذروني على التأخر في كتابة رد من فترة ولكن صراحة مااحب اكتب رد وهو مافيه شي جديد
واوجه شكري للاخ تركي التركي على اهتمامه بالموضوع وعلى صيغة الخطاب الجميلة واعذرني اخوي تركي انا حطيت الخطاب باسمي علشان اذا سأل شي اجاوبه بصفتي كاتب الخطاب .. وحقوق الطبع محفوظة لك اخوي تركي

اخوي 922 فعلاً اغلب الشركات عندها اجهزة خاصة فيها ولاتوجد الا عند الوكيل وياخوفي ايضاَ ماتكون عند الوكيل

بس مشكلتنا كيف نعرف وش عند الوكيل وهم غطوا على ايران في التكتم على اسرارها النووية .. لازم احد من داخل الوكالة يصير خوينا

همسة في اذن بعض الشباب : حاولوا قراءة الموضوع كاملاً

تحياتي وتقديري للجميع

**922** · 01-03-2007, 05:48 AM

ماقصرت M A M وتركي التركي

على الجهود ونحن بنتظاركم

**الاخطبوط** · 01-03-2007, 06:10 PM

ماشاء الله عليكم

يعني بيصير الموضوع بطريقة رسمية

بس وشهو محتوى الخطاب؟؟

**accord 06** · 01-03-2007, 11:54 PM

ما قصرتوا و الله

بانتظارك اخوي M.a.m

**ن ك د السـعــــوديه 3 5 7** · 02-03-2007, 02:51 AM

ما قصرتوا و الله

بانتظارك اخوي M.a.m

**beckhaam** · 02-03-2007, 04:26 PM

ما قصرتوا و الله

بانتظارك اخوي M.a.m

**أبان الطباع** · 02-03-2007, 06:09 PM

ما قصرتوا و الله

بانتظارك اخوي M.a.m
أعتذر جداً جداً لعدم إيصالي الخطاب الذي كتبته أنت!!
بعد قليل لي لقاء مع مدير الصيانة الذي حدثتكم عنه وسأعطيه ماكتبته بمشاركتك السابقة.

**أبان الطباع** · 02-03-2007, 11:06 PM

تم عرض الرد الذي كتبته سابقاً مع هذا الرد على صديقي مدير الصيانة، فكانت النتيجة كما توقعنا:
الوكالة لن تتعاون معنا بشأن تغيير البرمجة للأكورد ولو ركبت عداد الستة سلندر وطلبت تغيير برمجته، بأحسن الإحتمالات يغيرونه بعداد الأربعة سلندر ويعود الأمر كما كان.
اقترح أن تضعوا عداد درجة الحرارة الخارجية كإكسسوار منفصل وسلامتكم

**ن ك د السـعــــوديه 3 5 7** · 03-03-2007, 12:22 AM

معليش يا Honda :(

بس انا واحد مسكت معاي غلط إلا وأشغله عناد للوكاله

وإلا وش رايكم ياشباب ؟؟؟؟

ياشباب:

يد بيد تكون كالسد <<< معليش يا accord 2002 على الزرفه بس هذا وقتها :d

**الاخطبوط** · 03-03-2007, 02:51 PM

يد بيد نكون كالسد >>> السد العالي

وريال على ريال تجيب ام العيال >>> حكمة قعيطي

المهم

يعني فشلت سالفة الخطاب ولا خطاب Honda غير خطاب MAM يعني ننتظر ولا نركب الاكسسوار ونريح روسنا

**أبان الطباع** · 03-03-2007, 03:09 PM

لا أنا نسخت خطابه وعرضته على من اعرف، يعني هو سيعرضه على غيره لكن النتيجة غالياً ماتكون نفسها، لأن هذا الشخص بالحقيقة يقرب لي وهو إداري في قسم الصيانة، يعني لو في أمل ماكان قصر.

**M.A.M** · 03-03-2007, 06:13 PM

السلام عليكم
اخوي الكريم Honda مشكور وماقصرت والله يعطيك العافية
الاداري اللي تعرفه في فرع خريص ؟؟ لان الخطاب اللي انا راح اوديه راح اسلمه يداً بيد لمدير الصيانة في فرع خريص .. لذلك اتمنى ترد لي خبر علشان اذا كان في خريص مااتعب نفسي وافشل عمري .. وبالنسبة للاكسسوار فاغلب الاعضاء ماعندهم مانع يركبونه لو يتأكدون انه يشتغل لانه مافيه احد جرب والوكالة حتى الاكسسوار ماوفروه .. يعني محرومين محرومين لو جيناهم بالطرق الرسمية .. الظاهر يبي لها طبلون كندي مافيها كلام ولا يبرمجونه ابد خل نخلي الضمان يبدأ من اول وجديد ;) وش نسوي طفشنا منهم :(
اخوي ابغى اعرف الرد حقي اللي وصلته للاداري في صيانة هوندا .. اي رد او الرد رقم كم ؟
ايضاً ابغى اعرف ليه يرفضون التجاوب معنا ؟؟

وبالنسبة للخطاب فهو من صياغة الاخ تركي التركي كما اخبرتكم من قبل ولكن انا من سيقوم بايصاله لمدير الصيانة في خريص .. مشكور اخوي تركي التركي وماقصرت والله

حبيبي ن ك د وانا ماسكة معي بعد وان شاء الله راح نقهرهم بتركيبه ونروح للوكالة ونستعرض قدامهم فيه

الله يعطيكم العافية ياشباب
تحياتي وتقديري للجميع

**أبان الطباع** · 03-03-2007, 07:22 PM

بجدة لكنه مدير منقطة على ما أعتقد..

**هوندا كونكورد** · 04-03-2007, 01:12 PM

آخ يا الهوندا اتخلين المازدا اتحط مقياس درجة حرارة و انتي اتأجلين الموضوع لبعدين ... ليش كذا يا هوندا مش من عوايدك يا الغالية:(

شكرا على جهودكم

ياريت لو اتكملون و توصلون لنتيجه

**waleed10** · 11-03-2007, 04:21 AM

يا اصحاب الهنادي والله انكم ناس ذويقه وجنتل اتا معي هوندا v6ضاع الرموت كنتروال . رحت للوكاله وسئلت كم تكلفت الرموت طلع الناتج 1900 ريال وسئلت مشرف الصيانه / طبعا سعودي قال لي اطلب المفتاح بالرموت ورح تحت الكبري وقص المفتاح وارجع للوكاله يبرمجونه لك............... السؤال ............. ياشباب هل تعرفون محل مختص في البرمجه . وهل معقول كلام المشرف . على فكره رحت للتشليح اسئل عن مفتاح مستعمل مالقيت ليش لانه مومعقول اشتري من الوكاله 1900ريال وهو ماله فايده مثلا ليس فيه انذار للسياره<<<<سيكرتي>>>> طولت عليكم

**الاخطبوط** · 11-03-2007, 10:25 AM

اخوي وليد

لو طالعت شوي فوق في المواضيع المثبته فيه موضوع اسمه المواضيع المميزه بقسم الانظمة الكهربائية والصوتيه

http://www.hondaarabia.com/club/showthread.php?t=1909

شوف الموضوع رقم 7 للكاتب accord 06

بتلقى ان شاء الله كل اللي تبيه وخصوصا طريقة البرمجه

**accord 06** · 13-03-2007, 09:38 AM

لقيت طريقة نسخ العداد

1- Before replacing the gauge control module, connecte the HDS to the data link connector.

2- Select GAUGES from the BODY ELECTRICAL SYSTEM SELECT menu display.

3- Select "GAUGE CONTROL MODULE REPLACEMENT (ODO rewrite)" from the ADJUSTMENT MENU, and follow the instructions on the display to retrieve the ODO value.

4-Replace the gauge control module.

5- Follow the instructions on the diaply to write the new ODO value to the new gauge control module.

**M.A.M** · 13-03-2007, 07:40 PM

اخوي ابو سعد حياك الله معنا في الموضوع
لو تقدر تحط لنا صورة طبلونك وفيه درجة الحرارة الخارجية تصير كذا

الله يعطيك العافية يا accord 06
هذي الطريقة شايفها من فترة وسبق وقلت ان نسخ بيانات الطبلون يتم عن طريق ال HDS لكن المشكلة وين نجيب ال HDS مالك الا الوكالة وهذا اذا لقيته عندهم .. والسؤال هل من ضمن البيانات درجة الحرارة الخارجية ؟؟ الله اعلم
ماقصرت اخوي accord 06 على اهتمامك وحرصك في الموضوع والله يعطيك الف عافية اخوي ومشكور وماقصرت

على فكرة ياشباب انا راسلت موقع قطع غيار كندي لكنه للاسف ماعنده طبلون :(
وبالنسبة للموضوع مافيه جديد ياشباب للاسف وانا صار لي احباط بعد ماقال لي مشرفنا العزيز انه تم رفض الطلب من قبل مدير صيانة او مدير منطقة في جدة فصراحة احبطت واعذروني ياشباب مارحت بالخطاب لاني اتوقع انه راح يتم الرفض خصوصاً ان الاخ Honda كلم احد مديري الصيانة وايضاً تربطه معه صلة قرابة ومع ذلك تم رفض الطلب فما بالكم ياشباب لو رحت انا فاتوقع راح يكون الرفض لذلك ماكلفت نفسي العناء واعذروني ياشباب واحتمال اذا قدرت وشفت نفسي مروق كلمت مدير صيانة هوندا (خريص) وحددت موعد معه من جديد علشان اسلمه الخطاب .. اتمنى ماتزعلون مني ياشباب على هذا التخاذل والاحباط

تحياتي وتقديري للجميع

**تركي التركي** · 14-03-2007, 03:38 AM

المشاركة الأصلية كتبت بواسطة M.A.M

اخوي ابو سعد حياك الله معنا في الموضوع

المشاركة الأصلية كتبت بواسطة M.A.M

لو تقدر تحط لنا صورة طبلونك وفيه درجة الحرارة الخارجية تصير كذا

الله يعطيك العافية يا accord 06
هذي الطريقة شايفها من فترة وسبق وقلت ان نسخ بيانات الطبلون يتم عن طريق ال HDS لكن المشكلة وين نجيب ال HDS مالك الا الوكالة وهذا اذا لقيته عندهم .. والسؤال هل من ضمن البيانات درجة الحرارة الخارجية ؟؟ الله اعلم
ماقصرت اخوي accord 06 على اهتمامك وحرصك في الموضوع والله يعطيك الف عافية اخوي ومشكور وماقصرت

على فكرة ياشباب انا راسلت موقع قطع غيار كندي لكنه للاسف ماعنده طبلون :(
وبالنسبة للموضوع مافيه جديد ياشباب للاسف وانا صار لي احباط بعد ماقال لي مشرفنا العزيز انه تم رفض الطلب من قبل مدير صيانة او مدير منطقة في جدة فصراحة احبطت واعذروني ياشباب مارحت بالخطاب لاني اتوقع انه راح يتم الرفض خصوصاً ان الاخ Honda كلم احد مديري الصيانة وايضاً تربطه معه صلة قرابة ومع ذلك تم رفض الطلب فما بالكم ياشباب لو رحت انا فاتوقع راح يكون الرفض لذلك ماكلفت نفسي العناء واعذروني ياشباب واحتمال اذا قدرت وشفت نفسي مروق كلمت مدير صيانة هوندا (خريص) وحددت موعد معه من جديد علشان اسلمه الخطاب .. اتمنى ماتزعلون مني ياشباب على هذا التخاذل والاحباط

تحياتي وتقديري للجميع

هلا بالجميع

ياخوي ليش الاحباط وانت مارحت له حتى الآن ؟!!!

الآدمي اللي ارسلتك عليه ماقد (نصيته ) بشي الا وخلصه لي والشركة بيده

ماعليك من تجارب الاخرين وحق جدة وغيره

لو اني بالرياض كان مريته واقل شي خليته يرفع تقرير او يتخذ اجراء هو تحت صلاحيته اصلا

وعلى فكرة يوم كلمته كان متجاوب جدا وقال انت بس مرني واشرح لي الطلب عن قرب

وكل شي له حل .

على فكرة بعد اسبوع رايح على كندا ومرني لو جبت لك طبلوون

سي يو

**الاخطبوط** · 13-03-2007, 09:32 PM

على العموم ماقصرت اخوي MAM

انا كنت بأطلب الاكسسوار بس مااتوقع يشتغل بالدرجة المئوية >>> ماني مقتنع

مثلا بهذا الموقع

http://www.hondapartsdeals.com/produ...ior-accesories

يعني حاطين بين قوسين (in Fahrenheit)

لو ان الكمبيوتر يحولها كان ماكتبوا بالفهرنهايت من الأساس

**أبان الطباع** · 14-03-2007, 04:57 PM

صحيح لما الإحباط، حاول أنت أيضاً ربما يكون الحل على يده الله أعلم !

**M.A.M** · 16-03-2007, 09:28 PM

ابشروا ياشباب وتسلمون على التشجيع وانا ان شاء الله راح اخذ موعد معه من جديد واتمنى تسير الامور على مايرام .. واذا حصل جديد اعرفوا اني راح اكتبه هنا على طول واذا ماحصل جديد ماراح اكتب شي .. واعذروني على التأخير لاني كنت مسافر والله يعطيكم العافية ياشباب

اخوي الاخطبوط الاكسسوار يتوفر بالمئوي في الاكورد الكندية

اخوي تركي التركي .. صراحة انت اكثر شخص منحرج منه والله واعذرني اخوي على التقاعس هذا وان شاء الله راح اروح له باقرب فرصة .. ولا اوصيك على الطبلون اذا رحت لكندا

جب واحد وخلنا كلنا نقط فيه يمكن مايطلع علينا الا ب 100 ريال هذا اذا ماكان اقل لان اللي يبونه كثير وننسخ برمجته وبعدين ننسخها على سياراتنا كلنا ولو تدور تشليح يكون احسن

ياشباب ابغاكم تقترحون علي اذا كلمت مدير الصيانة في هوندا وش اقول له بالضبط علشان يقتنع ويعطيني موعد .. انا مشكلتي عندي دوام (مدرس) ادري بتقولون مربي أجيال ويهتم في هذي الامور بس وسعوا صدوركم

المهم نبغى اقتراحات وش اقول له بالضبط طبعاً غير الخطاب اللي راح اسلمه له واللي اعتقد انه وافي وكافي وماقصر اخوي تركي التركي في صياغته

تحياتي وتقديري للجميع

**أبان الطباع** · 17-03-2007, 11:10 AM

قل له أنك من نادي محبي هوندا، وأن النادي بالحقيقة هو تجمع لمحبي هوندا بالعالم العربي على الإنترنت وأنك تتمنى منه التعاون معنا .... مجرد اقتراح

**M.A.M** · 19-03-2007, 09:36 PM

ياشباب اخيراً قابلت مدير صيانة هوندا (خريص) وسلمته الخطاب وتكلمنا انا وياه عن موضوع مؤشر درجة الحرارة الخارجية والرجال ماقصر تجاوب معي وقرأ الخطاب ورحنا لمكتبه فوق الصيانة وشربت الشاهي عنده ونادى واحد يشتغل في الصيانة وهو المسؤول عن حقين الصيانة كلهم وشرح له السالفة وانا خشيت معه وشرحتها وخذ مني موديل سيارتي ونوعها وفئتها وراح له ربع ساعة ورجع ومعه الخبر اللي كلنا عارفينه وهو ان الطبلون يختلف وبالذات في الجزء اللي تظهر فيه القراءة (شاشة العدادات) وان كل شي موصل فعلاً لكن الطبلون مايشغلها وقلت له وش اقتراحك قال : اشتر لك سيارة غير الهوندا

يقولها يمزح طبعاً

المهم قلت له والحل قال لي عطني وقت خلني اجرب على راحتي لان ماعندي وقت فراغ اجرب فيه واركز فيه لذلك عطني وقت وراح ارد لك خبر ورجع لشغله وكملت السواليف مع مدير الصيانة وقال لي بعد هو انا راح احاول فيها بنفسي بس خل يجي لنا وقت فراغ وتخف الزحمة والشغل وبنحاول نشوف اذا فيه امل .. وايضاً قال حطوا اعلان عن الفحص المجاني موعده متى وعطاني الموعد وماقصر اخوي Honda حط موضوع بموعد الفحص المجاني واتمنى يكون مدير الصيانة شافه لانه يقول ابغى ادخل الموقع واشوفه

.. هذه اخر التطورات اللي حبيت ابلغكم فيها
وايضاً نسيت اقول لكم اني مريت القطع ويقول نفس الرقم طبلون ال V6 وطبلون ال 4 سلندر .. المهم قلت لهم هل اقدر اطلب طبلون كندي عن طريقكم وقال لي كلم مدير قطع الغيار .. بس للاسف انه مسافر لجدة وبيرجع بعد يومين .. وابحاول امره واشوف اذا يقدر يطلب لنا من كندا منا ولا منا .. او نوصي تركي التركي يجيب لنا

لو على الاقل واحد من التشليح الكندي

.. لاتكون تمزح ياتركي تراني مصدق .. وايضاً ماانسى اشكر الاخ تركي التركي اللي جاب لي رقم مدير الصيانة ودلني عليه وكتب صيغة الخطاب لي .. مشكور اخوي تركي والله يعطيك العافية

تحياتي وتقديري للجميع