الموضوع: لمن يريد مقياس درجة الحرارة الخارجية

مساكم ورد


وتطورات جديدة وان شاء الله مدير الصيانة عنده الحل بعد الله


انا الحين بكندا والهوندات هنا كثيرة بصراحة وعندهم انواع ماعمر ابوي شفتها

ولقيت هوندا ولقيت اكيورا ولقيت الانتيجرا اللي انقرضت عندنا


شي حلو طبعا انا مضغوط جدا بالدراسة بس لو تبوني اشوف الوضع هنا واشتكي لكم

هوندا السعودية يمكن (يورونهم شغلهم) عن طريق المركز الرئيسي ويتعاونون مع العملاء

بشكل افضل


بالتوفيق شباب ونسمع الحل قريب ان شاء الله وزي ماقلت لك ترى مدير خريص جدا رائع

ومتعاون .

ولاشكر على واجب اخوي M.A.M

تحياتي

تركي التركي
vancouver

مشكور خيو m.a.m وتركي والاخطبوط والله شكلهاا مافي الا فكرت الطبلوون الكندي وانا حاظر بااللي تطلبووونه

تحيااتي للجمع

هلا والله بالشباب
ياشباب اعذروني على تأخري بالرد لأني مارجعت من الديرة الا اليوم .. وان شاء الله راح ادق على مدير الصيانة واشوف وش اخر التطورات .. ولو اني مااتوقع الكثير

والله ماشاء الله عليك يا تركي التركي .. تصدق احسبك تمزح
على العموم الله يوفقك اخوي بدراستك وترجع لنا على قول اخواننا المصارية باش مهندس أد الدنيا
انا راح اخش موقع هوندا وراح اطلع لك اقرب وكيل لك ومتى مافضيت ياطويل العمر مرهم وشف الاكورد Ex-l الـ 4سلندر واسأل عن سعر الطبلون للموديلات 2003-2005 و 2006-2007 ورد لنا خبر الله لايهينك .. ومشكور والله يعطيك العافية

ولي رجعة للموضوع ان شاء الله

تحياتي وتقديري للجميع

السلام عليكم ورحمة الله وبركاته

اخواني حالياً مافيه شي جديد في الموضوع ولكن مدير الصيانة يقول لي بعد مايخلص الفحص المجاني ان شاء الله راح نشوف الموضوع ونرد لك خبر .. الله يكتب اللي فيه الخير

اخوي تركي التركي انا جمعت لك مواقع وكلاء هوندا في VANCOUVER ولا عليك امر متى ماحصلت لك الفرصة اخوي تمر اقرب واحد لك وتسأل عن سعر الطبلون او ترسل لهم ايميل وتبين فيه طلبك وتبلغنا بالنتائج
وهذه هي المواقع وفيها اوقات العمل وايضاً فيها خريطة توضح الموقع
تفضل اخوي تركي
http://www.honda.ca/HondaCA2006/deal...Carter%20Honda
http://www.honda.ca/HondaCA2006/deal...ngsway%20Honda
http://www.honda.ca/HondaCA2006/deal...couver%20Honda
http://www.honda.ca/HondaCA2006/deal...acific%20Honda
وبانتظار النتائج اخوي تركي التركي والله يعطيك العافية

وايضاً احب اقول للشباب اللي يبغون يطلبون الاكسسوار (مقياس الحرارة الخارجية) بالدرجة المئوية انه بامكانهم طلبه من احد هذه المواقع او غيرها من مواقع قطع غيار هوندا CANADA واتمنى اجد اليوم اللي تكون فيه جميع الاكوردات (L4) بالسعودية فيها هالميزة

تحياتي وتقديري للجميع

الله يوفقك اخوي m a m

مساكم ورد وصباحنا عسل

المعذرة على التأخر وعلى عدم ردي على رسالتك الخاصة أخوي M.A.M

من ناحية الوكالات اخوي ابشرك (مشطت) (وسحبت) فيني في شوارع فانكوفر ورحت

لبورنباي طبعا هي مدينة ثانية بس الناس او الاجانب تعتبر برنباي واشموند وفانكوفر ..الخ

مدينة واحدة .

مريت وكالة هوندا هناك وشفت s 2000 ونسيت سالفة طبلونكم :d

جربت السيارة بصراحة شي خيالي ولقيت عندهم (ددسن) هوندا ومنتشرة بصراحة

ركبت الاكورد وقبل ما أسأله عن الطبلون حبيت أتأكد بنفسي وخذت مفتاح 4 سلندر أكورد

سيدان وأول ما (دقيت) السويتش طلعت لي درجة الحرارة بالمئوية:p لا ولقيت بعد

مستوى جودة زيت السيارة في نفس الطبلون .

السعر قال لي بتاع البارت - قطع الغيار- طبعا بعد الاستغراب اني اطلب شيء مثل هذا

وفهمته ان عندنا ماعندك احد <=====:d قال لي السعر 439.23 مع التاكس (مع الضريبه)

طبعا هذا السعر بالدولار الكندي وبدون مصاريف الشحن

ورقمني الرجال وقال بإمكان شركتكم تراسل شركتنا ونتفق معاهم ونرسل لهم او نتفاهم

معاهم على هذا الموضوع قلت له : هذا شيء سهل ويقرره أي مدير صيانة بس الشرهة على

اللي يشتري منهم مره ثانية اي سيارة !!

على فكره الاختلافات اللي لاحظتها عن اكوردنا

يوجد لديهم نافيجيتشن + تسخين مراتب+ زر في الدركسون ماعرفت وش له واظن انه

بريك مؤقت . والكشافات طلبية زينا + ولقيت عندهم نوعين من الاجنحة جناح كبير

وجناح صغير وصراحة جاي حلو على الخلفية وخصوصا الصغير.

هذا مالدي مبدئيا وانا تحت الطلب

سي يو

المشاركة الأصلية كتبت بواسطة تركي التركي

مساكم ورد وصباحنا عسل

المعذرة على التأخر وعلى عدم ردي على رسالتك الخاصة أخوي M.A.M

من ناحية الوكالات اخوي ابشرك (مشطت) (وسحبت) فيني في شوارع فانكوفر ورحت

لبورنباي طبعا هي مدينة ثانية بس الناس او الاجانب تعتبر برنباي واشموند وفانكوفر ..الخ

مدينة واحدة .

مريت وكالة هوندا هناك وشفت s 2000 ونسيت سالفة طبلونكم :d

جربت السيارة بصراحة شي خيالي ولقيت عندهم (ددسن) هوندا ومنتشرة بصراحة

ركبت الاكورد وقبل ما أسأله عن الطبلون حبيت أتأكد بنفسي وخذت مفتاح 4 سلندر أكورد

سيدان وأول ما (دقيت) السويتش طلعت لي درجة الحرارة بالمئوية:p لا ولقيت بعد

مستوى جودة زيت السيارة في نفس الطبلون .

السعر قال لي بتاع البارت - قطع الغيار- طبعا بعد الاستغراب اني اطلب شيء مثل هذا

وفهمته ان عندنا ماعندك احد <=====:d قال لي السعر 439.23 مع التاكس (مع الضريبه)

طبعا هذا السعر بالدولار الكندي وبدون مصاريف الشحن

ورقمني الرجال وقال بإمكان شركتكم تراسل شركتنا ونتفق معاهم ونرسل لهم او نتفاهم

معاهم على هذا الموضوع قلت له : هذا شيء سهل ويقرره أي مدير صيانة بس الشرهة على

اللي يشتري منهم مره ثانية اي سيارة !!

على فكره الاختلافات اللي لاحظتها عن اكوردنا

يوجد لديهم نافيجيتشن + تسخين مراتب+ زر في الدركسون ماعرفت وش له واظن انه

بريك مؤقت . والكشافات طلبية زينا + ولقيت عندهم نوعين من الاجنحة جناح كبير

وجناح صغير وصراحة جاي حلو على الخلفية وخصوصا الصغير.

هذا مالدي مبدئيا وانا تحت الطلب

سي يو

هذا زر الاوامر الصوتيه للنافيجيتشن

439.23 كم تساوي بالدولار الامريكي ؟

و معليش ابلشتك سؤال اخير اذا تعرف جوابه .. مقياس الحراره الاكسسوار
عندهم بالمئوي و لا بالفهرنهايت ؟

و يعطيك العافيه

المشاركة الأصلية كتبت بواسطة accord 06

439.23 كم تساوي بالدولار الامريكي ؟

355.9977 دولار

المشاركة الأصلية كتبت بواسطة 922

355.9977 دولار

يعطيك العافيه

حسبت التكلفه واصل للرياض

تقريبا 1650 - 1700 ريال

السلام عليكم
من طول الغيبات جاب الغنايم .. مشكور اخوي تركي وماقصرت على جهودك واذا كان السعر مثل ماقال اخوي accord 06 واصل للرياض فانا اول واحد راح يطلبه
ومن ناحية التنسيق مع مدير الصيانة فلا تخافون انا راح اتفق مع مدير الصيانة واخليه بحكم معرفته السابقة للموضوع يكلم مدير قطع الغيار علشان نقدر نطلبه .. بس المشكلة مااتوقع يوصلنا بهذا السعر اللي قاله اخوي accord 06 لاني اتوقع لازم ياخذون فوائد (الوكالة) واذا كان كذا فمالنا الا نطلبه من كندا بشكل مباشر ونشحنه للسعودية .. بس المشكلة اننا مانعرف موقع على النت يبيع الطبلون بشكل مباشر .. اخوي تركي لو تجيب رقم القطعة تسوي خير والله او تدبر لنا من اللي رقمك موقع يبيع الطبلون بشكل مباشر يعني نقدر نطلبه منه مثله مثل مواقع قطع الغيار الامريكية .. وتحياتي وتقديري لك على جهودك في الموضوع وصراحة انت سببت تقدم ملموس للموضوع والله يسهل باقي الخطوات والله يعطيك العافية

اخوي accord 06 اسمح لي اجاوب عن اخوي تركي .. نعم مقياس الحرارة الاكسسوار بالمئوي وانا متأكد

اشكر جميع من شارك وساهم بالموضوع من قريب او من بعيد واقول لكم الله يعطيكم العافية وان شاء الله كل اللي مهتمين بالموضوع يوصلهم الطبلون باسرع وقت ممكن

تحياتي وتقديري للجميع

اهلين
كيفكم اخوان
والله ماقد شفت منتدى زيكم
ماشاء الله عليكم
تتعبون من جد

ماقصرتواا

وترانا معاكم لاتنسوننا <<< معاه 2006 فل 4 سلندر


خويي معاه 6 سلندر فيها مقياس حراره خارجيه ؟؟؟


بالتوفيق للجميع

يعطيكم العافية على مجهودكم

اهلاً بالشباب

اخوي الاخطبوط بالنسبة للميزات الأخرى الموجودة بالطبلون الكندي في اعتقادي الكبير انها ماراح تكون شغالة عندنا والله أعلم

هلا والله نكووووووووودي والله لك وحشة صدقني وماراح ننساك أبداً ستظل متميزاً بمشاركاتك الجميلة وروحك المرحة فأهلاً بعودتك حبيبي .. على فكرة طبلونك عندي متى مابغيت اجيبه لك لايردك الا الجوال وانا اجيبه لك لو بغيت في الشرقية

وعقبال مانطلب كلنا الطبلون الكندي .. ياليت اخوي تركي التركي تشوف لنا طريقة نقدر نطلبه فيها لأني من يومين أكلم مدير الصيانة وهو الله يهديه معطيني أشكل مرة مارد علي ومرة عطاني No والى الحين مايرد مدري وش سالفته .. الله يستر لاتكون هذي بداية التهرب من تحقيق مطالبنا

وأشكر جميع من شارك بالموضوع فنياً ومعنوياً ومادياً وعلمياً
وتحياتي وتقديري للجميع

ياشباب فيه موقع لقيته في النت يمكن يساعدنا .. الموقع وظيفته : المساعدة على ايجاد اي قطع غيار جديدة او مستعملة في امريكا او كندا وانت في مكانك جالس تطقطق على الكيبورد واول شي تسويه تعبي نموذج طلب استعلام عن قطع غيار وتمشي بالخطوات حبة حبة بس فيه مشكلة وحدة :( انه يبغى له 6 دولار اذا بغيت ردهم على طلبك يكون خلال 24 ساعة او 3 دولار اذا كنت مو مستعجل وبيردون عليك خلال 3 ايام .. انا كنت فرحان بالموقع اول ماحصلته لكني تحطمت بعد ماعبيت الطلب ومشيت بالخطوات ويوم جت اخر خطوة وانصدم بمنظر الفيزا والماستر كارد قدامي :( وطبعاً المشكلة مو بالفلوس المشكلة ان ماعندي لا فيزا ولا ماستر كارد :( على العموم ياشباب انا راح احط الموقع واللي يقدر يفيدنا ويحاول فيه الله يجزاه خير وبندعي له ليل نهار واذا بغيتوا تستفسرون عن الطبلون الكندي اكتبوا هذي المعلومات
METER COMPONENTS (NS) FOR HONDA ACCORD 2005 L4 EX-L
(CANADIAN MODEL)
والموديل غيره على كيفك .. اتمنى احد يقدر يفيدنا
وهذا هو الموقع
http://www.partrequest.com

السلام عليكم ورحمة الله وبركاته
هذا اول موضوع لي هنا بالمنتدى وان شاء الله انه ليس الاخير.

لم استطع قراءة كامل الموضوع وذلك لكثرة الاجابات فيه ولكن على حسب خبرتي المتواضعه فإن ال Airbag ينطلق في حالة الاصطدام الشديد ويستطيع جهاز الحاسب التعرف على قوة الصدمة من خلال قوة شد حزام الامان (عند وقوع حادث لاسمح الله) .

وشكرا

اخوي Accord 2.0.0.5 حياك الله معنا وان شاء الله انك بتفيد وبتستفيد ان شاء الله
اخوي موضوعنا ماله دخل نهائياً بالـ Airbag موضوعنا كله باين من عنوانه وهو يتكلم عن درجة الحرارة الخارجية اللي للأسف نفتقدها بالأكورد 4 سلندر بكافة فئاتها ولذلك طرح هذا الموضوع واذا كنت رايق ارجع اقرأ الموضوع من اول وصدقني راح تحصل معلومات طيبة عن هالموضوع وغيره

بانتظار الشباب وآرائهم حول الموقع اللي حطيته لكم

تحياتي وتقديري للجميع

خخخخخخخخخخخخخخخخخ

والله من زين الجو

:d

الحمدلله حطو مكيف ( ابو ريحه ) هههههههههههههههههههااي

يالله ياشباب...

الهمة الهمة

تراني متحمس جدا لرؤية درجة الحرارة في الاكورد الجديد اللي راح اشتريها

طبعا انا راح اشتري لي 4 سلندر فل ابشن

الهمة الهمة

وراكم هجدتوا .. ؟؟؟؟؟

ابي اشوف اخرتها انا
لان عندي اكورد فل ومنقهر مافيها درجة حراره مع ان المكسيما فيها

حتى اذا مو فل

السلام عليكم ورحمة الله وبركاته
الله يجزاكم خير أحب اقول وسامحوني على كلامي
أنكم تتعبون نفسكم مع حساس الحرارة هذا لكن محاولة جيدة لتركيبه
أكثر ما أععجبني وأبحث عنه دائما هو معرفة كيفية الحصول على ملفات من نوع أكروبات بها طريقة تركيب أي قطعه داخل أو خارج السيارة لأنها تجعلني واثقاً من نفسي على القدرة من تركيبها ومثال على ذلك أول ما اشتريت سيارتي 2003 أكورد أردت تركيب مسجل حيث مشغل الأسطوانات يعمل بكفاءة لكن في تلك الفترة لاتوجد تسجيلات اسلامية من قرآن ومحاضرات وأناشيد مسجلة على أسطوانات بالكاد تجدها وقمت بالبحث عن مسجلات من نوع سوني أو بايونير أو أي شركة قوية في مجال الصوتيات ولم أفلح في الحصول على واحد فاضطررت لشراء المسجل من الوكالة حسبي الله عليهم كلفني 1400ريال وزيادة ولما أردت تركيبه قالوا أجرة تركيب 400ريال حسبي الله عليهم ما تعاقب الليل والنهار فضاقت بي الأرض بعد محاولة مضنية معهم لتخفيض المبلغ وبعدها قدر الله لي أن أجد ملف تركيب المسجل وأجهزة صوتيات آخرى كالراديوا الفضائي ومشغل الامبي ثري واستعنت بالله وطبعته على ورق ثم بدأت بتركيب المسجل وكل ما كان ينقصني فعلاً هو بعض العدة التي لم تكن متوفرة لي آنذاك ولو كانت لما استغرق تركيب المسجل معي ساعتين تقريبا لأني استخدمت عدة حقيبة عدة السيارة والحمد لله تم تركيبه ولكن لأن نظام الشركة هنا (((((أذل الناس يتبعوك)))) منعتنا من الحصول على مانريد من المواصفات عند شراء السيارة لأول مرة كما يحدث في الخارج تبني السياراة بالمواصفات التي تريد وبأسعار حتى ولو غلت والحمدلله على كل حال أبناء عبداللطيف جميل وابناء عبدالله هاشم وغيرهم من الوكلاء لا يخافون الله فينا ويجبروننا على شراء ما لا نريد ومانريده لا يسمحون أو يوفرونه لنا وحسبي الله ونعم الوكيل فيهم والله عانيت معهم في قطع قيمتها أضعاف مضاعفه ولتعلموا مرة تعطل محرك زجاج السائق وطلبت تغييره في الوكالة فقالوا بألف ريال يكلفك __لا إله إلا الله__قوة نصب وجبروت وهو في نظري لا يساوي إذا بلغ به الحال أوجه سوى 500 ريال حتى وأن تقديري له غالي جداً المهم سألت مهندس ميكانيكا في الخوطو السعودية كان لديه ورشة يعمل بها بنفسه فبحث فوجد لي في التشليح الباب كاملا بمحتوياته كلفته 1000 ريال يا أخوان والرجل ثقة فبالله عليكم هل تريدون أن اقتنع بعروض وكلاء السيارات لدينا لا والله غالبهم الكذب ظاهرم الصدق وباطنهم الظلم والاستبداد..
سامحوني على الإطالة وهذا ما أحببت توضيحه أما بشأن حساس الحرارة تجدونه على هذا الرابط ولكن يحتاج إلى طلبه من الولايات الأمريكية المتناحلة
Majestic Honda - The Internet's #1 Honda Automotive Parts Store

مشكوووووور أخوي ابو البراء على هذي المعلوومات ويعطيك ربي الف عافية

السلام عليكم ورحمة الله وبركاته
العفو يا أخي وحش أكس
والسلام عليكم ورحمة الله وبركاته