اخواني هذي صورة الحساس وموقعه واي احد معه اكورد 4 سلندر فل اوبشن او 6 سلندر راح يحصل الحساس عنده وهو نفسه حساس درجة الحرارة الخارجية والدليل انه مو حساس الايرباق انه مو موجود بالفئة السياحية مع وجود ايرباق فيها
السهم الاحمر يشير إلى الحساس الذي يقع خلف لوحة السيارة الامامية
وهذي صورة مقربة له
واعذروني على رداءة الصور لأنها تصوير جوال
تحياتي وتقديري للجميع
(على فكرة الحساس هذا مصوره من سيارتي عشان تتاكد بس اني عارف مكانه بضبط)
نجي للزبدة
شوف اخوي M.A.M قبل كل شي انا ماصنعت السيارة ولا كنت مع المهندسين يوم صمموهاولا قد فكيت هالحساس أو تتبعت اسلاكه يعني كل اللي حقولك اياه اجتهاد من عندي وممكن يكون صح وممكن يكون غلط :p
اللي اعرفة ومتاكد منه ان هالحساس خاص بلايرباق ووظيفته تحديد قوة الصدمة عشان الباشا ( اللي هو الكمبيوتر ) يقدر يحدد وعلى رواقه قوة الصدمة وهل الصدمه تحتاج ان الايرباق يطلع أو مايطلع :d
على كل حال اخوي M.A.M انا دخلت على الرابط في ردك الاخير ولقيت فعلن ان هالحساس لقياس درجة الحرارة الخارجية( بس مو شرط لان المواصفات الخليجية قد تختلف عن المواصفات العالمية ;) )
بس السؤال الان ولجميع الاعضاء وبتحديد المهندس NEO FOX والمهندس ACCORD 06 هل الحساس هذا خاص فقط بدرجة الحرارة أو انه قد يكون حساسين في حساس واحد يعني انه للايرباق ولدرجة الحرارة في آن واحد
انا عن نفسي بحاول ارجع لكتاب شامل لكل صغيرة وكبيرة في الاكورد وانتوا حاولوا وان شاء الله نتوصل لنتيجة
لانه مو معقوله ياشباب ان شركة هوندا بتحط حساس في سياراتها ومابتشغلة ;)
هذا اللي عندي والله اعلم :o
التعديل الأخير تم بواسطة اتــشـــــ ; 17-09-2006 الساعة 10:04 PM
اكورد السياحي 2003 فيها ايرباق للراكب
يعني الموديلات اللي بعدها اكيد فيها
معاكم خطوه بخطوه >> نتمنى نوصل لحل
الاخطبوط كان هنا
ياشباب هذي مشكلة الكلام باللهجة العامية اغلبكم فهم اني اقصد ان الحساس موجود بالسياحي والفل وانا اقصد ان الايرباق موجود بالسياحي وبالفل ومع ذلك الحساس لايوجد الا بالفل اوبشن 4 سلندر وبال 6 سلندر يعني السياحي مافيها هالحساس وهذا يدل على صحة كلامي ان الحساس هذا مو للايرباق لان السياحي فيها ايرباق ومع ذلك مافيها هالحساس وموجود بالفل اوبشن 4 سلندر وبال 6 سلندر .. فهمتوا قصدي ولا ؟؟
واعرف واحد معه اكورد 6 سلندر صدم وانكسر عليه هالحساس وطلبه من الوكالة وجلسوا شهر ماوفروه له وطلبوه من اليابان واشتراه ب 100 ريال وكان هو حساس درجة الحرارة الخارجية
اتمنى تكون وصلت المعلومة اللي صار فيها لبس كثير عند بعضكم
تحياتي وتقديري للجميع
المشاركة الأصلية كتبت بواسطة M.A.M
ياشباب انا الشخص المقصود بالكلام اعلاة انا عندي اكورد سته سلندر والحساس اللي خلف اللوحة هو حساس درجة الحرارة الخارجية وسبق وان حصل لي حادث قوي بسيارتي وانكسر الحساس والوكالة طلبوه لي من اليابان وخلال شهر وصل وكان قيمته 100 ريال وركبته واشتغل علطول
انا ممكن اساعدكم اني اذا رجعت من بريطانيا بعد شهرين اطلع معكم لأي ورشة يشيكون لكم التسليكة كاملة وهذا كله خدمه مني لأعضاء هل منتدى والحساس انا أأكد لكم انه للحرارة وليس للإيرباق من خلال تجربه
اخوكم
عبدالله
خلاص خلي الايرباق على جنب مالنا شغل فيه
الان حساس درجة الحرارة ولقيناه موجود
السؤال يقول هل هو موصل بالاسلاك والى اين يصل التسليك ان وجدت؟؟
الاخطبوط كان هنا
اخوي اتش اذا ممكن ابيك تعطيني معلومات عن هالكتاب و من وين اقدر اشتريه ؟
اخوي ACCORD O6 واخوي العزيز M.A.M الكتاب اللي اتكلم عنه موجود عند محلات قطع غيار الهوندا ;)
طبعآ الكتاب هذا مااعتقد انه ينباع لان الوكاله تصرفه كل سنه لاصحاب المحلات مع نزول الموديلات الجديدة .
فيه واحد من الشباب عنده محل لقطع هوندا ويعتبر موزع معتمد لعبدالله هاشم ان شاء الله اقابله في هاليومين وبكلمة اذا يقدر يطلبلي واحد من الوكالة حتى لو كان بفلوس .
صراحة الكتلوج واضح وقوي وفيه مرسوم كل قطعه تم تركيبها في السياره وبلأسم والرقم .
التعديل الأخير تم بواسطة اتــشـــــ ; 19-09-2006 الساعة 02:18 AM
اخوي اتش و الله حلو هالكتاب
لكن شف ما يحتاج يكلم الوكاله ان كان عنده واحد زايد و لا ما يحتاج
ما فيه داعي تحرج نفسك معه
اخوي M.A.M انا شايف الكتاب اللي تتكلم عنه من فتره و ودي اطلبه
لكن سعره غالي و اخاف انه ما يستاهل .
1500 صفحه
Honda Service Manual - 2006 4cylinder
Genuine Honda Accord service manual. The same service manual that the technicians at Honda dealerships use. If you save 1 hour of shop labor by using the manual it will have paid for itself.
نفس الكتاب اللي يستخدمه مهندسي هوندا في الوكالات
و السعر 78 دولار = 292 ريال
و مع الشحن بيكلف تقريبا 400 ريال
http://www.handa-accessories.com/accmaint06.html
لا عادي اخوي اتش مافيه شي يستاهل الزعل
وبالنسبة للكتاب اللي يسأل عنه accord 06 انا ايضاً اتلهف على كتاب مثل هذا الكتاب وان كان مثل الكتاب او الكاتالوج الموجود لدى قسم الصيانة بالوكالة فهذا سيحل كل المشاكل وانا اتذكر انه يباع على الانترنت في بعض المواقع بس دورته ومالقيته لاني مااعرف الاسم الصحيح له علشان ابحث زين عنه
فياليت اخوي اتش او اي احد من الاخوان عنده مثل هالاشياء المفيدة ان ينشرها بين الاعضاء لتعم المعرفة بينهم ويتعاونون في حل المشكلة
وصراحة انا دخلت منتديات اجنبية كثير وعرفت سبب تطورهم .. تخيلوا حتى الملفات المرفقة في منتدياتهم ماتحتاج تسجيل .. ياليت نوصل لمستوى المنتديات الاجنبية وان شاء الله اننا بنقدر نوصل بوجود الاعضاء الفاعلين والمميزين
تحياتي وتقديري للجميع
8
8
8
بإذن الله نصل بوجود أعضاء مثلكم
الحمد لله في منتدياتنا يستطيع الزائر عمل كل شيء وكأنه عضو ماعدا إضافة المشاركات!
يحق له أيضاً إضافة مشاركات في قسم الاقتراحات.
اخوي accord 06 انا مستعد اشتري هالكتاب بس ابشتري 2005 لكن من اللي يقدر يطلبه لي
لاني صراحة ماعمري طلبت من النت ولا عندي فيزا او ماستر كارد
صدقوني هذا الكتاب حتى لو كنت ماتدري وش الطبخة يعلمك كل شي وماادري اذا كان هو نفسه اللي يتكلم عنه اخوي اتش ولا غيره !!
اخوي M.a.m الكتاب موحد لكل موديلات الشكل الاخير 2003 - 2007
و لو تلاحظ مكتوبه الموديلات بالصوره
و يا ليت تشيك على الخاص
لقيت سعر ارخص
لقيته ب 48 دولار = 180
تتوقع اخوي accord 06 بكم يكلف مع الشحن !!
http://cgi.ebay.com/ebaymotors/2003-...WDVWQQtcZphoto
وياليت اخوي اتش يقول لنا اذا كان الكتاب الموجود نفس اللي بالرابط .. مع اني مااعتقد انه نفسه لانه موجود عند قطع الغيار واعتقد هذا خاص بالقطع ولا يختص بتفاصيل التركيب مثل الكتاب اللي موجود بالرابط
تحياتي وتقديري للجميع
اخوي m.a.m الكتاب اللي قلتلك عليه يختلف اختلاف كلي عن هالكتاب لا ن الكتاب الاول مختص بالقطع والكتاب الثاني مختص بالصيانة والاعطال .
عمومآ الكتابين كلها جيدة بس اللي قالك عليه اخوي accord 06 اتوقع انه افضل بكثير من الكتاب الاول لانه مختص في اصلاح الاعطال الميكانيكية والكهربائية .
هذا والله اعلم
اخوي M.A.M هذا حراج
يزايدون على البضاعه لمده معينه و يباع لصاحب آخر سومه
هنا الكتاب بدا الحراج ( starting bid ) من 48 $ و انباع لآخر واحد بـ 76 $
يعني تقريبا ما فيه فرق
المهم
في ملف الاكروبات اللي فيه طريقة التركيب
طبعا اول شي ذكر القطع المطلوبه
اغلبها وايرات او ليبل لكن فيه قطعه اللي هي وحدة التحكم Control Unit
هل لو قدرت اجيبها من التشليح او اي مكان اخر راح يشتغل المقياس وهل هو اللي يتحكم بالعرض يكون مئوي او فهرنهايت
او كمبيوتر السياره هو اللي يتحكم؟؟
الاخطبوط كان هنا
اخواني الشهر عليكم مبارك وكل عام وانتم بخير ان شاء الله
اعتقد اهم شي في الموضوع اننا نتتبع توصيل الحساس وين رايح وهذي اول خطوة نحو الحل ان شاء الله واي واحد يعرف كهربائي كويس يروح له ويقول له السالفة علشان يتتبع توصيل سلك الحساس وين رايح بالضبط
تحياتي وتقديري للجميع
السلام عليكم
والله اشوف المنتدى هاجد هالايام
على العموم فيه تطور بموضوعنا .. رحت اليوم لورشة فيها فلبيني فاهم وقلت له السالفة وقال لي يبغى له برمجة واللي يسوي البرمجة الوكالة وممكن فيه ورش ثانية تسويها .. واسم المسؤول عن البرمجة في وكالة هوندا فرع الخالدية(غبيرة) ادي وهو فلبيني .. فياليت لو نحاول نشبك ادي ولا على الاقل نقول له يدلنا على احد عنده برمجة للهوندا
تحياتي وتقديري للجميع
هذا رد قديم لي سبق وفهمت فلبيني فاهم السالفة وقال لي انها برمجة وقال انها سهلة تروح للوكالة ويسوون لك برمجة للطبلون ويقول ان اللي يسويها اسمه إدي .. بس المشكلة هل راح نحصل المبرمج عند احد غير الوكالة لان الوكالة مااتوقع انها بتعطينا وجه ولا كان انحلت مشكلتنا من زمانالسلام عليكم
والله اشوف المنتدى هاجد هالايام
على العموم فيه تطور بموضوعنا .. رحت اليوم لورشة فيها فلبيني فاهم وقلت له السالفة وقال لي يبغى له برمجة واللي يسوي البرمجة الوكالة وممكن فيه ورش ثانية تسويها .. واسم المسؤول عن البرمجة في وكالة هوندا فرع الخالدية(غبيرة) ادي وهو فلبيني .. فياليت لو نحاول نشبك ادي ولا على الاقل نقول له يدلنا على احد عنده برمجة للهوندا
تحياتي وتقديري للجميع
على فكرة ياشباب تصدقون لو خطاف ماطلعه اتوقع نكون عرفنا السالفة من زمان
على العموم انا راح اروح للجابري وارد لكم خبر ان شاء الله باللي يصير واللي يعرف احد عنده مبرمج الطبلون للهوندا يعلمنا عنه تكفون .. ويعطيكم العافية ياشباب
تحياتي وتقديري للجميع
اعزموة بوجبة كنتاكي يخر كل شي ابو فلب وقلة تراة هوت شيكن يخق:d
هههههههههههههههههههههههههههههههههه
نعزمه ياشيخ في اي مكان يبيه ان بغى في الفلبين
بس خله يعلمنا وش السالفة لانه (Eddie ) هو المسؤول عن برمجة الكمبيوتر في وكالة عبدالله هاشم فرع الخالدية (غبيرة)
انا رحت لفلبيني فاهم وعلمته السالفة وقال شغلك كله عند Eddie يقصد خوينا راعي كنتاكي
يعني بالمختصر المفيد الشغلة اعتقد والعلم عند الله انها في الطبلون يبغى له برمجة لانه الكتروني وعلى كلام الفلبيني اللي رحت له يقول Eddie يسويها بالراحة لذلك يبغى لنا نعزم Eddie في كنتاكي ولا ندور طريقة نشبكه فيها
او ندور بديل لـ Eddie يكون عارف بشغلة برمجة الطبلون الالكتروني
اتمنى نقدر نوصل لحل مثل ماوصل اخوي accord 06 وبتعاون كبير من NEO FOX من تركيب التحكم بالصوت عن طريق الدركسون وعقبال مقياس درجة الحرارة الخارجية
تحياتي وتقديري لمبدعين المنتدى accord 06 و NEO FOX
تحياتي وتقديري للجميع
أخوي M.A.M أنا ما أفهم في الإلكترونيات ....
لكني قرأت في أحد المواضيع في هذا المنتدى التالي :
و الكلام موجود في هذي الوصلة : http://www.hondaarabia.com/club/showthread.php?p=15134#post15134
أتمنى يكون فيه فائدة لكم .... و ياااااااا ربي يوفقكم ...
و أعتقد إن سيارة أخونا خطاف سياحي ... !!!
تسلم لي والله يا Blk ومشكور وماقصرت
والله هذي صراحة حاجة جديدة جداً واتمنى من الاخ خطاف يشارك معنا في هذا الموضوع ونتعاون الى ان نصل الى حل .. اذا كانت السالفة بالفيوز فاتوقع ان الشغلة بسيطة مرة وخصوصاً في الفل 4 سلندر لان فيها حساس .. يعني اذا طلع في الطبلون مثل حالة اخونا خطاف اتوقع انه راح يشتغل لان الحساس موجود .. ان شاء الله يشارك معنا اخونا خطاف ونشوف وش السالفة
تحياتي وتقديري لك اخوي Blk وان شاء الله نفرح في مقياس الحرارة كلنا
تحياتي وتقديري للجميع
خطاف BLK
يا ليت اخوي خطاف تقول لنا وش سويت بالضبط ؟
اول شي هي الفيوز اللي بالكبوت و لا اللي داخل السياره؟
مجرد شيكت على الفيوز و رجعتها لنفس اماكنها ؟
او اضفت فيوز في مكان فاضي ؟
و اذا ممكن صوره لصندوق الفيوز عشان نشوف وش الاختلاف
و بالمناسبه اخوي M.A.M
امس حاولت ادور شي يفيد بالموضوع
تتبعت سلك الحساس لقيته يدخل للمقصوره
فكيت الغطا اللي تحت الدركسون عشان اشوف اذا فيه
control unit مثل الاكسسوار لكن للاسف ما لقيته
بس فيه شي لاحظته انه كل الافياش اللي مفروض تشبكها
اذا ركبت الاكسسوار لقيتها مشبكه
و ما فيه اي فيش فاضي
ان شاء الله تكون الشغله سهله
ضوابط المشاركة
رد مع اقتباس
مواقع النشر (المفضلة)