سلاااااااااااااااااااااااااااااااااام
الف الف مبروك ياشباب على الاكتشاف
الله يعطيكم العافيه ويقويكم ياللي شاركتوا بالموضوع
طبعا انا كنت متابع فقط لاني ماعرف بالشغلات هذي:(
ولد العرب انت اللي كنت لابس بدله وشعرك منفوووووووش؟؟؟؟:d
<<<<ملقووووف
هههههههههههه صدناك هههههههههههههههههه
التعديل الأخير تم بواسطة شرقاوي ; 07-02-2007 الساعة 02:28 AM
السلام عليكم
كيف حالكم ياشباب
ياشباب انا الحين عندي الطبلون اللي سوا عليه التجربة نكوودي واحب اشكره على كرمه وطيب اخلاقه لانه عطاني الطبلون اجرب عليه واشوف وضعه لين نحصل حل للمشكلة
الله يعطيك الف عافية يا نكوووودي وان شاء الله قريب راح نشوف حل لاني ابودي الطبلون لفني الكترونيات خبير وعسى الله يكتب اللي فيه الخير والتفاصيل ان شاء الله راح توصلكم هنا
تحياتي وتقديري للجميع
ابد يااخوي؟؟؟؟ ;) (M.A.M)
ماسويت الا الواجب وبعدين واهم شي نثبت للعالم انه فيه ناس تفكر هنا <<< ايه طيب مصدق نفسه :d
وبعدين كلي فداك انت تأمر بس :o
بانتظارك اخوي M.A.M
و يعطيك الف عافيه يا نكد
اخوي M.A.M تعرف كهربائي عنده HDS بالرياض ؟
ودي اشوف اذا ممكن عن طريقه تأخير رنة جرس السرعه الى سرعه اعلى من 120
اعرف واحد سواها بسياره غير الاكورد
الله يعطيك العافية يا نكووودي وتسلم لي والله حبيبي وفداك اللاش(كلمة يقولونها الكويتيين) الظاهر انها فداك اللاش كانها غلط علي مشوها ومايامر عليك عدو حبيبي
والله يا اخوي accord 06 ياليتني اعرف .. الله يستر بعد الوكالة مايكون عندهم تراهم يسوونها لكن على مااعتقد صالح الجابري (الكترونيات سيارات) اذكر انه مرة قال لي جهاز فحص الهوندا عطلان عندي الحين تعال لي بعدين وماادري اذا كان يقصد ال HDS !!
وانا اتوقع اللي تعرفه ومسويها بغير الاكورد اتوقع انها لومينا ولا كابرس لان فيه ورش واجد تعدل عليها وتغير في برمجتها .. طيب هل تتوقع في ظل وجود ال HDS هل ظنك نقدر نسوي هالحركة ؟
ياشباب اليوم فكيت الطبلونين حقت ال V6 وال4 سلندر بس المشكلة اني مافكيتها الا من جهة وحدة وهي الجهة الخلفية للوح الالكتروني واللي ماتبين شي :( وحاولت افكه وماعرفت وخفت اخرب شي .. على العموم من الجهة الخلفية مافيه اختلاف لكن اتوقع العلم كله في الجهة الامامية لانها هي اللي فيها كل شي وان شاء الله باقرب فرصة راح اخذ الطبلونين لصالح الجابري وعساه يعطيني وجه
تحياتي وتقديري للجميع
لا و الله الرجال معه بيجو
و الوكاله سوتها له مجانا << الله لنا :(
الحين الجرس عنده ما يشتغل الا بعد الـ 160
السلام عليكم ورحمة الله
اكتشفت الحل !!
المشكلة ليست الكترونية يعني لادايود ولا غيره
طريقة اظهار مؤشر الحرارة في اكورد 4 سلندر فل كامل كالتالى ..
اولاً نحتاج لجهاز مبرمج للطبلون
يقوم هذا الجهاز برفع فلاشة "زي الرسيفرات" الى فلاش الطبلون معدلة حسب ماتحتاج او تخزن من الطبلون له
تقدر تغير عداد المسافة وتقدر تعدل من ميل للكيلو والعكس وتقدر تعدل الخصائص لاظهار ولحجب المعلومات
المبرمج 100 % موجود لدى الوكالة يمكن مايدرون عن التعديلات لانها بالاصل تكون من المصنع وليست
من ضمن الاصلاحات والصيانة
تحياتي
محمد
هذا رد قديم لي سبق وفهمت فلبيني فاهم السالفة وقال لي انها برمجة وقال انها سهلة تروح للوكالة ويسوون لك برمجة للطبلون ويقول ان اللي يسويها اسمه إدي .. بس المشكلة هل راح نحصل المبرمج عند احد غير الوكالة لان الوكالة مااتوقع انها بتعطينا وجه ولا كان انحلت مشكلتنا من زمان
على فكرة ياشباب تصدقون لو خطاف ماطلعه اتوقع نكون عرفنا السالفة من زمان بس هو الله يصلحه خربطنا ومعد شفناه
على العموم انا راح اروح للجابري وارد لكم خبر ان شاء الله باللي يصير واللي يعرف احد عنده مبرمج الطبلون للهوندا يعلمنا عنه تكفون .. ويعطيكم العافية ياشباب
تحياتي وتقديري للجميع
سألت من لديه الخبرة فقال: أن هناك كمبيوتر خاص بالعدادات وهو يختلف بين الستة سلندر والأربعة، قال أيضاً أن الوكالة لاتعمل تعديلات على السيارة (يعني يبقونها شد بلدها)، يعني لازم تشوفو لكم حل خارج الوكالة..
الله يعطيك العافية اخوي Honda وكنت متوقع انهم ماراح يرغبون في اي تعديل او يعطونا تفاصيل لانهم معارضين الفكرة تماماً .. انا صراحة ماادري لكن اذا كان كذا ليش تطلع درجة الحرارة بمجرد تركيب طبلون V6 بدون المساس بالكمبيوتر الخاص بالعدادات ؟
الجواب واحد من اثنين :
1- كلام اللي سألته اخوي Honda غلط والدليل انه اشتغل على ال4 سلندر بمجرد تركيب طبلون V6 عليها
2- كلامه يكون صحيح وذلك في حالة ان الكمبيوتر الخاص بالعدادات مدمج مع الطبلون نفسه
ومشكور على جهودك اخوي Honda وياليت لو تقدر تخليه يريحنا ويعطينا الزبدة لو كنت تعرفه
وبانتظار اي اقتراحات أو آراء اخرى
تحياتي وتقديري للجميع
انا رح اسال المهندس المسؤول عندنا في الصيانة عن مشكلتم وانشاء الله رح نحلها
يعطيك الف عافية اخوي yasser1981m ومشكور وماقصرت وبانتظارك على احر من الجمر
انا اليوم ابروح للجابري وان شاء الله احصل ورشته وماتكون مسكرة اليوم وان شاء الله ارد لكم خبر
تحياتي وتقديري للجميع
السلام عليكم
ياشباب اليوم رحت للوكالة وقابلت إدي وكذبت عليه كذبة بيضاء وقلت له ان معي اكورد V6 وخرب الطبلون وغيرته بواحد من التشليح ولكن الحين صار الكيلو غلط ودرجة الحرارة الخارجية ماتطلع يمديكم على النصبة وقال اووه لازم جيب سوي كمبيوتر وشوف ايش مشكلة ممكن صلح بس بيني وبينكم مشكلة الكذب الحين تورطت وشلون اروح له وانا قايل ان معي V6 .. الظاهر مازلنا نحتاج V6 سواء ايجار ولا من احد نعرفه ناخذها ونركب عليها طبلون 4 سلندر ونلعب على الوكالة ونخليهم يبرمجون طبلون ال 4 سلندر ويطلعون مؤشر درجة الحرارة الخارجية وبعدين نقول لراعي ال V6 جزاك الله خير وعافاك الله .. بس مافيه امل نلقى اكورد V6 وماينفع اروح بسيارتي لانه بيعرف اني اكذب هذي نهاية الكذب .. وش رايكم وش اسوي ؟؟
وايضاَ رحت لصالح الجابري بس مالقيته نفسه وسألت اللي في الورشة وقالوا لي مانسويها ماعندنا الجهاز حق الهوندا طالبينه بس ماوصل .. الظاهر شغل تصريف لاني اذكر صالح الجابري نفسه يقول عطلان الظاهر او انه كان يصرفني بعد هو !! وقال لي اللي في الورشة فيه واحد اسمه باسل رح له ويمكن يفيدك ورحت له وايضاً مالقيته لقيت اخوه وقلت له السالفة وقال تعال السبت وان شاء الله ماتطلع الا وانت راضي وقلت لهم عندكم برمجة طبلون للهوندا وقال ايه .. وابشوف السبت وش يصير .. والله يكتب اللي فيه الخير
بانتظار اي اقتراحات او آراء أو تجارب
تحياتي وتقديري للجميع
M.A.M
اللــــــــــــــــــــــــــــــه يوفقـــــــــك حبيبي
كلــــــــــــنا معــــــــاكم
اللـــــــــــه لا يهيــــــــــــنكم
تمنيـــــــــــــاتي لكم بالتوفيق <<<< مســـــــــوي حاط اســــئلة امتحانات
تحيتي
اخوي M.A.M
مااعتقد بتنجح فكرة تركيب طبلون 4 سلندر على V6 لان طبلون الـ V6 موجود فيه اشارة (VSA)بس الاربعه مافيه وعلى كذا بيكفشونك وبيعرفون انه طبلون اربعه سلندر ;)
خيوووو نكودي 2006 فل اربعه فيه (vsa) :p
والله الظاهر انه قال السيارة كاملة .. ابروح بالطبلون له بس واجرب بس بعد مااروح للورشة اللي دلوني عليها واشوف وش عندهم .. المشكلة اني حددت موعد عند الوكالة الخميس الجاي علشان ليات الدركسون وعلشان كم حاجة عندي .. بس ماادري وش اسوي هل اخذ موعد ثاني واقول لهم ان السيارة في الورشة ومعي الطبلون وقالوا لي الورشة برمج الطبلون وهاته نركبه لك ولا وش اقول ؟
اللي يعرف اذا كان لازم تكون السيارة عندهم ولا يكفي الطبلون لحاله يعطينا خبر
وانا ماراح اقول ان الكيلوات فيها غلط علشان مايحتاجون الطبلون القديم وراح اقول المشكلة ان مؤشر الحرارة الخارجية اختفى وبس مع اني احس انه لازم السيارة بس ان شاء الله ماتكون ضرورية .. وياليت لو الورشة اللي ابروح لها يشوفون لها حل ويريحونا من الوكالة ومن طرق التحايل عليها .
اللي عنده اقتراحات لايبخل علينا
تحياتي وتقديري للجميع
لاشكر على واجب، لكن الشخص الذي سألته أحد إداريي الصيانة لدى شركة هوندا هناومشكور على جهودك اخوي Honda وياليت لو تقدر تخليه يريحنا ويعطينا الزبدة لو كنت تعرفه
السلام عليكم
كيف حال الشباب
عندي افتراح ياشباب ونبغى الادارة توصله بمعرفتها للوكيل عبدالله هاشم
الاقتراح : فتح المجال والسماح ببرمجة الطبلون بميزة مؤشر درجة الحرارة الخارجية وذلك مقابل سعر معقول وصدقوني لو اعلن عنها عبدالله هاشم او بلغ عملاءه فيها راح ينكبون عليه العالم وراح تكون مربحة له خصوصاً ان الموديل 2008 راح تتغير الاكورد يعني المفروض خلاص مايخاف على مبيعات ال V6 ويستغل الفرصة لتلهف الشباب على هذه الميزة خصوصاً لو كانت من الوكالة لان الناس تثق في الوكالة وبكذا راح نكون مستفيدين وراح يكون عبدالله هاشم مستفيد ايضأ وايضاً ابغى اعرف وش ذنبنا اذا كنا مانبغى نشتري V6 ? معقولة نشتري V6 علشان هالميزة ليش ماوفرتوها لنا طيب في ال4 سلندر فل كامل مع ان سعرها وصل حول ال90000 ومع ذلك مافيها هالميزة اللي احسها صارت موجودة حتى بالسياكل .. اتمنى من الادارة ايصال هذا الاقتراح وايضاً ابغى رايكم في الاقتراح ياشباب
اليوم ياشباب رحت للورشة اللي قلت لكم عليها وصرفوني وقالوا تعال بكرة الصبح ورحت للجابري وصرفني وقال تعال بكرة الصبح علشان اقدر افهم السالفة واعلمك وش السالفة
المهم انا ضاق صدري وقلت خلني اروح لواحد من زمان سبق ورحت له وحسيت انه فاهم ورحت له وتبين لي فعلاً انه فاهم صراحة وعلمته السالفة وقال لي ابسويها لك واذا ضبطت خذت منك 400 ريال قلت له مهيب مشكلة بس انت خلها تضبط ومالك الا اللي يرضيك المهم الرجال خذ الطبلونين وبرمج طبلون ال 4 سلندر على طبلون ال V6 واختفى مؤشر الحرارة الخارجية والرجال بعدها تفاءل شوي وقال الحين تطمنت لانه ابسوي العكس وان شاء الله يطلع عندك المؤشر بس خل الزباين يروحون واتفرغ لك .. المهم راحوا الزباين وماقصر الرجال تفرغ لي وسوا العكس برمج طبلون ال V6 على طبلوني المهم طلعت درجة الحرارة الخارجية بس صار فيه مشكلة نكدت الموضوع كله :( والمشكلة طال عمركم ان لمبة ال ABS استمرت معلقة وبرضو الرجال قال لي اصبر خلني اسوي مقارنات بين البرمجة حقت ال V6 وال4 سلندر وجلس الرجال يسوي ويلخبط وصراحة انا كنت عنده وماشاء الله عليه انسان فاهم بس انا كان يتقطع قلبي لانه لازم اذا بغى يبرمج يشيل ال IC من مكانه ويركبه على جهاز ويبرمجه والسالفة صعبة وفيها قلق صراحة .. المهم حاول الرجال منا ومنا وسوا تعديل للبرمجة وكل ماضبط شي خرب شي ثاني يوم ضبط مؤشر الحرارة الخارجية ولعت ال ABS واذا طفت لمبة ال ABS طفى معها مؤشر الحرارة الخارجية المهم الرجال قال لي حاولنا فيها ماراح تضبط معك الا اذا استغنيت عن لمبة ال ABS لكن ماراح تدري لو خرب عليك ال ABS الا اذا فحصت كمبيوتر يعني اللمبة بيشيلها وبيخلي مؤشر الحرارة الخارجية طالع بس انا قلت له كانه ماراح يضبط الا بهالوضع مايحتاج انا ابغى كل شي اوكي .. المهم ابعطيكم الاستنتاجات والاقتراحات وانسب الحلول وان شاء الله تفيدكم
خلاصة الموضوع :
1- بامكانك تشغيل مؤشر الحرارة الخارجية ولكن ستظل لمبة ال ABS معلقة عندك وبامكانك فصلها لكن ماراح تعرف اذا خرب عليك ال ABS وطبعاً لازم تدبر لك طبلون V6 لانه هو الوحيد في السعودية اللي موجود فيه المؤشر ومبرمج جاهز علشان ينقل لك البيانات منه والافضل يكون نفس الموديل لان احتمال لو نفس الموديل ماراح تجيك المشكلة لاني انا استخدمت طبلون V6 موديل 2003 اللي ركبه ن ك د وحط الصور في الموضوع وطبلون سيارتي 2005 فيمكن هذا سبب مشكلة تعليق ال ABS او ان المشكلة لان برمجة الV6 بشكل عام تختلف عن برمجة ال4 سلندر ولذلك تظهر المشكلة
2- يوجد حل ممتاز وبسيط جداً وهذا الظاهر الحل اللي ابتوجه له وهو : شراء طبلون الاكورد EX-L ال4 سلندر من كندا لان كندا يتعاملون بالكيلو والمئوي مثلنا يعني وتسليكاته موجودة عندي وهي نفس اللي عندنا الا بشي بسيط وهو ال DRL وهذي خاصية مو موجودة عندنا ومعناها حتى لو ولعت اللمبة عادي نشيل اللمبة وحنا مرتاحين مو مثل سالفة ال ABS والظاهر بعد فيه مؤشر حق موية المساحات وهذا ايضاً مو عندنا وايضاً عادي لو تشيل اللمبة وبكذا يكون عندك طبلون مبرمج من المصنع وكل اللي عليك انك تشيل اللمبات اللي مالها وظيفة في الاكورد السعودية وتقدر تخليها منظر بعد اذا ولعت عليك بس بتواجه مشكلة ان الطبلون راح يكون اصفار يعني سيارتك كنها توها طالعة من المصنع وهذي تقدر تعدلها عند الوكالة او عند المحل اللي رحت له انا بس انا لاحظت ان المحل يفك ال IC والسالفة تعور القلب خصوصاً اذا كان موترك جديد وماتبغى تلعب فيه لذلك مالك الا الوكالة تضبط لك الكيلوات بس وش الخوف انهم يكشفونك ويمكن يروح ضمان ولا شي .. انا منيب مسؤول وايضاً تخاف انهم يبرمجونها على برمجة الاكورد الفل كامل 4 سلندر اللي عندنا وكذا راح يروح عليك المؤشر :( فما ادري وش رايكم ؟
3- تدور لك طبلون V6 في التشليح او تطلب لك واحد جديد من الوكالة ولازم يكون نفس الموديل وتركبه وتفصل اللمبات حقت ال ABS و ال TCS لكن ماراح تعرف اذا خرب عليك ال ABS الا بفحص كمبيوتر لانك راح تكون فاصل اللمبة وحتى لو كانت شغالة ماراح تعرف لانها معلقة
4- تدبر لك واسطة في الوكالة ويسوون لك برمجة لطبلونك هذا في حال توفر برمجة فيها مؤشر الحرارة الخارجية عند الوكالة مع اني مااظن راح يكون عندهم لان ماعندهم برمجة فيها المؤشر الا للاكورد الV6 وحتى لو كان عندهم مااتوقع راح يضبطونها لك الا بواسطة ولا تشوف لك اكورد V6وتركب طبلونك عليها وتقول للوكالة ان سيارتي V6 وكانت تطلع بس انها راحت فجأة !! .. او تشوف لك حركة او حيلة معينة
هذي ملاحظاتي ولاحظت ان اغلب الحلول فيها تضحيات لكن ارى من وجهة نظري ان انسب حل هو طلب طبلون الاكورد EX-L ال4 سلندر الكندية يعني طبلون كندي .. هذا الحل برأيي هو انسب حل .. بانتظار اراء الشباب
اسف على الاطالة
تحياتي وتقديري للجميع
حبيبي M.A.M
لحظه اجل انا ان شاء الله امر الوكاله هاليومين وبأحجر للفلبيني خويي واسأله عنها
لي رجعه انتظروني على قناة نادي محبي هوندا الساعه 9:30 مساءا بتوقيت منفوحه :d مع ن ك د البلشه<<< ( شاعر معروف ولد في عصر الجاهليه ):d
التعديل الأخير تم بواسطة ن ك د السـعــــوديه 3 5 7 ; 11-02-2007 الساعة 07:47 AM
مواقع النشر (المفضلة)