السلام عليكم

اجو مساعدتي

هذا الاسبوع وانا اقود سيارتي هوندا اكورد موديل 99 ... فجأة طفى المكيف يعني فصل الكمبرسر وصار يطلع هواء ولا يشبك علشان يطلع الهواء البارد ... المهم وديتها لكهربائي ... شيك على الغاز لقاه سليم وعلى الكمبرسر لقاه سليم ويشتغل اذا وصل سلك له من البطارية مباشره ... والاسلاك الامامية سليمه ...... المهم فك الطبلون ما ادري وش يدور اخيرا قالي عندك مشكله اكترونيه رح للوكاله احسن لك .............. ( طقتني الروعه ) تخبرون الوكاله ما تمزح



رحت للوكاله والحمد لله صار عندهم فحص مجاني ..( فرع القصيم ) .. اتصل علي الهندي بعد ما تركت السيارة عندهم ... وقالي بعد فحصها ... ان المشكله بالكمبيوتر عطلان ..!!!! واذا تبي تصلحه نطلبه لك من اليابان او الامارات لانه مش موجود عندنا بالسعودية ..:(:(

قلت كم قيمة قال ب4300 تقريبا

قلت لا لا تصلحه ... انا بصراحه ابي اعرف وش يخربه ..؟ وايضا هل ممكن برمجته .؟ يمكن ما يحتاج الا برمجه ؟

المشكله اننا بالقصيم مقطوعين من شجره حنا راعين الهوندات .. ما عندنا احد يعرف يصلح مواترنا ...( الله يذكرك بالخير يا ورشة الجنوب )

ارجو المساعده ... الله لايوريكم مكروه