السلام عليكم
شباب وش أفضل ورشة سمكرة في الصناعية الجديده بالرياض أو قريب منها
نزلت اليوم حصلت السياره مصدومه من الباب الخلفي ومادري من صدمها
يبيلها سمكره وبويه بالله اللي يعرف ما يقصر علينا بالرد
والتحيه للجميع
ما هي أفضل ورشة لسمكرة
السلام عليكم
شباب وش أفضل ورشة سمكرة في الصناعية الجديده بالرياض أو قريب منها
نزلت اليوم حصلت السياره مصدومه من الباب الخلفي ومادري من صدمها
يبيلها سمكره وبويه بالله اللي يعرف ما يقصر علينا بالرد
والتحيه للجميع
عشاااااااان نكون على صراحهـ وتبي موترك يطلع اوكيه
((الوكاله))
والحل الثاني فيه ورشه الوفاء بالصناعيه القديمه بالرياض صدقني شغل كويس
بس ياخذون وقت بس بيني وبينك شغل اوكيييييييييه اضمن لك ..
مشكور أخوي على الرد
مشكلة الوكاله السمكره فيها والبويه أسعارها مرتفعه جدا مقارنة بأحسن سمكره بره وأسأل مجرب
كنت بجده وصار معي حادث بسيط بس خرب البويه ويحتاج سمكره الوكاله سعرها أغلى من اللي سويت عنده سيارتي ثلاث أضعاف
علشان كذه ما أقرب الوكاله في السمكره لكن في الصيانه الوكاله وبس
ياريت لو تعرف ورشه بشمال الرياض ..
شباب فزعتكم وين الردود :o
عندك في صناعية الشفا ورشه اسمها الجرفين
<<<<شغلهم روووعه
المشاركة الأصلية كتبت بواسطة ـبطرانـ2005ــ
سمعت ان شغلهم روعه وغالي في نفس الوقت
فيه الوفاء شغل احسن من الوكله ومجرب في سيارت اخي بس غالين
ورشة الوفاء في الصناعية الجديده بعد الصافي
صلحت فيها هوندا حقت خالي ولكزس احد العيال والمرسيدس حقتي
مشكورين أخواني على الردود
أمس رحت الصناعيه الجديده وما حصلت ورشة الوفا !!
لو تكرمت وصف أوضح للمكان ( الصناعيه الجيده هي اللي على طريق العروبه غرب صح ) ؟
المعذره جديد على الرياض
السلام عليكم ورحمة الله وبركاته امابعد اخوي فيه ورشه في الشفاء ممتازه جدا اسمها الجرفيل عندهم جميع انواع السيارات شغلهم ماشاء الله مر عليهم اول بدون السياره وشف شغلهم بس عليهم زحمه يدققون في كل شي زي الوكاله انا جربتهم شخصيا والحمد لله علا سلامتك هذا اهم شي......
أخـوي Honda_dreamer
الأخوان يقصدون صناعية الدائري مخرج 18 ( ورشـة وفـاء ) واضحة ماتحتاج وصف ..
انـصحك تبـعد عن صنـاعية العـروبة للأسف مافيها ورش جـيدة .. الصناعية القديمة هي اللي عليها الكـلام
والله يعـينك على المـشوار من شمـال الريـاض ..
فيه ورشة بالصناعية القديمة بجانب ميزان اليرموك أســـمها : الوجدان
شغلهم ممتاز بس الاسعار غالي شوي بس اقل من الوفاء اللي يبالغ بالاسعار
في ورشه نسيت ايش اسمها لكن في موجوده في حي المروج على طريق الملك عبدالزيز تقاطع طرييق الجامعه
ورشه ممتازه شغل نظيف واسعارهم تعتبر غاليه شوي لكن يستاهل شغلهم هالسعر
ضوابط المشاركة
رد مع اقتباس
مواقع النشر (المفضلة)