أبغى أسوي ...... وعلومني كم تكلف لو سمحتوا ؟
باسم الله
السلام عليكم
كيف حالكم يا شباب .....
يا الربع انا قدر الله علي ونويت اعدل في أكوردي 2006 سبشل ( الوحشية ) اللون لؤلؤي
ولا أدري وش أسوي معي حوالي 3000 ريال سعودي فقط لا غير
حاط في بالي :
عدسات رياضية مكحلة ( سوداء )
كشافات + زنون بنفس لون الزنون اللي موجود عندي على الواطي ( الظاهر تسمونه ثلجي الي يجي أبيض ما فيها أزرق كثير)
بس ما اعرف رقم لون الزينون عشان أقول لراعي المحل نفس الرقم اذا فيه احد يعرف طريقة اعرف بها رقم الزينون يسعفنا علما اني شاري السيارة مستعملة ومركب فيها من صاحبها
جناح
هذا اللي طرا في بالي
اذا احد يعرف كم بتكلف يعلمنا لو سمح ؟
واذا فيه اقتراح ولا شي يقول بعد على الطريق
وشكرا مقدماً
أنا حاليا في الديره وان شاء الله اذا رحت للرياض باسوي الي بتقولون وبانزل صور للوحشية :d
باي + ثانكيوووو
عدسات رياضية مكحلة ( سوداء )والله ياخوي ما أنصحك فيها لأنها شكل بس
و إلا تبي تنور لك الخط ما حولك أحد الإنارة ضعيفة مره
و لو ركبتها لا زم تغير شمعات الزنون على مقاس الشمعات
اللي أنا جربت وصراحة رووعة أنوار اللوحات أنوار اللكزس GS2007
و تخخشيبة الطارة من محل الإبداع
و شوف محل الميل الثامن تغير الأنوار اللي داخل السيارة للون الأبيض
.
.
.
.
.
.
.
انصحك تغبي هالثلاث تلاف للإكتتابات :d
^^^^^^^^^^^^^^^^^^
ههههههههههههههههههههههههههههههه
ماسك على لهجة الاجداد اليوم
تغبي = تخفي = تزبن = توفر
تلاف = آلاف
:d
92.500 أ ئيده بقوووة .... الله يوفقه كلامه عين الصواب...
لكن..
اذاك ناوي فأنصحك تبدأبالفخامة يعني تخلي سيارتك من جوى مثل الفل!!!! كيف؟؟!!
أنا اقلك كيف .. بما ان سيارتك سبيشل ...ليش ماتركب لك مسجل 6 سيديات مكيف عادي ((فرار))؟؟
وليش ماتركب ازرار تحكم بالصوت ؟؟ وليش ماتركب زينون اصلي بيجيبه واحد من الشباب ..وبينزل موضوع هنا في المنتدى ولعلمك الزينون حق لكزس .. والفلوس الي معك بتجيبها بالراحة ...
وبعدييين فكر في خارجية السيارة ..
أنا مثلك سبيشل ...وانتظر عما قريب تشوف كيف بتصير ;) اذا ماخليت الي عندهم 6 سلندر يخقوون ..لا وبعد الي معاهم 6 سلندر امريكي بتشووف اخليهم يخقووون بعد :p.
اتمنى اني افدتك ،،،
الله يعطيكم العافية
ومشكورين على المرور
وان شاء الله
اذا رحت للرياض باشوف وش اسوي
وانزل صور
وثانكيووو
أخوي ركب عازل حراري أولا قبل كل شيء
حفاظا على السيارة و عشان الجو اللطيف في الصيف:d
تحياتي;)
أولا :شف الشكل الخارجي مثل جنوط الفل و لمبات الكزز و سو تلمع خارجي للبدي .
ثانيا : الشكل الداخلي مثل التخشيب الأبواب والطارة وفتحات المكيف الي يمين الراكب ويسار السواق والي تحت القير والدرج الي أمام القير ودرج الطفاية وحق الأكواب الأمامي والخلفي والخلفي خشبة كامل لا يقولك تراه بطلع زايد لاني رحت خشبت حق الأكواب الخلفي وقالي تراه بيطلع زايد يبغاء يخشب البرواز وقلتله لا خشبه كامل وراح تشوف الفرق بعد التخشيب .
ثالثا : ما أنصحك بتركيب العدسات نهائى لضعف النور وتشتتة و لانه ترهيم وما راح تشوف الخط في الليل والكشفات اذا بتاخذ خذ من الوكالة الي تجي بروازها أسود تكون شكل فقط لاكن ما أنصح با الكشفات لان شكلها وانت مشغلها مع النور الواطي أو السكن بايخ خذها شكل فقط اذا نويت عليها. أما الزنون يمكن ما تحصل بنفس دقه اللون فا غيرها كلها وحط الي عندك إسبير أو بعها على نفس المحل الي بتشتري من عنده الزنون .
وفي الأخير أسف إذا طولنا عليك با الكلام لاكن مجرد رأي وإقتراح......
انا رايي من راي
ن ع ر السعوديه 0005
وشكراً
مشكوووووورين مرة أخرى
على المرور والاقتراحات
وبيض الله وجهك يا ن ع ر السعودية 0005
وان شاء الله نشوف
وشكرا مرة أخرى
ضوابط المشاركة
رد مع اقتباس
مواقع النشر (المفضلة)