حرارة في الكفرات الأمامية!!

**The Legend** · 21-05-2008, 04:25 PM

السلام عليكم يا كل محبي الهوندا
يا شباب عندي أكورد 2002 غيرت فحمات أمامية ورمان بلي أمامي للجهتين من شهر تقريباً عند الجنوب ولاحظت من بعدها أن الكفرات وطبعاً الجنوط الأمامية حارة مثل النار وراجعتهم وقالوا عادي ورحت لغيرهم قالى أنه مع الوقت بيروح ولكن أكثر من شهر الحين ولازالت موجودة الحرارة وأنا مسافر فيها جدة وأخاف يصير لي شيئ في الخط ابي رأيكم تكفوون!!

**B Useful** · 21-05-2008, 05:01 PM

حرارة الكفر ..
حرارة الدوران..
حرارة الاحتكاك بالارض..
حرارة الصيف ..
حرارة الهوب والفحمات ..
حرارة الفرملة المفاجأة ..

^^ ظنك بتمسك الكفر بعد ذولي كلهم وتبية بارد ^^

الكفر دايم حار .. مدري .. قبل ما تسوي هالشغلة ... لمست الكفر وكان وضعة عادي ؟ بارد ؟

**B Unique** · 21-05-2008, 05:05 PM

وعليكم السلام ورحمة الله وبركاته

اذا كنت اول مرة تلاحظ المشكلة هذي في سيارتك
واذا كانت الفحمات اللي ركبتها تجارية احتمال كبير تكون هي السبب

**The Legend** · 21-05-2008, 05:17 PM

مشكورين يا شباب على ردكم السريع انا فعلاً مركب فحمات ياباني أمامية وقالوا انها جيدة بس الموضوع ان حرارة الكفرات الأمامية أعلى من الخلفية بشكل ملحوظ ولو هي عادية من الإحتكاك بالأرض ودرجة الحرارة كانت بالأمامي والخلفي وانا ملاحظ انها أعلى من الطبيعي ولكن برأيكم اسافر وأتوكل ولا رايكم ايه

**اتــشـــــ** · 21-05-2008, 05:25 PM

اذا كفراتك جديده توكل على الله وسافر

بس اهم شي لا تسرع

ولو تسافر بالليل يكون افضل

وتروح وترجع بالسلامة

**accord05** · 21-05-2008, 06:15 PM

ترى الحرارة عادية جدا انا مشيت مشوار صغير ولمست الهوب الا هو ناااار ..

**الشهاب** · 21-05-2008, 06:18 PM

يمكن صادفت إنك تغير الفحمات مع بداية الصيف

**HonDa 2o0o** · 21-05-2008, 09:35 PM

هلا بك اخوي

اظن الحرارة عادية وعلى كلامك ان الامامية اكثر حرارة من الخلفية ممكن من كثر ما تمسك الفرامل تكون اشد حرارة من الخلفي

وتوكل على الله وسافر بس لا تسرع

تروح وتجي بالسلامة

.

**The Legend** · 22-05-2008, 10:37 AM

تسلموا يا أعضاء المنتدى والله ماتقصرون
أبسافر وأتوكل وان شاء الله بدعيلكم في السفر والله مايجكم ولا يجينا شر ان شاء الله

**accord 06** · 22-05-2008, 09:06 PM

المشاركة الأصلية كتبت بواسطة The Legend

مشكورين يا شباب على ردكم السريع انا فعلاً مركب فحمات ياباني أمامية وقالوا انها جيدة بس الموضوع ان حرارة الكفرات الأمامية أعلى من الخلفية بشكل ملحوظ ولو هي عادية من الإحتكاك بالأرض ودرجة الحرارة كانت بالأمامي والخلفي وانا ملاحظ انها أعلى من الطبيعي ولكن برأيكم اسافر وأتوكل ولا رايكم ايه

عادي

الكفرات الاماميه قريبه من المكينه

و الفرامل الامامي هو الاساسي و اقوى بكثير من الخلفي << حراره اعلى

لو تجرب اي سياره دفع امامي و اي موديل بتلقى فيها نفس الفرق

**al3andleb** · 23-05-2008, 08:15 PM

حراره عاديه ياغالي ولا توسوس واذا انت شايف ان الحراره دائم مرتفعه شربها فيفادول :d

**الـمـسـافـر** · 24-05-2008, 12:20 AM

طبيعي ان شاء الله ما فيه شي يخوف

تروح وترجع بالسلامه ان شاء الله

**بلال العلمي** · 27-05-2008, 07:44 AM

اذا فجأة طلعت لك هذه خطرة شيك على الهوبات والرمان اذا كان تجاري راح تتفكك معك السيارة

**The Legend** · 27-05-2008, 10:01 AM

أخوي بلال مشكور والله على ردك واهتمامك
والله الرمان ياباني مب أصلي تعتقد هو المسوي الحرارة بس مافي صوت يقول أن الرمان خربان بس حرارة والله تعبت من هالموضوع ، ولكن أخوي وش تقصد تتفكك عليك السيارة !!! ومادخل الرمان بتفكيك السيارة؟؟