جنوط 2007

**EmPTY** · 06-06-2008, 03:48 PM

السلام عليكم ورحمه الله وبركاته ..

ودي اسال عن جنوط اكورد 2007 لاني ودي اركبهن بس ودي اشوف اللي جربهن بالخطوط ( طبعا قصدي التجاري ;) ) او بالمدينه وهل يشتكي منهن او رجه او اي شي ؟؟

وعلى كم يمكن القاهن ؟؟
وانا لقيت عند معرض السبر بالرياض جنوط بـ 3200 ريال مع ضمان سنه .. وش رايكم فيه؟؟ بس نسيت اساله وش نوع الكفرات ؟؟

وانشاء الله ماتقصرون ..

**امبراطور الاكورد** · 06-06-2008, 04:34 PM

انا مركب جنوط تجاري مع كفرات دنلوب 1900
الجنوط ب900 من السليماني بالرياض
صار لي 4 شهور مركبهن الحمد لله ماشيات معي وسافرت عليهن واجد للقصيم امشي 180

**EmPTY** · 06-06-2008, 04:59 PM

مشكور اخوي وماقصرت بس فيه واحد معه التيما 2005 مركب جنوط تجاريات مقاس 20 مادري 18 مادري بالضبط يقول انه طاح بحفريه موكبيره وانكسر الجنط ؟؟؟ وهذا شي مخوفني من التجاري ..

**hameedmousa** · 08-06-2008, 08:46 PM

الف تحية واحترام لكل من يشارك في هذا الموقع الرائع وارجو قبولي عضو جديد اخوكم حميد من الاردن وشكرا للجميع

ممكن حد يساعدني انا عندي هوندا سفيك 2005 لون اسود محرك 1500 بدي تساعدوني بجنوط شو احسن مقاس وشو الون والشكل مع اني حابب يكون لونهم اسود او يكوني غامقين بشكل عام وشكرا للجميع ارجو الرد بسرعه وعلى راسي كل الاعضاء:d

**saloom410** · 09-06-2008, 01:24 AM

انا مركب جنوط تجاري مع كفرات ميشلان بحدود 2000 الظاهر .
والحين يبي تمن سنه ومن أحسن مايكون .
سا فرت عليه أكثر . الممشى حول 180 كيلو متر بالساعة

;)

**EmPTY** · 09-06-2008, 01:04 PM

ماشاء الله ..

طيب وش رايكم بحقات السبر بـ 3200 مع ضمان سنه ؟؟

**accord exit 11** · 09-06-2008, 04:49 PM

طيب ممكن تقولي اللي عند السبر اصلية ولا لا
وابي مكان معرض السبر في الرياض ابي اشتريها

**hameedmousa** · 09-06-2008, 11:56 PM

مرحبا يا جماعه حد يعبرني مشان الله بدي جواب:(:(

**Mr.CaR** · 10-06-2008, 12:27 AM

بسم الله الرحمن الرحيم *

أخي العزيــــز .. ماراح أطوّل وأتفلسف عليك .. وأقول ولد عمّي مركّب .. ولا ولد خالتي انعفط عليه .. ولا جدّي ماشي معه تمام :p ..!!

أجل خذ منّي هالكلمتين اللي تجمد على الشـّارب

التجـاري (( لو بـ ريال )) = × ..

المقصود بـ الـ × هو مايأتي :
ماتنفع على الخط .. ولا حتّى بالممشى داخل الدّيـره ..
وش أنسب لي .. أدفع 5000 آلاف وأرتاح نفسياً ..
أو أدفع 1000 وأظل كل مشواري معاناة ومحاتاه ؟؟

القرار لك .. تحيّاتي

..

لأن يوم ينعفط الجنط وانت عالخط .. محّد منّنا بيفيدك ..

**ابو جنى** · 10-06-2008, 12:39 PM

الله يعطيك العافية

**اكورد545** · 10-06-2008, 03:39 PM

اخووووووووووي انا مركب تجاري هوو سبب تقطيع سلك الااي بي اس مع هواز لابريك لنه انكسر علي
اصلي اصلي افضل لك

**EmPTY** · 11-06-2008, 02:43 PM

مشكووووورين وماقصرتو ..
accord exit11

رحت عنده امس مستانس قلت ابشتري من عنده لكن يقول ماعندنا ويقول ام 3200 معغ ضمان سنه تجاريات مع كفرات لكن يقول عندنا جنوط اصليات من الوكاله بـ 3000 بدون كفرات وبدون ضمان يقولي الوكاله تضمنها لك ..
ومكانه اذا دخلت شارع المعارض من خريص ( الشارع الكبير اللي به المعارض الكبار << مايعرف اسمه :d) طول مرررررررره الين حول ماينتهي الشارع راح يجيك المعرض على اليسار ..

-----------------------------------
راعي السوناتا

مشكور اخوي ع النصيحه وماقصرت

---------------------------------

ابوجني

مشكور اخوي وماقصرت

---------------------------------

اكورد545

مشكور اخوي وماقصرت ..