متى ينلحس مخك وتحتاج لمساعده؟؟؟؟؟؟

[ajlanmf]

السلام عليكم ورحمة الله وبركاته

مساكم الله بالرضى والعافية

اعضاء احلى منتدى الغالين شوفو مع اني كاتب موضوع امس بس صرت اشتاق لكم بسرعه ياحبيننلكم<<<اختي الصغيرة اذا جت بتقول ياحبينيلكم :d

عموماً ماودي اطول عليكم لان بعضكم عنده اختبارات ويدخل يشيك على المنتدى ويطلع بسرعه ومالها داعي اطول في المقدمه ويسحب على ام جد خالت موضوعي ترى ياويله

موضوعي الي حاب اتكلم فيه دايم الواحد اذا طلع السيارة من والوكاله طاااازهـ يعني توها جديدة للي مافهم تجي على باله الف شغله وشغله وده يخلصها في نفس اليوم ومن عندي انا اقولك لا والف لا لانك ثق ثقه تامه انك راح تسوي اشياء راح تتحسف عليها في الزمن القادم<<متعوب عليها هالكلمه

فمن هذا المنطلق اطرح فكرة على اعضاء المنتدى الموقرين والحلوين والكويسين اننا نوفر هداي متواضعه وماتاخذ من اوقاتنا الى اصبعين وكيبورد لاتخافون محد جايه بقس مثل هالمسكيييين

ادري انكم تقولون اخلص يالماصخ عطنى الزبدة بس

عموماً اقولكم الفكرة بما انني مريت علي هذه الظروف يوم طلعت الهنادي جا في بالي الف شغله متى اركب كشافات ومتى اضلل ومتى احط الترميل ( لراعين الخطوط مثلي) ومتى اركب زينون ومتى اركب الشاشه ومتى ومتى ومتى
نخلص من سالفة (متى )تجي سالفة( اي )
اي محل احلى واي محل شغله مضبوط واي احسن شغل الوكالة ولا ابو هنود وراح ينفقع راسك...

عمومـــــــــــــاً

مريت في هذه الظروف وودي ان اي واحد عنده اي معلومه يدلي بدلوه<<خاق مع هالكلمة
قولو كييييييييف

يعني يعطينا معلومات بسيطه عندك بس راح تكون كبيرة لدى الانسان المحتاج لها

قل اي شي تعرفه عن اي حاجه تضليل انوار زينون كشافات شاشات واي حاجه على شان نقدمها للانسان المحتاج لها وراح تكون اغلى هديه عنده وراح تغنى عن تعب السؤال وكل حاجه

راح ابدى انا اول واحد وراح اعطيكم معلومات عن التضليل والترميل

اجريت اتصالات عديده على المحلات التاليه لومار وفي كول وزيبارت واخذت منهم الاسعار وكل حاجه وحبيت اقدمها لكم
وهي في البيان التالي<<يناضر الاخبار واجد

اولاً اجريت اتصال عل محل زيبارت الواقع في طريق خريص وافادني في المعلومات التاليه/

1850 تضليل كافة السيارة مع خصم الوكاله 10% وبدون الخصم زد عليها 300

والترميل بـ650 (ارخص محل الصراحه شفته من ناحيه الترميل)

ثانياً اجرى فخامته اتصال على محل في كول الواقع مقابل مدينة الملك فهد الطبية طريق خريص وشرحو لفخامته مايلي/

تضليل كامل الموتر00 بـ2800 و 01 بـ1650

ملاحضة/ هو المحل الوحيد الي تختلف اسعار الدرجات عنده بشكل كبير ولا يوجد عندهم ترميل

ثالثاً اجرت شركة لومار الواقعه في تقاطع الستين مع خريص اتصال على سموه<<والله من النصب واخبروه في المعلومات التاليه/

التضليل بـ1400

والترميل بـ1600

والله ولي التوفيق

اتمنى اكون قدمت معلومات بسيطه لمن يحتاجها وللمعولميه هذه المعلومات لاهل الرياض بما انها منطقطتي<<ملكها الاخ واي واحد عنده اي معلومه ولو معلومه بسيطه يقدمها على شان نستفيد من المعلومه واي واحد عنده اي معلومه في اي منقطقه غير الرياض يسدح معلومته هنا

سؤال/كم مره ذكرت كلمة معلومه في السؤال السابق؟


ملاحضة/ عندي ارقام المحلات كلهم بس خفت اكتبها ويصير ممنوع الترقيم<<<امزح

الي يبغى الارقام يرسل على الخاص


اسف ع الاطالــــــه
انتضر ردودكم

ودمتم بـــــــــــــود
ياســـــــــر

[محمد بن عبد العزيز]

والله يان فلسفتك واجد >>^_*

بس انا ابختصرها بكلمتين .. ياتحبني ياتحب الدراهم ... :d

المهم موضوعك تضمن والمفهوم منه ان الي عنده اي معلومه عن الاكسسوارات وبعض القطع وين يتم تركيبها وشغل النظيف .. يسدح المعلومه هنا ...

طيب انا من عندي ... :d

اركب لمبات اللكزس حقت اللوحه على الاكورد (98-2002) و (2003-2005) و(2006-2007) و(2008....) الى ان ياتي الموديل التالي
...(القطعه تبيني اجيبها او انت تجيبها)مايفرق

وتركيب الزينون .. على حسب الزينون يعني لازم اشوف لان فيه بعضها قلق وعوار راس اللي اعرفه .. فيش للشمعه وفيش للزينون وسلام عليكم ..( الزينون انت الي تجيبه ..)

تركيب كشافات للاكورد 2006 - 2007
(انت الي تجيب الكشافات ... )

وقريبا تركيب تحكم بالصوت للاكورد الفل كامل 2006-2007 وتحت ... (قلنا قريباً)
(انت الي تجيب القطعه كامله مع الاسلاك .. او مممكن اساعدك في قضية الاسلاك والتوصيل )

والشغل نظيف ومايبيلها (نشدة شيخ) :p

واسألو الي ركبتها لهم .:o

العرض ساري حتى تنتهي الابتسامه :d
يعني لما يجي الي بالراس ويفصل راح يكون شي ثاني ..

يعطيك العافيه .. ياسمك الصعب .. ماعرفته (عجلان ام اف )

[ajlanmf]

اركب لمبات اللكزس حقت اللوحه على الاكورد (98-2002) و (2003-2005) و(2006-2007) و(2008....) الى ان ياتي الموديل التالي
...(القطعه تبيني اجيبها او انت تجيبها)مايفرق

يعطيك العافيه اخوي على المعلومات والمرور والتزبيده ههههه
اخوي ممكن تفيدني بكم اسعار اللمبات
وشكراً

[kakashi-san]

هلا فيك اخويْ ،

أنا ما أبي اطول عليكْ ،

دام انك مثلي الفلوس تحسها كثيرةْ بتدفعهاْ ><"

بقول لك شو سويتْ ، و بأسعار رخيصةْ ،

سويت تظليل من في كوول بس من الأمامية بـ 555 ريالْ ،

و الله احس الأمامية يعني حطيت و لا ما حطيت نفس الشيء تقريباً ،

أهم شيء في الظهر احس الجو عندي اوكيْ ،

و ركبت زينون لونه ثلجي ألماني ماركة بووش ، بـ 400 ريال من الأحساء ،

و الله ما شاء الله يفرش فرش في الخط ، ينتشرْ ( :

هذا اللحينْ وصلنا 955 ريال ،

:

أما اللي بالترهيم تراه يلغي الضمان للمعلومية يعنيْ ،

و عندِك الكشافات اذا ركبتها من بره الوكالة ، تلغي الضمان بعدْ ،

هذا كلام الموظف ما هوب كلاميْ ،

أما سالفة الترميل ، أنا ركبت لي برقع للصدام ، بـ 180 ريالْ ،

و طالع و الله اوكيْ ،

هذا اللحين كل المجموع 1135 ريال بسْ ، !

و أي شيء تبغاه ؛ ترانا حاضرينْ ، ^.*

و أخونا أكورد 2002 ما قصر بعدْ ،

[ajlanmf]

kakashi-san يعطيك الف عافيه اخوي على المعلومات ماقصرت بالنسبة لنور الزينون الاجمالي400 مع محولاته وكل شي ولا كيف

[محمد بن عبد العزيز]

يعطيك العافيه اخوي على المعلومات والمرور والتزبيده ههههه
اخوي ممكن تفيدني بكم اسعار اللمبات
وشكراً[/center]

في الوكاله يختلف السعر .. كل مره لهم سعر ( 174 ريال)>هذا الموجود الان

واذا تبيني اجيبها لك مع التركيب بـ 160 ريال ابشر مالك الا الي يرضيك وفيه وحده بالشنطه متوفره الان ;)... حقت LS 460
وعلما بان اللزاق ابو وجهين من عندي .. يعني مايحتاج تجيب ... وماركة (M3)

واسألو الوكاله بكم سعرها ..

[ajlanmf]

في الوكاله يختلف السعر .. كل مره لهم سعر ( 174 ريال)>هذا الموجود الان

واذا تبيني اجيبها لك مع التركيب بـ 160 ريال ابشر مالك الا الي يرضيك وفيه وحده بالشنطه متوفره الان ;)... حقت LS 460
وعلما بان اللزاق ابو وجهين من عندي .. يعني مايحتاج تجيب ... وماركة (M3)

واسألو الوكاله بكم سعرها ..

مشكووووووووور اخوي انتضر اتصالك
تركت لك رقمي ع الخاص

[kakashi-san]

kakashi-san يعطيك الف عافيه اخوي على المعلومات ماقصرت بالنسبة لنور الزينون الاجمالي400 مع محولاته وكل شي ولا كيف

كل شيء من الألف إلى الياء ،

كل ما عليك انك تركبه بس ، !

و اذا بغيته ، رسلت لك رقمي ع الخاص ( :

[ajlanmf]

كل شيء من الألف إلى الياء ،

كل ما عليك انك تركبه بس ، !

و اذا بغيته ، رسلت لك رقمي ع الخاص ( :

اي والله ابيها ياخوي

[Slam tic]

في الوكاله يختلف السعر .. كل مره لهم سعر ( 174 ريال)>هذا الموجود الان

وعلما بان اللزاق ابو وجهين من عندي .. يعني مايحتاج تجيب ... وماركة (M3)

واسألو الوكاله بكم سعرها ..

أبو حميد والله انك مدلعهم حتى اللزاق من عندك....يالبى قلبك

على فكرة ترا اللزاق أنواع على حسب القوة
فيه شي يتحمّل23 كيلو وقيمته 21 ريال
وفيه شي يتحمّل 900 جرام وسعره اذا ماكنت غلطان 10 ريال
وكلها زي ماقال ابوحميد ( امريكي3m )وتلقونها عند ساكو

[ajlanmf]

أبو حميد والله انك مدلعهم حتى اللزاق من عندك....يالبى قلبك

على فكرة ترا اللزاق أنواع على حسب القوة
فيه شي يتحمّل23 كيلو وقيمته 21 ريال
وفيه شي يتحمّل 900 جرام وسعره اذا ماكنت غلطان 10 ريال

وكلها زي ماقال ابوحميد ( امريكي3m )وتلقونها عند ساكو

وشكراً لي بعد اشوفك سحبت علي
هههههههههههه امزح يالغالي

[ا د د 9 7 9 9]

تعقيبا على كلاامك اخووي ابقلك ليه زيبارت رخيص بالترميل لانهم بس يغطو النور والكشافات و20سانتي من الكبوت ما يشمل الصدام ولا غيره يعني ما استفدنا شي

[accord05]

طييييييييييييييييييييييييييييييييييييييط طامر عرض:d
بالنسبة لي اول شي يعقدني اذا جيت اختار نظارة >>لعيوني ماهي للسيارة :d
ثانيا زينة السيارات كل مارحت اطفش ابي احط لمسات لكن لاحياة لمن تنادي >>>ياشين الي يجهلل :d

وقبل هذي كلها لمن كنت اخش المعارض ما ادري وش اشتري ارجع البيت وودي ابكي :(

والحين ابي اغير لون الاكورد ما ني عارف وش اختار رحت الوكالة اعطوني كتلوج فيه الوان جدا جدا غريبة اصفر واخضر وبرتقالي والوان جدا غريبة وتتشابة بعد مثل الفضي يمكن اكثر من 10 الوان والفيراني بعد>>>الوان مائية تذكرونها :d

وسلامتكم

[محمد بن عبد العزيز]

أبو حميد والله انك مدلعهم حتى اللزاق من عندك....يالبى قلبك

اهم شي رضا العميل...:d