انا مركب مثل مقاسك بالضبط .. ولا فيه اي رجه الحمدلله ..
شف اذا جنوطك تجاري احتمال يكون منها ..
السلام عليكم كيف حالكم ان شاء الله انكم بخير وسلامه مشكلتي مع الكفرات الجديدة اللي مركبها مالها شهر وطلعت المشاكل بعد ماركبتها فماادري المقاس له دور في الرجة اللي تحصل للسيارة او لاني مركب اكبر من مقاس الوكلة 215 ومثل ماانتم عارفين مقاس الوكالة 205 يعني الكفرات اللي مركبها اعرض واقل ارتفاع من كفرات الوكالة فممكن يكون سبب في الرجة اللي حاصلة معي وخاصة على 100ك\س وتخف بعد 130ك\س مع العلم ان نوعية الكفرات دنلوب ورصصتها عند ميزان المجد في الصناعية القديمة ترصيص ارضي (لزقة )لكن للاسف نفس المشكلة مانحلت ياشباب تكفون وش تنصحوني فيه
انا مركب مثل مقاسك بالضبط .. ولا فيه اي رجه الحمدلله ..
شف اذا جنوطك تجاري احتمال يكون منها ..
والله انا عندي نفس مشكلتك.. لكن على خفيف شوي .. ونفس مقاسك لكن نوع الكفرات هو ادرينالين بوتينزا
من بريجستون..
وعندي سؤال لاهنت .. الترصيص هل هو انواع ؟؟ وش معنى ترصيص ارضي (لزقه) ؟؟
اخوك فيصل
الترصيص الارضي زي قلته وخسارة فلوس على الفاضي !!
انا كنت اعاني من الرجة هذي في سيارتي وسويت لها ترصيص ارضي ثلاث مرات وفي اماكن مختلفة عشان اتأكد ان العيب ماهو في المحل . بعد ما سألت قالوا اهل الخبرة ان افضل ترصيص والاضمن هو ترصيص الكومبيوتر وبالتحديد اللي متوفر عند وكالات الكفرات . بما اني كنت مركب كفرات من بريجستون رحت للوكيل (مؤسسة الطلائع) واول ما حط الفني الكفر على الميزان قال البلا في الجنط والرجة ما بتروح لين تصلحه . الكفر طلع فيه ضربة من الداخل وهي اللي كانت مسويه القلق كله . بعد ما صلحت الجنط في مخرطة دلوني عليها رجعت لهم وسويت ترصيص والحمدلله بعدها انتهت المشاكل وراحت الرجة ..
زبدة السالفة تأكد ان جنوط سيارتك سليمة ولا ترصص الا عند الوكلاء لان شغلهم اضمن
.
.
.
الله يعطيكم العافية ياشباب على الردود والتفاعل بالنسبة للجنوط جنوط الوكالة لانها فل كامل وماسبق اني الحمدالله سويت فيها حادث وبالنسبة للترصيص الارضي هو موجود غالبا عند العضيب والمجد واليرموك والدرع وهو عبارة عن ترصيص كفرات بدون تنزيلها على سرعات عالية وتكون اداة الترصيص عبارة عن لزقة توضع من الداخل علشان ماتبين وتشوة منظر الجنط فشرايكم ياشباب عن نوع الكفرات دنلوب من ركبها قبل كذا في سيارته او يعرف احد ركبها ولكم مني كل الاحترام والتقدير
التعديل الأخير تم بواسطة اكورد الرياض ; 11-06-2008 الساعة 10:44 AM
والله ياشباب نفس المشكله عندي مركب برجستون قبل خمسة ايام ورصصت عند العضيب بعد ترصيص المحل الى بالغرابي ونفس المشكله رجه على التسعين وانته طالع
انا واعوذ بالله من كلمة انا ركبت قبل فترة دنلوب وطلعلي اصوات ورجة وعلوم ثانية
بس رحت ركبت برجستون قبل يومين وضبط الوضع مررررررررررررررررررة
وانا هنا اتقدم بالشكر الجزيل لكل من نصحني بهذه النوعية من الاطارات
الكفرات اللي عندي نفس مقاس كفراتك بس نوعها برجستون والحمد لله لافيه لارجه ولاشي
بس مثل ما قال اخوي بي يونيك يمكن الجنط فيه شي
نفس كلام مشرفنا B Unique
مواقع النشر (المفضلة)