السلام عليكم ورحمة الله وبركاته
تحيه لمشرفي واعضاء المنتدى
اليوم جايب لكم خبر هام وحصري وهو كالاتي :
كثر في الاونة الاخيره شكوى اصحاب الاكورد 2008 ( وانا واحد منهم ) من وجود صوت في الكفر الخلفي جهة اليمين هذا الصوت يطلع من اقل مطب او لفه او انطلاق السياره 0
على العموم بعد مرمطه في فرع الجبيل( الله يسامحهم بهذلوني وخلو السياره واقفه عندم اسبوعين ولا عندهم سالفه او معرفة بأي شي بس صيانة وخرطي ) تم تغير المساعد وعمود التوازن ونفس المشكلة الصوت هو هو قالو ما نعرف نصلحها ودها للدمام قسم السمكره يمكن فيها شي من داخل0 وديتها للدمام وسمعو الصوت وقالو ما لها خص بالسمكره هذي شغلة ميكانيكية خلها وتعال بكره 0 وتم اصلاح هذه المشكلة يوم الاربعاء في فرع الدمام وبصراحة مركز محترم واسلوب راقي واخص المهندس / فلمون ( فلبيني الجنسية )0 المشكلة يا اخوان انه تم تغيير الفحمات الخلفية وعمل تربيط من جديد لكامل الجهة ولله الحمد اختفى الصوت، الحين صار لها يومين وكل شي تمام ( قولو ما شاء الله )0
انا عتقد ان الفحات اللي تجي مع السياره فيها مشكلة تصنيعية وخصوصا في الدفعات الاولى والثانية 0
تحياتي لكم جميعا ولكم من فائق القبول والاحترام