ارجو الدخول.........
السلام عليكم ورحمة الله وبركاته
مساكم الله بالخير
شباب عندي استفسار بسيط
الحين موتري ماشي 1800 ورحت لصيانة الـ1000
وقالو تعال بعد5000 الحين انا راعي خطوط مايضر الزيت او اي شي ثاني كثر المشي
واذا تميت5000 تنصحوني اروح الوكاله ولابرى اغيره ووش الفرق
وهل اذا غيرته برى يروح الضمان ووشو الضمان حق الوكاله وش يشمل
ودمتم بــــــــــــــود
محمـــــــــــــد
اخوي انا رحت لصيانة 1000 و 5000 يغيرون لي الزيت والسيفون ويقولون توكل على الله يعني خساير على الفاضي
وبعدها مارحت الى يومك
اغير الزيت والسيفون بأي ورشه
انصحك انك تشتري السيفون فقط من الوكالة وتغيره في اي ورشة والزيت من عند الورشة
واذا على الضمان ,,, الضمان مايروح
سعر السيفون بالوكالة 14 ريال اصلي 100%
سعر السيفون بالورشة 25 ريال تجاري 100%
يآشبآب والله إني خآيف من مسئلة الزيت..:(
اللحين أنآ ويدت لهم الموتر بعد الـ1000 وقآلولي كم وآحد إن الصيآنه شآمله تغيير الزيت قلنآ كويس..
بس المشكلهـ اللحين خلآص مآعآد اغير الزيت إلآ في صيآنة الـ5000 ؟؟؟
^^^^^
طيب وين المشكلة ؟؟
صبح صبح يآعم الحج :d
اللحين خلآص مآعآد اغير الزيت إلآ في صيآنة الـ5000 ؟؟؟
هنآ السؤآل ..
^_^
خخخخخخخخخ
الزيت والسيفون تغيره كل خمس آلاف
وفيه بعض الزيوت كل 10000
وفيه بعضها كل 15000
على حسب نوعية الزيت
وفيه ناس يغيرون الزيت كل 5000 والسيفون كل 10000
انت ومزاجك
المشاركة الأصلية كتبت بواسطة al5fy
طيب وش الزين اذا صرت راعي خطوط
طيب ليش ياخذون 250 على ايش يعني بكم الزيت بيكون اذا صار الموتر 4 سرندل نقول السيفون بــ14 معقوله الباقي على الزيت
انا اللي اعرفه الوكاله ياخذون 91 ريال مع السيفون
لكن انت اكيد تقصد تير زيت مع التشييك على السياره
اسعار الزيوت تختلف فيه بـ12 وفيه 13 وفيه 14 وفيه اكثر
انا عن نفسي استخدم الترا 7 بـ 14 ريال
5 علب بـ 70 ريال استخدم 4 علب ونص
70 ريال زيت + 14 ريال سيفون = 84 ريال + غسيل ماجاناً :d
وبالوكاله ياخذون 250 ريال يغيرون لك الزيت والسيفون ويغسلون لك السيارة بدون صابون :d
وفيه زيت عارضه احد المشرفين للبيع يجلس معك الى 15000 على كلامهم
دور الموضوع فيه قسم البيع والشراء
تغيير الزيت مع الفلتر بالوكالة بـ 91 ريال والمطلوب تغييره كل 5 آلاف كيلو متر
والضمان مايروح اذا غيرت زيت برا الوكالة >>> طبعا الضمان مايشمل سوء الاستخدام يعني اذا خرب لك ابويمن شيء ولا شد عالصره غلط ولا من هالكلام >>> خوفتك صح
الاخطبوط كان هنا
يا اخوان وش ذا حنا قاعدين في سوق اسهم ولا مزايدات على سعر تغير الزيت في الوكاله
انا عندي زيت الوكاله اغيره 109,50 ريال سعودي فقط لا غير (والنص يعطوكـ علكـ) :d ههه شامل الزيت و السيفون و التشيك البسيط
اخر مرره غيرت زيت في الوكاله 5الاف و 10 الاف لقيت واحد في الحاره عنده زيت هوندا لونه ذهبي وبرنزي يعني ثقيل وخفيف
غيرته عنده سعر الزيت الواحد 14ريال سعودي فقط لا غير والسيفون من الوكاله طبعاً
انصح من وجهة نظري
;)غير الزيت مرتين والثالثه مع سيفون ( اذا جيبك وسيع غير في الوكاله كل تغيره بسيفون )
على طاري الصره يالاخطبوط انا غيرت زيت بالوكاله ويمكن ماشيه 20,000 شوي قالي الصره فيها مشكله قلت وشلون ؟ قالي انت مغير الزيت برا الوكاله ,, وانا من يوم طلعت السياره من الوكاله وانا اغير عندهم فا عطيته فلسفه شوي سياره ماشيه 20 وكل التغييرات عندكم وتقولي الصره وشلوون ،، المشكله سعرها ما يسوى بـ12 ريال
أخوي معظم الزيوت المشهورة تغير كل 5 آلاف مع السيفون
لكن فيه زيوت معينة وغالية تغير على 10 آلاف و15 ألف مثل موبيل 1 وغيره سعر العلبة الواحدة حوالي 40 ريال
ضوابط المشاركة
رد مع اقتباس
مواقع النشر (المفضلة)