والله ياخوي ما أدري وش اقولك
كثيرين يشتكون من 2008 وخصوصاً التكييف يمكن علشان موديلها الجديد وايضاً اختلافها الجذري عن الملكة المتقاعده
لكن مالك الا الوكالة
بعدين الاحظ انك شريت الاكورد وانت منتب مقتنع فيها من الاساس
صح ولا انا غلطان ;)
شباب والله اني كاره الاكورد هاليومين
مدري هي كذا ولا سيارتي فيها عين افيدوني
لي اكثر من اسبوع ما احركها عافت نفسي
سيارتي ماشيه 36 الف وكسور
اكورد 2008 فل اوبشن 4 سلندر
عندي مشاكل وهي كالتالي:
1- المكيف صار بالظهر ولا بريال
2- صوت طقطقه في الديكور الخلفي العلوي
3- الزيت عندي ينقص اذا مشيت عليه اكثر من 3000
4- صوت في باب السواق
5- الكبوت مايسكر الا بالقوه
6- انوار الطبلون عليها مسكات وترمش احياناً
7- السياره على الخطوط ازعاج في ازعاج لا من صوت الهواء ولا من صوت الشارع
8- وضعية كرسي الراكب غير مريحه ( اللي يركبون معي يشتكون )
9- رجه بالفرامل مسويه لي قلق مو طبيعي الوكاله خرطو لي الهوبات في فحص الـ 5000 وبعد مامشت السياره 7000 رجعت الرجه والحين الوكاله تقول لازم تغيير الفحمات وخرط الهوب
معقول كذا والسياره توها ماكملت سنه وماشيه بالثلاثينات
وش السالفه
والله ياخوي ما أدري وش اقولك
كثيرين يشتكون من 2008 وخصوصاً التكييف يمكن علشان موديلها الجديد وايضاً اختلافها الجذري عن الملكة المتقاعده
لكن مالك الا الوكالة
بعدين الاحظ انك شريت الاكورد وانت منتب مقتنع فيها من الاساس
صح ولا انا غلطان ;)
يالغالي ريح نفسك والأمور ماتؤخذ بهذا الشكل
أول شيء تسويه تستأجر سيارة لمدة اسبوع تحصل على 60 ريال محلات كثيرة
تودي السيارة للوكالة وتكتب كل الملاحظات في ورقة وتمليها عليهم وحدة وحدة وتتسجل بالكمبيوتر
روق لك كم يوم والوكالة راح تتصل وإن شاء الله كل المشاكل تلاقها محلولة
على فكرة لو الوكالة عندهم نظام سيارة بديله يكون أفضل
تقبل تحياتي
مشكورين على ردكم
اخوي Al5fy انا سيارتي اللي قبل الاكورد هي سيفيك 99 ولك الحكم اني ليش شريت اكورد 2008
الله يكون بعونك
لا تستبعد انها تكون عين ترى الناس هالايام ماتعطي خير والاكورد سياره تحمل من الدرجه الاولى
لكن قبل ما تحكم على اي شي ودها للوكاله وشوف وش بيصير معاك
واضيف ان مافي اي سياره بالعالم ما تواجه مشاكل كيف عاد عندنا بالسعوديه جونا مره مايساعد شمسنا ماترحم لا بشر ولا حديد الله يكفينا الشر والغبار والعج ذبح صدورنا كيف عاد سياراتنا
روح الوكاله وورهم العين الحمراء وان بغيت فزعه دق علي بس :d
بالتوفيق
^^^^^^
طيب لاتهايط :d
مشكله الباب اخوي الحل الصعب سهله
سولها تشحيم ويظبط معك
هوندا و بس : اشدعوا انا ازعل منك ... بس استغربت انك تقول هالمشاكل في كل الاكورادت ... حرام صراحة ... طبعا سيارتي زفت اوبشن
:o
بايوو
الأسطوره معقولة سيارتك ماشية 40000
والله شكلك راعي خطوط
سيارتي تبي تكمل سنه وماتعدت الـ 37 الف
هلا بالربع انا مشي 31الحين
من ناحيه الكبوت له طريقه لذل جيت تسكره وواضحه
رح عند اللسان حق الكبوت وحركه حكرتين يمين ويسار ونزل الكبوت بكل هدوء
المكيف تمام معي
الباب احينا او نادرا
فقط لاغير
القناااعه اهم شي
أجل تبي تكشخ على الفاضي أنت عايش مع الناس واللي ما يخاف الله بيعطيك عين ما صلت على النبي وعادي تقبل المشكلة بروح رياضية
وما أقول ألا الله يكون في عونك
:(
الله يعينك
والله أخوي شكلها عين ماصلت على النبي
انا بس عندي مشكلة الصوت الي في الخلف وبصلحه ان شاء الله
ونتى وديها الوكالة وقلهم على المشاكل وحدة وحدة والله يعينك
أهلن أخوي
أنا بنسبه لي المكيف مثلك أوقات أحسه يفصل ويصير مايبرد
صوت الشوارع أيضا مزعجني
وعندي صوت لمن أعشق ريوس
بس هذول المشاكل آلي عندي
وأنت روح إلى الوكالة مثل ماقالوا لك الشباب وإن شاء الله كل شي يظبط معاك
وريحك بالك ولاتفكر ;)
سلام عليكم
اخوي احسن حل رح لوكاله قلهم مابيه عطون قروشي ولا صلحوه لي
وبعد رح لصالة البيع وقعد لجلج عليهم في صوت عالي
وطلب مدير الفرع وشرحله السالفه
وان شاء الله تلقى خير
{ وربنا يكون معاك }
السلام عليكم و رحمة الله ،
يا حيّك و الله يا أخويْ ،
طبعاً لازم من الشكل الجديد تلقى بعض المشاكلْ ،
بالنسبة لسالفة المكيّفْ ، أنا و الله معاي مثل الفلْ ،
أخلي الدرجة على 23 و اضغط على AUto و هذا ما شاء الله من أحسن ما يكونْ ،
الطقطقه و الزيت ، يبي لك تقرأ على السيارةْ ،
و يا شباب حافظوا على الأذكار قبل ما تركبون السيارةْ ،
و بتحسون بالفرق ، و أسأل مجرّب و لا تسأل طبيبْ ،
بالنسبة لسالفة الفحمات ، أنا الحمد لله مشت الى الآن 7000 و هذا اهي ما تشكي باسْ ،
و بالنسبة لازعاج السيارة ، سبق لعضو شرح كيفية اختفاء الصوت ، و اعتقد هذا في الوكالة اللي بالدمام
وضعيّة الكراسي كثير يشتكون منها ، و أنا منهمْ ،
لكن حالياً بعد ما تعودت عليها ، صارت مثل العسلْ ،
و ما لك يا عزيزي الا توديها الوكالة في تشييك الـ 40 ألف و تشرح لهم كل شيءْ ،
من طقطق إلى السلام عليكم ،
و الله يكون في عونِك يا عزيزي ( :
.,’~
الله يكون في عونك
الحمد لله وما شاء الله السياره عندي تمام
روح على الوكاله عـــــــــــــــــــــــــــــــــدل
السلام عليكم
بعض هذي المشاكل موجودة عندي لكن في موديل 2005
مرتبة الراكب فاشله وغير مريحة
الطبلون مسكات (يقوى و يضعف )
اما صيانة الوكالة فانا انصحك بالمراكز لان الوكالة ماعندها الا غير كذا وحط كذا وما عندهم شي يتصلح او يتعدل وشغلهم لك عليه
بس اهم حاجة كم يطلع من جيبك من الزرق
بالنسبة لمرتبة الراكب حاول تركب مرتبة 6 سلندر لانها كهرب
مواقع النشر (المفضلة)