الموضوع: اخواني ممكن اعرف بالضبط كم عدد احصنه الاكورد 2006؟؟؟؟

اخــوي .. راعــي الهــونـدا 2006 ..

تفضـل يالغـالي شـرح مبسـط للمحـرك ..

المحــرك .. اربعـه سلنـدر 2006 ..

* محرك الـ2.4 ليتر: المحرك الأول بأربع اسطوانات سعتها 2.4 ليتر (سعة الصيغة
السابقة 2.3 ليتر) ، وقوته 160 حصاناً/5500 د.د. (بزيادة عشرة أحصنة عن الصيغة السابقة) مع عزم دوران 218 نيوتون-متر/4500 د.د. (مقارنة بـ206 نيوتون-متر/4000
د.د. في السابق). ويتاح المحرك المذكور مع علبتي تروس، يدوية بخمس نسب أمامية أو أوتوماتيكية (تجهيز إضافي) بعدد مماثل من النسب.


تقبـل فــائق احــترامي وتقــديري ..

اخـوك .. اكــورد الجبيــــل ..

اخــوي اكـورداوي ..

بصـراحـه انا يالغـالي اخـذت المعلومات هـذي من موقع خاص بالسيـارات ..

ولا ادري عن صحـة المعلومات بس مبين تفصيل كامل عن الهـوندا اكـورد الفين وستـه ..

وسـويت له نســخ .. لا اقـل و لا اكثــر ..

ويعـطيك الف عـافيـه انك بينت النقـطه هـذي ..

في النهـايه : تقبـل فـائق احـترامي وتقــديري ..

اخـوك .. اكــورد الجبيــل ..

يعطيكم الف عافية هذا المنتدى و الله بلاش الف الف شكر و الى التقدم انشاء الله

انا اقول ايضا :

اكورد 2006 187 حصان
اكورد 2005 173 حصان

وللمعلومية اكورد 2006 تأتي بأربع محركات :

محرك للسياحي 4 سلندر 187حصان .
محرك للفل كامل 4 سلندر قرابة 200 حصان والدليل على هذا إني وانا في طريقي للديرة تسابقت انا واكورد سياحي بفتحة 4 سلندر لكن ماشاء الله الاكورد بتاعي اثبتت جدارتها بفارق كبير لدرجة انني لم اعد ارا الاكورد .

اكورد 2006 288 حصان
والمحرك الثاني بصراحة لا اعلم كم حصان .

وشكرا .

صدق اخوي انا الفل اربعة سلندر قوة الاحصنة مالته غير السياحي و الله توني ادري من وين لك المعلومة من الوكالة اخوي و الله ايش صراحة ابهرتني بالمعلومة ...................

كم آخر كلام :p

عذراً لكنني أجد هنا مزاداً
كل واحد وضع رقم مختلف عن الثاني ولو قليلاً، اعتمدوا !

الحين عرفت تسلم ياخوي ما قصرت

تمام يعطيك العافية

انتو متأكدين؟

انا اول ما اشتريتها مال الوكالة ما ادري منو مو متأكد قال لي عدد الأحصنة 187 لكن بعدين واحد يعرف فالسيارات قال لي ان عدد الاحصنة 167 فاختلفت الآراء وما قمنا نعرف منو الصح
؟؟

لا تنسون ان الفرق في عدد الاحصنة بين 2005 و2006 يساوي 7 أحصنة أو 8 أحصنة فكيف واحد من الاخوان كاتب للــ 2005 الاجمالي 173 ولل2006 الاجمالي 187 الفرق = 14 حصان وهذا الشيء ما اعتقد انه صحيح


ياخي الأكورد مظلومة صدقوني

كلما ما زيدوا عدد أحصنتها لحقتها الألتيما بزيادة عدد أحصنة

وكلما اتذكر ان الألتيما اتسلم على الأكورد واتروح احس بأن الأكورد فقيرة عزم!!

يعني وصلنا إلى أن 2006 قوتها 170 حصان ... متأكدين؟؟ خلاص انثبت؟


سالفة تقهر بصراحة

لكن على السنة الجاية اشتري الامريكي يا الكونكورد

8
8

قوة المكينه 187 حصان

لكن اللي يوصل الكفرات 173 حصان


لومينا امريكي 6 سلندر 3.6 لتر بقوة 235 حصان

اكورد 6 سلندر 3 لتر بقوة 250 حصان

اورين 6 سلندر 3.5 لتر بقوة 268 حصان

التيما 6 سلندر 3.5 لتر بقوة 250 حصان

فيه مقارنه ؟


ولا تدري جرب تقاوم بسيارتك مع لومينا 6 سلندر و علمنا من يقوم

يا جماعة الخير الله يخليكم

اللي بيكتب قوة المكينة لا يكتب القوة اللي توصل للكفرات لأنه بصراحة هالشي يخربط الدنيا

قوة المكينة حسب ما سعمت 187 وصلت الكفرات ولا ما وصلت ما يخصني هذا كلام الوكالة اذا ما خاب ظني

كل واحد مسويلي فيها ميكانيكي يا اخوان ضيعتونا واحد قال توصل الكفرات والثاني جاب طاري الكهرباء وما باقي الا يجي واحد ويقول قوة المكينة 190 لكن اللي يوصل للدبة اللي ورا بس 160 حصان و9 حمير أصيلة

.............................................

أخوي الكريم والمشرف الطيب / أكورد زيرو ستة

تسلم اول شي

وثاني شي بالنسبة للمقارنة من رايي ما يحتاج لها تفكير الألتيماااااا أكيد .. خلاص هذا كلام الشباب اليوم ألتيما وألتيما سووها فراري حتى شوماخر اتوقع يخاف يسوقها من سرعتها هالألتيما

الأكورد قالوا لي يشق اللومينا لكن الألتيما كلام ثاني

وشكرا

المشاركة الأصلية كتبت بواسطة هوندا كونكورد

أخوي الكريم والمشرف الطيب / أكورد زيرو ستة

تسلم اول شي

وثاني شي بالنسبة للمقارنة من رايي ما يحتاج لها تفكير الألتيماااااا أكيد .. خلاص هذا كلام الشباب اليوم ألتيما وألتيما سووها فراري حتى شوماخر اتوقع يخاف يسوقها من سرعتها هالألتيما

الأكورد قالوا لي يشق اللومينا لكن الألتيما كلام ثاني

وشكرا

اخوي هوندا كونكورد
كم وزن الاتيما ؟؟ وكم وزن الاكورد ؟؟ وبعديييييين احكم ;)

شباب طيب هل فيه فرق في عدد الاحصنه

بين الهوندا اكورد السته سلندر 2005 /2006/2007

ولا كلها نفس الشي ؟؟

المشاركة الأصلية كتبت بواسطة هوندا 2007

شباب طيب هل فيه فرق في عدد الاحصنه

بين الهوندا اكورد السته سلندر 2005 /2006/2007

ولا كلها نفس الشي ؟؟

2005 أقل بعدد الأحصنة من 2006 و 2007

و2007 = 2006 من حيث عدد الأحصنة

يشباب وشفيكم كل واحد صاير يزود وينقص على كيفه في عدد الاحصنه
الاكورد2006و2007
قوتها الصافيه 170 حصان يعني هذا الصافي من دون شد ورد
قوتها الاجماليه 187حصان يعني اذا شديت للسياره
وبعدين القوة ماتاصل للكفرات!!1
وش الخربطه هذي
يعني انتم تفهمون اكثر من اليابانين
وثاني شي هوندا ماهي مثل الشركات الثانيه تحط بس القوه الاجماليه(القصوى)
بل سوت حساب للحد الادنى للمكينه(القوه الصافيه)
بالمختصر المفيد اقل شي 170 حصان وبالراحه
واكثر شي 187 حصان وايضا ليست صعبه على محرك i-vtec
وهذا الكلام موجود في كتلوج الكورد الدعائي وحق السياره

هذا شي
والشي الثاني ازعجتون بالالتيما معطينها اكثر من حقها
هل فعلا فيه احد قاوم التيما
وإلا بس كلام جرايد
وانا راح اجرب بنفسي اخوي معاه التيما

والالتيما والكورد الاربعه سلندر لهما نفس عدد الاحصنه
(اخوي كونكورد تأكد من كلامك)

ولالتيما والكورد سته سلندر
الفارق لصالح الكورد