مشكلة البوري عندي ياشباب يا ريت تفيدوني ...

**:": ACCORD :":** · 28-02-2008, 07:10 PM

السلام عليكم ورحمه الله وبركاته

كيف الحال شباب عساكم بخير

المهم شباب انا عندي مشكلة بالبوري = الهرن

قبل اسبوع كان الجو عج عندنا وانا رايح العقير مع ربعي من يوم الاربعاء ولازم ارجع الديره يوم الخميس الظهر وانا راجع في الخط الجو عج مره لدرجه اني ما اشوف شي من الطريق وكل الطريق رمل

المهم ما وصلت الديره الا :-

1- الصدام معجوج
2- اللوحه معجوجه
3- الانوار انعجوا
4- والمهم انه البوري ما يطلع له صوت الا واطي مره ولي الحين اسبوع على هالحال شنو العمل معه ؟

تكفون اللي يعرف حل يفيدني

لانه الاضرار الباقي تخلصت منها بس باقي مشكله البوري

اخوكم بو نواف

**بداياتي** · 28-02-2008, 11:35 PM

كانت عندي مشكله بالهرن

إن مشت أقل من 60 ألف كيلو ودها الوكالة
وعلى الضمان

وراح يبدلوه لك

**مهند الأحمدي** · 29-02-2008, 12:24 AM

اخوي الحل بسيط وبدون تكلفه

حاول تعلق على البوري فتره وبيرجع صوته القوي

بس انتبه لا تزعج احد ^_*

**prince of meast** · 29-02-2008, 05:09 AM

من قال لا أعلم فقد أفتى والله لا أعلم لكن حاول توديه الوكاله اذا كان على الضمان أو سو مثل ما قال الأحمدي .

تقبل مروري

**:": ACCORD :":** · 29-02-2008, 06:31 PM

لا السياره موديلها 2005 وماشيه كثير وانتهى الضمان

وحركة اخوي الاحمدي سويتها ومافادت بالعكس زادت الطين بله قام مره يضعف بزياده ومره يرجع على ما هو

**بداياتي** · 29-02-2008, 08:43 PM

مافيه حل إلا إنك تروح تشتري الهرن من الوكالة
وتخليهم يركبوه لك

يمكن يكلفك حدود 300 ريال

سي يا

**niz2003** · 29-02-2008, 08:54 PM

هذا معناه أنه دخل داخل البوري تراب ( رمل ) لو تقدر تنظفه يكون أفضل أو الله يعيينك تشتري واحد جديد .

وسلامتك

**فــــهــــودي** · 29-02-2008, 11:55 PM

يا رجال طق لك بوري فكتوريا جديد ب 50 ريال

و السلام عليكم

هع

**Unlimit** · 01-03-2008, 01:20 AM

البوري تلاقيه في كيلو 2 في جده الاثنين ب140 ريال

اما الصدام والكشافات تقدر تعمل لهم بولش في الصناعيه وترش الصدام من جديد

موفق ان شاء الله

**:": ACCORD :":** · 01-03-2008, 02:26 PM

مشكوووورين اخواني عالمرور والمساعد

والصدام رشيته من جديد والانوار لمعتهم بس اللي باقي البوري

والمشكلة انا عاجبني حق الاكورد يعني كثير قالوا لي ركب حق فورد

بس انا ابغى بوري اكورد السؤال هل احصله في محلات الزينه والا بس بالوكاله

وكم سعره بالوكاله بدون تركيب

؟؟

تحياتي

**sarab** · 02-03-2008, 01:31 AM

هلا بك اخووي

انا نفس مشكلتك بالبوري

كنت ماسك خط والطريق عجاج يوم وصلت الا والبوري بس واحد يشتغل
وفكيت الخربان لقيت وسطة تراب نضفتة بس مانفع
رحت لمحلات قطع الغيار وشريت طقم بوري عالي و واطي اصلي خذيتة ب 180 ريال

والحين البوري زي الحلاوووووة

**:": ACCORD :":** · 04-03-2008, 12:39 AM

مشكور اخوي عالمرور

وهذا اللي صار بغير البوري

بس بكم احصله اصلي ؟؟

**AbuNaif969** · 04-06-2008, 02:26 AM

نفس المشكلة

بس الضمان انتهاء ,,

**محجوب** · 04-06-2008, 08:57 AM

البوري مكون من قطعتين : عالي و واطي .... أتوقع عندك بس واحد منهم خربان ..... تشوف اي منهم الخربان (العالي أو الواطي) وتشتري جديد وكان الله غفورا رحيما

**ن ع ر السعودية 0005** · 04-06-2008, 12:51 PM

يا أخي أنا سمعت نفس مشكلتك من بعض أصحاب الأكوردات وحلها بسيط فك كل الأثنين ونظفهم جميع ولاتركبهم حتى تتأكد من أنهم نشفوا فقط شوي موية ومع هواء ويرجع أحسن من أول جربها قبل ما تخسر وتشتري جديد وهذي الطريقة أنت تسويها بنفسك ولا خساير.

**ـبطرانـ2005ــ** · 04-06-2008, 01:36 PM

غيررره يا بطططل

**هوندا2004** · 04-06-2008, 01:57 PM

تبي حل تجربه يمكن يزبط اول شي فكه وتالي نظفه بالماي وتالي روح عند بنشري ونظفه بالهواء قبل لاتركبه وتالي ركبه وعلق وانت ضاغطنه ويمكن يزبط وادا مازبط اشتري جديد وخلااااااااااااااص

**أكورداوي** · 05-06-2008, 10:55 AM

أنا اوافق الي قالوا نظفه ..

أنا مجرب المشكله هذي كثير ومشكلتي مستمره لأني أمسك خط الدمام - الأحساء اسبوعيا وتقريبا العج يكون مستمر ..

وخرب البوري وصار لي مثل ماصارلك :( ورحت لاكثر من كهربائي وقالوا لي خلاص مايصلح لازم تغيره ..

لكن طلعوا ماعندهم سالفه وسألت الوكاله على أساس أغيره وقالوا لا ... يحتاج تنظيف بس ..يعني كل واحد يقطني على الثاني:d

آخر الشي نظفته عند كهربائي ورجعت الحنجره الطبيعيه الحلوه ;)

أهم شي خله يفكه وينظفه من داخل

**Zero Cold** · 05-06-2008, 06:32 PM

الظاهر يبغاله تنظيف والله أعلم
أو روح التشليح وخلك واحد نظيف
تحياتي;)

**MR.X** · 05-06-2008, 08:04 PM

سوه له ينظيف وإذا نفس المشكلة بدله

**MR.X** · 05-06-2008, 09:33 PM

بوري للبيع دش اهني

http://www.hondaarabia.com/club/show...823#post121823

**عبدالعزيز11** · 05-06-2008, 10:42 PM

البوري تحس انه منبح حلقه ؟؟؟؟
يعني آآآآآآآآآآآآآآ <<< اروح على التمثيل:d

كانك تحسه كذا << كانك فهمت

فسبق وحصلت لواحد من العيال ومع الوقت رجع زي ماكان
تقريبا شهر ورجع

**h0nDa.O7** · 20-06-2008, 01:19 AM

شف اخوي انا صارت معي مشكلة البوري وان رايح من الرياض للشرقية لقيت ان الحل كالتالي تحسن اني بحل مشكلة فلسطين:d
المهم خل واحد من اخوياك عند البوري داخل السياره وانت عند الشبك حط يدك على البواري الي موجوده جنب القفل حق الكبوت وشف اي واحد منهم الي طافي حاول تحركه من عند المشكبية إذا اشتغل فان المشكلة من المشكبية رح للكهربائي وقله عن المشكله واقنعه وتلقى الي يسرك بإذن الله
انشاء الله اكون افدتك في الموضوع مع انه جاي متأخر
اعذرني
لاكن توني مسجل
تحياتي