رد مع اقتباسما توقع ان البرد له اي دخل ..
شف ترا يمكن جتك حصاااه صغيره مره وانت ماشي ولاحسيت فيها وضربت القزازه مع مكان ضعيف وتشعرت...
القزاز لايشمل الضمان ...وما اتوقع تفيده الشركه الام...
الله يوفقك..
تشعر الزجاج الامامي للأكورد 2008 خطأ مصنعي
السلام عليكم ورحمه الله وبركاته
اشتريت سيارتي الاكورد 2008 في عز البرد شخصت بها اسبوع وحطيتها بالحوش جيت من بكره لقيت الزجاج الامامي متشعر !!!
المشكله ماعندنا اطفال ولا هم يحزنون
المهم رحت زينتها عند دكتور الزجاج وكلفني 200 ريال !!!
والله الغبنه سياره 2008 ماكملت شهر يصير هالي صار !!
اعتقد والله اعلم ان اغلاق النوافذ وتعرض الزجاج للبرود القارسه ثم من بعد الساعه 10 ص تاتيها شمس فتسبب ضغط هواء بداخل السياره او احتباس سموه ماتسمونه فيحصل ماحصل
علاوه على ذلك الزجاج بدو انه ضعيف ولايتحمل اي شي !!
المهم وديتها للوكاله وتضاربت معهم يقولون الزجاج مايشمل الضمان قلت لهم عطوني تقرير بسبب الكسر مارضوا يعطوني قلت لهم براسل الشركه الام قالوا بكيفك والله الاخلاق السياحيه بعد
من هنا ياشباب اي احد عنده هالمشكله يكتبها هنا ونبي نتجمع ونروح لهم عشان يشوفوا لنا حل لان المدير يقول جب لي كم سياره واصلحها
وياليت من يعلمني طريقه الشكوى للشركه الام لاني بشكيهم لامحاله او يعطيني ايميلهم ايميل الشركه
ومشكورين
التعديل الأخير تم بواسطة المباشر ; 24-07-2009 الساعة 11:37 AM
ما توقع ان البرد له اي دخل ..
شف ترا يمكن جتك حصاااه صغيره مره وانت ماشي ولاحسيت فيها وضربت القزازه مع مكان ضعيف وتشعرت...
القزاز لايشمل الضمان ...وما اتوقع تفيده الشركه الام...
الله يوفقك..
ماأتوقع أنه عيب ضعف الزجـــاج ... تحسهــا صعبهـ شوي
بس أتوقع زي ماقال أخوي NETRO
أو جتهـــا حذفه من الشـــارع (( شيك على عيال جيرانكم )):d
ما اتوقع انة فعلا هذي المشكلة ..
كسر الزجاج ... اي زجاج ... او تشعرة ..
يصير اذا كاااان بااااارد جداً جداً<<<<<< ثم صبيت علية بشكل مفاجئ شي حاااار مررررررة ..
^^ تصير دايم في الشتاء في كاسات الشاي ابو كلب <<< يعني الصينية ..
اما سالفتك حقت الساعة 10 الصباح ..
ترا الشمس ماتجي فجاة من درجة حرارة 7 مئوية الة 40 مئوية ...!!
وحتى اي شي مر علي في حياتي ما يمر من 0 الى 100 كذا على طول ...
الا لما يمر على باقي الارقام 1 - 2- 3- 4 - 5 - 6 الخ ... يعني بالتدريج ... والتدريج هذا يعني في حالة سيارتك انها كانت باررردة ثم قلت البرودة ثم مرحلة الدفء ثم مرحلة الحرارة ثم مرحلة الحرارة الشديدة ...
لكن .. اذكر في سالفة صارت من زمان ...
جارنا كان موقف سيارتة نيسان لوريل 200l في عز الصيف وكان مقفل كل الشبابيك ولا في اي مجال لتنسم الهوا ... بأمر الله او بفعل فاعل ... الزجاج الخلفي للسيارة مدري كيف اوصف لك كأن صاير انفجار جوا السيارة ... ولا يوجد اثر لأي تدخل بشري !!!
* يوم حجيت قبل كم سنة وكان الجو صييييييف حرررر موب زي الحين ... لما وقفنا سيارتنا في المواقف المخصصة للحجاج .. امرنا العسكري ... بتنسيم زجاج السيارة وعدم ترك اي عطورات داخل السيارة ( العطورات المضغوطة البخاخ يعني ) .. <<< احتمال مع الحرارة الشديدة يزيد الضغط وتنفجر ويزيد الضغط داخل السيارة ولا فية مكان تنسيم << ما اظن ... واقرب قزازة وبوووم !!
.
فما زلت اسمع أصواتهم تهمس في أذني ...
وما زلت استنشق أنفاسهم تعطر المكان من حولي ...
وما زلت أرى خيالهم كلما طرفت عيني ...
دفنت الأجساد ... وبقيت الأسماء...
... وبقي الحب يملأ قلوبنا بالأمل ...
.
رداً على سؤال ((اسم الموضوع )) ..
لا أبداً واستحاله انه يكون خطأ تصنيع ..
يعني لو انها تقنية تصنعها هوندا للمره الأولى يمكن يكون بكلامك نسبة من الصحه لاكن زجاج امامي وعيب تصنيعي من شركة حائزه على جوائز عالميه في الجوده .. مستحيل ..
عالعموم .. أنا ماألومك ان القصه تغبن ..
لكن تأكد من مصدر الخدش وأأكد على (( كل الكلام الي قاله أخوي كوكوكورد )) ^^^^^^
انا ولله الحمد من أوائل من أخذ السياره في السعوديه ما اتوقع يكون خطأ مصنع ..
وعلى فكرة ترا سيارتك 4 سلندر --------->>> المحرك :p
تحياتي لك ..
التعديل الأخير تم بواسطة Black Accord 2008 ; 29-06-2008 الساعة 06:24 AM سبب آخر: هودنا = هوندا (:
المشاركة الأصلية كتبت بواسطة كوكو كورد
شكرا للجميع
طيب وش ايك اني بذاك اليوم خليت هندي يغسل سيارتي عند مستشفى قد يكون السبب مويته الحاره ؟؟
وش رايكم ؟؟
طبعا في عز الظهريه
أتوقع أن سبب هذا مثل ما ذكر الأخوان ...
لكن أن يكون بسبب غسيل للسيارة، فهذا مستبعد تماما حتى ولو تغيرت درجات الحرارة
بين الماء والزجاج فلن تصل إلى مستوى كسر الزجاج الأمامي...
ليكن بعلمك أن الزجاج الأمامي مصمم ليتحمل التمدد والتقلص أثناء تغير درجات الحرارة، لكن التشعر يحصل عندما تكون الزجاجة قد أصابتها حصاة "صغيرة أو كبيرة" المهم أن الزجاجة قد تضررت، ثم تعرضت لضغط داخلي "بسبب الحرارة العالية".
أتمنا أن أكون قد أفدتك
تحياتي لك
وانا بعد مثلك القزازه الي قدام فيها شطوب صغيره مرررره وكان واحد جاي بالمفتاح ولاعب فيها مع العلم اني ماطلعت موتري برا البيت واجد والموتر الحين ماشي 7000 بس ولي مطلعه اكثر من 6 شهور انا مستعد اتفق انا معك ونروح للوكاله
بسئلك سؤال انت تخلي موترك واقف بالشمس لمدة كم يوم يعني ماتحركه ابد
التعديل الأخير تم بواسطة المباشر ; 24-07-2009 الساعة 11:39 AM
888888888888888
انا اول ماطلعتها تشعرت القزازه الاماميه 2008 موتري
احم بحم كحم لحم محم ...
وين يا شباب .. وش دخل الوكاله ...
أنا قزازتي اللي ورا لقيتها متشعره كاااااااااااااااااااامله ... وشلون ليييييييش .. لا وفيه بزارين ياشرون على موتري .. وش معناه
هم اللي كاسرينها ... فهمت تأكد الله يصلحك ولا تستعجل .. وبعدين ترا اللي قدام قوية مره مره مره .. وصعب انها تتكسر بسبب شمس
السلام عليكم
يااخوي قزاز السيارات مصمم على تحمل درجات الحراره العاليه جدا وايضا البروده
فلا يمكن ينكسر من حر وبرد يمكن المشكله زي ماقالوا الشباب:d
يازين الصيانة والضمان
هلابك اخوي
مشكور على الرساله
وياليت نتفق نروح للوكاله ماعندك اي مشكله
لاني متاكد انه خطا صناعي
بس انا الحين مب بالرياض ويمكن ارجع بعد شهر لو ترسلي رقمك على الخاص وانت و العضو momo
لانها قهر والله
انتظركم
التعديل الأخير تم بواسطة المباشر ; 24-07-2009 الساعة 11:40 AM
رقمي تلاقيه عندك على الخاص وانا إن شاء الله براجع الوكاله يوم السبت وبعلمك وش يصير علي
;)السلام عليكمورحمة الله وبركاته
طبعاً عضو جديد بطراقيسه ههههههههههههههههه
المهم بالنسبة للاحتباس والضغط داخل السيارة غير ممكن ابداً لانو الهوندا اتوماتيك مجرد ما تطفي المكيف يفتح الهواء من خارج السيارة وبذلك لايكون هناك اي ضغط داخل السيارة >>> واتمنى انو وصلت المعلومة ولكم احلا تحيه من اخوكم ب د ر 2008
يا خوي الله يرحم والديك تلاقيك طاير عليك حجر و شطب لك الزجاج و بعد فتره كبرت الشطبة
صاحبي عنده اكورد 2008 و لها 5 - 6 شهور و ما صار لها شي و هي توقف في الشمس 24/7 في السنة ؟
ليش عندك صار خطأ مصنعي و هو ما صار له ؟
وصل يعطيك العافيه
وش صار معك ؟؟؟
آسف يا شبااب بس مش ممكن يكون غلط مطبعي >> سوري غلط صناعي :d
لان واحد من ربعي صارتله في 2007 وفي موضوع كاتبه عنه
يقول لان مسحت القزازه والماي بارد والسياره حاره والله مدري المهم وتشعرت
وهذا الرابط حق الموضووع
http://www.hondaarabia.com/club/showthread.php?t=12700
يا خوي قول جات على كذا ولا صار شي ثاني ;)
يا شباب انتو وش حاارق رزكم
<<<اتوقع ان الكلام الي قلتووه يكفي وزياده
<<< هو وغيره مزمين يرحوون للوكاله <<< خلووهم يروحون
يعني بالعربي <<<الفائده وصلتهم
والله كنت ناوي اروح اليوم السبت بس اجلتها كم يوم عندي كم شغله ودي اخلصها اول وبعدها اتفرغ لهم صح
انت وش صار معك للمعلوميه انا كلمتهم وقالو مايشملها الضمان
ضوابط المشاركة
مواقع النشر (المفضلة)