ياشباب عندي استفسار في بنزين السياره والزيت

**أبوسعد999** · 29-06-2008, 08:29 AM

السلام عليكم . إخواني كيفكم . طلع كلام كبير الان حول بنزين 91 و95 وناس تقول بنزين 91 يلعب في السياره وانا سيارتي 2007 اكورد وسألت الوكاله عن البنزين المختص فقالوا 91 لسيارتك وايضا قريته بكتالوج السياره . وش رايكم شباب نستمر على هذا الزيت ولا نروح ل 95 . النقطة الثانية متى زيت القير يغير وهل زيت القير يغير معه فلتر زيت القير ومانوع زيت القير او اسمه وهل فلتر البنزين يغير أيضا وين أفضل مكان اوبنشر او ورشه يغيرون لك هالأمور . تكفون شباب ودي تجاوبون على أسئلتي هذه كلها والله يعطيكم العافيه ويبارك فيكم . أيضا لاأنسى متى فلتر المكيف يغير

.. ودي ياشباب تعلمون بأسعار الفلاتر هذه من الوكاله .

والله يبارك لكم في الذريه وفي حلالكم .

**ACCORD 747** · 29-06-2008, 08:43 AM

صبااح الخيرر يا الغاااالي ...

شوووف أحسن شي إنكـ تعبي سيااارتكـ بنزيـن 95 وعلى فكـرة في موووضووع موجود عـن البنزين لسيارات هونـدا في المنتدى ..

زيـت القيـر يتغير كـل 100,000 ك / م هـذا على كـلام مهنـدس في محـل اسمـه رد كـاب ...

لكـن الأسعـااااار . . .

**الهادف** · 29-06-2008, 09:19 AM

زيت القير اذا طق حدة يتغير كل 60000 كيلو .. وبعد 3 سنوات كل 40000 كيلو .. وخلكم من مهندسي ردكاب

**أبوسعد999** · 30-06-2008, 08:37 AM

الله يوفقكم ياخوان لكن هل من معلومة مزيدة ايضا ولايهون الاخوان ,

**Adviser** · 30-06-2008, 06:45 PM

السلام عليكم
اخوي غير الزيت كل 40000 كيلو
واما البنزين 95

**أبوسعد999** · 01-07-2008, 09:57 AM

مدري ياشباب الالم تحث على بنزين 95 وش رايكم ياشباب الله يعطيكم العافية بكلام الوكاله .

**THE KILLER** · 01-07-2008, 11:18 AM

صراحه انا مستغرب من ردودكم كل واحد يعطينا رد على كيفه واحد 60000 والثاني 100000 والثالث 40000
طيب على اي اساس هالكلام ولا من راسك انت وياه

عالعموم ياخوي بالنسبة للبنزين انا ماستعمل الا 91 ومكتوب بالكاتلوج حق السيارة ولا فيه اي ضرر او مشكلة لان السياره مصنعه على هالاساس
وبالنسبة لزيت القير انا بنفسي سألت مهندس الصيانة بوكالة عبدالله هاشم وقال لي تغير الزيت كل 35000 كم فرع خريص

**الهادف** · 01-07-2008, 05:01 PM

المشاركة الأصلية كتبت بواسطة the Killer

صراحه انا مستغرب من ردودكم كل واحد يعطينا رد على كيفه واحد 60000 والثاني 100000 والثالث 40000
طيب على اي اساس هالكلام ولا من راسك انت وياه

عالعموم ياخوي بالنسبة للبنزين انا ماستعمل الا 91 ومكتوب بالكاتلوج حق السيارة ولا فيه اي ضرر او مشكلة لان السياره مصنعه على هالاساس
وبالنسبة لزيت القير انا بنفسي سألت مهندس الصيانة بوكالة عبدالله هاشم وقال لي تغير الزيت كل 35000 كم فرع خريص

دام انك قريت انك تستخدم بنزين 91 لسيارتك روح ارجع واقراه وشوف كل كم يتغير زيت القير ..
احب اذكرك بنقطة .. مشرف ورشة النادي ما يجيب كلام من راسه .. ولا اقعد اتفلسف لك من شي من عندي .. اذا اعرف اتكلم واذا ما اعرف اقول اني ما اعرف ولا استحي ..

ورجاءً .. لا تستهين بأراء الشباب مرة ثانية .. وخلك من خربطة مهندس خريص

**THE KILLER** · 01-07-2008, 05:39 PM

لا تزعل يا بابا خلاص اللي تشوفه لو تبي الزيت مايتغير ابدا يا مشرف ورشة النادي

**أبوسعد999** · 03-07-2008, 01:08 PM

الله يهديكم ليه الزعل علشان موضوعي .عطوني آرائكم بلاش زعل

**M-53** · 03-07-2008, 01:36 PM

مرررحبا

مافيه اي مشكله بنزين 91 او 95 الفرق عزم افضل لصالح 95 وتوفير في المال لصالح 91

زيت القير على كلام مشرف صيانه الوكاله كل 40000 وحد اقصه 60000

**h0nDa.O7** · 06-07-2008, 04:00 AM

مرحبا شباب كيفكم انشاء الله طيبين
تكلمتوا عن البنزين والزيت بس الفلتر ما تكلمتو عنده ياليت تفيدونا
مع خالص الشكر
تحياتي

**Zero Cold** · 06-07-2008, 08:45 PM

زي ما قال مشرفنا الغالي
زيت القير كل 40.000 كم وأفحص لزوجته زي زيت المكينة
والأفضل إنك تغيره عند الوكالة
بالنسبة للبنزين أنا جربت النوعين و ماحسيت بالفرق
أنا أستخدم 95 عشان الهندي يعطيني علبتين منديل<<تراني أمزح:d
لكن في الخطوط الأفضل 95 لأنه مايحترق بسرعة حسب كلام كوكو كورد
تحياتي;)

**اســــير العيون** · 07-07-2008, 05:58 PM

انا استعمل 91 على كلام الوكاله وزي الحلاوه ماشيه الحمد لله , بالنسبه لزيت القير غيرته عند 50000ومشيت سيارتي حول 130000وباقي لزوجته ممتازه ومحتفظ بلونه , اما عن فلتر الهواء انا سمعت انه يتغير كل 100000كم وسعره في الوكاله ب75 ريال تقريبا وفلتر زيت المكينه ب15 ريال , فلتر المكيف ماعندي فيه خبره ولافلتر القير بس اذا تبغى تغير فلتر القير اسأل المهندس أول انا سمعت يمكن يسبب لك اضرار لأن براد الحديد يكون متجمع مدري وين ههههههههههههههههههههه نااااااسي بالضبط اتمنى مشرفنا الهاااادف يقدر يفيدك في موضوع فلتر القير اتمنى اكون افدتك والشباب يكملون الباااااااقي تقبل مروري .........

**m0ha** · 08-07-2008, 06:38 AM

بالنسبة للبنزين للي يقول انه قرأ الكاتلوج

الكاتلوج مكتوب فيه انك تعبي فئة 91 كحد ادنى مهب انك ماتعبي الا 91

والاهم انه خالي من الرصاص وجميع الفئتين عندنا خاليه من الرصاص

لأن فيه بعض الدول عندهم اقل من 91

**Acc04** · 10-07-2008, 12:01 PM

في هالرابط راح تلقى انواع البنزين بالتحديد لسيارات هوندا من ارامكوا السعودية .. واذا تبي تتأكد اكثر راجع الكتلوج اللي جا مع السيارة
http://www.9195.info/9195/9195/conte...e=HONDA_ARABIC

**أبوسعد999** · 13-07-2008, 03:17 PM

طيب شباب فلتر البنزين ماحد تكلم عنه . وش السالفه

**الأفعوان** · 14-07-2008, 12:42 PM

السلام يا شباب لوسمحتو بشاركم بمعلوماتي المتواضعة
انا ميكانيكي واخذ خبرتي من ذا وذا والي اشوفه منطقي اسويه
زيت المكينة ابدله كل 5000 وبنسبة لزيت القير كل 60000 وعلى فكرة يا شباب لا احد يبدل زيت قير غير هوندا
لان قير الهوندا حساس في هاذي الناحية يعني في مقولة يقولوها عدنا في القطيف الهونداة من اتبد زيته يطيح القير
شي طبيعي اذا بتبدل زيت قير بتنزل زيت الوكالة وبتركب زيت باور الهو الاحمر ابو 6 ريال انتبهو إلا هاذا لا اتركبوه
وحتى ايسي ديلكو الاسود ابو 10 ريال تراه خطير على القير يجوز يمشي بس لا اتجازفو زيت القير للهوندا يجي حوالي 35 ريال للعلبة يعني بياخذ عليك 4 علب موشي اما بنسبة للفتر انا ماسمعت ان في فلتر لقير الهوندا

انزلو تحت السيارة مابتلاقو كارتير كيف يبدلو الفلتر انا خبري مافيه انا فكيت قيور هوندا القير مسكر اصلا مافي غير صرة الزيت اوكي طبعا انا مافكيت موديل جديد بس نزلت تحت سيارتي سيفك 2006 مافي فلتر إلا كان الاكورد غير مع اني اضن نفسه المهم ما اتفلسف بس هاذي معلوماتي واتمنى افيدكم وعلى فكرة الي يبي مكاين لا اياخذ من برا وحتى قيور بعيد الشر عنكم بس عدنى في القطيف ارخاص وحتى لو مافيه يجيبو الك على الطلب يعني سعر القير على حسب الموديل بس ما يجاوز 1500 وحتى المكينة على حسب الموديل طبعا في اقل في جيور 97 مثلا 700 ريال المهم يا شباب وبنسبة للي يرهو ويركبو فيتك لو بغو احد يشغل نضام الفيتك موجود عدنا وانا مستعد اوديكم لباب الورش ما اطول ابي افيد واستفيد وتحياتي للجميع لاتسو معلوماتي على قدي واتمنى اتفيدوني بس ما اظن في فلتر خخخخخخخ

**أبوسعد999** · 14-07-2008, 02:46 PM

شكرا ياخوان على مروركم وزلنا ننتظر معلومات اكثر من اصحاب الخبرة والنظره والتجارب . فيعطيكم العافيه

**اتــشـــــ** · 14-07-2008, 05:09 PM

المشاركة الأصلية كتبت بواسطة الأفعوان

السلام يا شباب لوسمحتو بشاركم بمعلوماتي المتواضعة
انا ميكانيكي واخذ خبرتي من ذا وذا والي اشوفه منطقي اسويه
زيت المكينة ابدله كل 5000 وبنسبة لزيت القير كل 60000 وعلى فكرة يا شباب لا احد يبدل زيت قير غير هوندا
لان قير الهوندا حساس في هاذي الناحية يعني في مقولة يقولوها عدنا في القطيف الهونداة من اتبد زيته يطيح القير
شي طبيعي اذا بتبدل زيت قير بتنزل زيت الوكالة وبتركب زيت باور الهو الاحمر ابو 6 ريال انتبهو إلا هاذا لا اتركبوه
وحتى ايسي ديلكو الاسود ابو 10 ريال تراه خطير على القير يجوز يمشي بس لا اتجازفو زيت القير للهوندا يجي حوالي 35 ريال للعلبة يعني بياخذ عليك 4 علب موشي اما بنسبة للفتر انا ماسمعت ان في فلتر لقير الهوندا

انزلو تحت السيارة مابتلاقو كارتير كيف يبدلو الفلتر انا خبري مافيه انا فكيت قيور هوندا القير مسكر اصلا مافي غير صرة الزيت اوكي طبعا انا مافكيت موديل جديد بس نزلت تحت سيارتي سيفك 2006 مافي فلتر إلا كان الاكورد غير مع اني اضن نفسه المهم ما اتفلسف بس هاذي معلوماتي واتمنى افيدكم وعلى فكرة الي يبي مكاين لا اياخذ من برا وحتى قيور بعيد الشر عنكم بس عدنى في القطيف ارخاص وحتى لو مافيه يجيبو الك على الطلب يعني سعر القير على حسب الموديل بس ما يجاوز 1500 وحتى المكينة على حسب الموديل طبعا في اقل في جيور 97 مثلا 700 ريال المهم يا شباب وبنسبة للي يرهو ويركبو فيتك لو بغو احد يشغل نضام الفيتك موجود عدنا وانا مستعد اوديكم لباب الورش ما اطول ابي افيد واستفيد وتحياتي للجميع لاتسو معلوماتي على قدي واتمنى اتفيدوني بس ما اظن في فلتر خخخخخخخ

صح لسانك اخوي الافعوان

ومو بس القير ياشباب .... حتى طرمبة الدركسون اذا حطيت لها زيت غير زيت الهوندا ..... بتنعدم عليك

القشطة زيت القير وزيت الدركسون لاتستخدموا الا الاصلي .... وبس