طيب اوكي اعطوني المايك

انا ابي اتكلم من واقع تجربة

حبيبي من قلك انك لازم تواضب على الصيانه ---- ماادري اذا كان في فرق بين فرع وآخر هذا والله أعلم
انا دافع فلوس وضماني الـــ 60 الف بعد كذا مالهم شغل في

انا دخلت سيارتي على صيانة 1000 ولــ 5000 بس

لما وصلت السياره مايقارب 20 الف كان الدركسون مشقق رحت للصيانة قلتلهم الجلد تشقق قلي دخلها صيانة 20 الف ويصلحونها
قلتله لا ابيكم تغيرولي الطاره ماابي اسوي الصيانة =====> صرفته قلتله اجيكم بعدين:d
قلي اوكي خليتها عندهم موقفه في اليوم الثاني الظهر لما جيت استلم السياره طلع مغيروها
قالولي القطعه مااهي موجوده في قطع الغيار رحت حجرت للهندي قلتله يالله نمشي انا وياك قطع الغيار ولا حصلنا القطعه رحت
قلتله مو شغلي غيرها الحين وفي نفس اليوم غيروها

لما وصلت سيارتي 37 سوووووووووويت حادث طبعا السياره اخذت شهر ونص في الورشه
اول ماطلعتا كان عندي صوت رجه وازعاج لما اضرب البريك قلت ممكن فحمات مريتلي كم ورشه وقلولي ماينفع خرط وثاني شي عندك الهوب اللي على اليسار ( مكان الصدمه ) مشعوووووووور يعني كسر بسيط
رحت اسعر الهوبات طلعت الواحد 260 تقريباً
قلت خلني اجرب مالي الا الوكاله
رحت ودقيت عليهم
الو........... السلام عليكم
الموظف : وعليكم السلام
قلتله حبيت استفسر الهوبات يشملها الضمان قلي اي يشملها الضمان
رحت وديت السياره وانا خايف انهم يقولي السياره جاتها صدمه والا يتصلون علي اليوم اللي بعده يقولي تعال استلم السياره لما كلموني قلولي ايش رايك نحجزلك لصيانة 40 الف قلتله لا مشكوووور ماتقصرون ماابي:d
طبعا لما وصلت السياره 57 نويت اسوي صيانة 60 الف قبل مايخلص الضمان وانا اصلاً بحياتي ماسويت الا صيانة 1000 ولـ5000
دخلت السياره وخليتهم يغيرولي كراسي المكينه والبورررررررري لان البوري كان خربان عندي

وهذي القصه من طقطق لسلام عليكم

ابي اعطيكم اياها من الآخر
المشكله واحد من اثنين
يامن الفرع يعني فرع عن فرع يختلف
ولا يبيلك تنشبلهم ========> وانا ارجح هاذي

على طاري الهوبات العضو المؤسس دحوم مره قابلته وقلي غير الهوبات على حسابه انا انصدمت قلتله انا توي مغيرها على الضمان اعطيته الفاتوره وورقة الصيانه حقت تغير الهوبات وقلي ابي اروووووح اراجعهم وماادري ايش سوا

بطل القصة: اتز مي
الموقع : وكالة عبدالله هاشم فرع الدمام

تحياتي للجميع