ممكن مساعده بالنسبه لصرة الزيت

**حسام أحمد** · 03-07-2008, 01:02 PM

السلام عليكم
أتمنى اني أكون ضيف خفيف عليكم
انا عندي اكورد 2006 وطبعا مثل ما الكل عارف ان فرع الدمام للصيانه لازم تروح بموعد كأنك في مستشفى اسنان المهم اني زهقت من المشاوير وقمت ابدل الزيت عند أبو يمن واللي صار انه شد على الصره واجد فلما جيت ابدل الزيت مره ثانيه عيت تفتح عندي ولوصت يعني انه لما يحاول يفتحا تدور الصره بس ما تفتح بس مو عارف وش الحل لهذي المشكله إذا ما عليكم امر تساعدوني الله يجزاكم الخير

**hmh023** · 03-07-2008, 01:34 PM

غيرمسمار صرة الزيت قيمتها ماتتجاوز 10 ريال تقريباً من الوكاله

**M-53** · 03-07-2008, 01:46 PM

مرررحبه

اذا قصدك مسمار السره انعدم وجها والمفك يدور بوش يعني يدور على الفاضي
جيب حبه مفتاح تومتيك اصغر بحاجه بسيطه من مسمار السره وركب الحبه على المسمار واضربه بشكوش براحه الى ان تثبت الحبه وتكون ماسكه على المسمار جيب مفتاح التماتيك او مفتاح عادي وفك مسمار السره

**حسام أحمد** · 03-07-2008, 01:46 PM

اخواني اشكركم على التفاعل لكن
المشكله ليس مو في ثمن الصره المشكله انه لما نبغا نشيلها ما تطلع تجلس تفتر محلها لكن ما تطلع حاولنا نضربها بسكروب ونضغط عليها لكن مافي فايده المشكله انه يدور لكن السنه حق الكارتير او السره وحده فيهم انعدمت وعلى كذا السره تدور كأنها ملوصه

**M-53** · 03-07-2008, 02:03 PM

مرررحبا

اذا كان قصدك نفس الفتحه انعدمة فيها السنه والمسمار في مكانه يدور

جرب ركب مفك عادي بين المسمار و اسره واضغط عليه للأسفل وحاول تفك المسمار وانت شاد على المفك العادي للأسفل

اذا مانفع معك روح الصناعيه يحفرونه لك بدريل ويسون لك السنه من جديد وجيب مسمار سره اكبر شوي عشان فتحتة السنه راح تتوسع

**hmh023** · 03-07-2008, 02:06 PM

واذا تبي الحل الامثل
روح غير الزيت مع الفلتر في الوكاله وهم حيفكوه بطريقتهم ويركبو واحد جديد

**حسام أحمد** · 03-07-2008, 02:07 PM

اشكرك اخي الغلي على التفاعل معي لكن عندي سؤال اتحملني شوي
في حاله غيرت السره إلى وحده اكبر لو في يوم خربت السره الكبيره هل من السهل الاقي مثلها وهل في سيارات تختلف احجام السره فيها
ولك جزيل الشكر واسمح لي على الاطاله
اخوك حسام احمد

**الهادف** · 03-07-2008, 02:54 PM

المشاركة الأصلية كتبت بواسطة حسام أحمد

اشكرك اخي الغلي على التفاعل معي لكن عندي سؤال اتحملني شوي
في حاله غيرت السره إلى وحده اكبر لو في يوم خربت السره الكبيره هل من السهل الاقي مثلها وهل في سيارات تختلف احجام السره فيها
ولك جزيل الشكر واسمح لي على الاطاله
اخوك حسام احمد

تقدر تلاقي صرة مقاس اكبر واذا ما حصلت في شي يسمونه Plug او سدادة .. متوفرة في محلات مواد البناء بمقاسات مختلفة ..

**اكوردي 2004** · 03-07-2008, 03:00 PM

المشاركة الأصلية كتبت بواسطة حسام أحمد

اشكرك اخي الغلي على التفاعل معي لكن عندي سؤال اتحملني شوي
في حاله غيرت السره إلى وحده اكبر لو في يوم خربت السره الكبيره هل من السهل الاقي مثلها وهل في سيارات تختلف احجام السره فيها
ولك جزيل الشكر واسمح لي على الاطاله
اخوك حسام احمد

لما يفك العامل الصرة القديمة راح يأخذ مقاس مكان الصرة ويقص عليها > ولما تروح لمحلات قطع الغيار راح تلاقيها .> صرت لي نفس حكايتك