غيرمسمار صرة الزيت قيمتها ماتتجاوز 10 ريال تقريباً من الوكاله
السلام عليكم
أتمنى اني أكون ضيف خفيف عليكم
انا عندي اكورد 2006 وطبعا مثل ما الكل عارف ان فرع الدمام للصيانه لازم تروح بموعد كأنك في مستشفى اسنان المهم اني زهقت من المشاوير وقمت ابدل الزيت عند أبو يمن واللي صار انه شد على الصره واجد فلما جيت ابدل الزيت مره ثانيه عيت تفتح عندي ولوصت يعني انه لما يحاول يفتحا تدور الصره بس ما تفتح بس مو عارف وش الحل لهذي المشكله إذا ما عليكم امر تساعدوني الله يجزاكم الخير
غيرمسمار صرة الزيت قيمتها ماتتجاوز 10 ريال تقريباً من الوكاله
مرررحبه
اذا قصدك مسمار السره انعدم وجها والمفك يدور بوش يعني يدور على الفاضي
جيب حبه مفتاح تومتيك اصغر بحاجه بسيطه من مسمار السره وركب الحبه على المسمار واضربه بشكوش براحه الى ان تثبت الحبه وتكون ماسكه على المسمار جيب مفتاح التماتيك او مفتاح عادي وفك مسمار السره
اخواني اشكركم على التفاعل لكن
المشكله ليس مو في ثمن الصره المشكله انه لما نبغا نشيلها ما تطلع تجلس تفتر محلها لكن ما تطلع حاولنا نضربها بسكروب ونضغط عليها لكن مافي فايده المشكله انه يدور لكن السنه حق الكارتير او السره وحده فيهم انعدمت وعلى كذا السره تدور كأنها ملوصه
مرررحبا
اذا كان قصدك نفس الفتحه انعدمة فيها السنه والمسمار في مكانه يدور
جرب ركب مفك عادي بين المسمار و اسره واضغط عليه للأسفل وحاول تفك المسمار وانت شاد على المفك العادي للأسفل
اذا مانفع معك روح الصناعيه يحفرونه لك بدريل ويسون لك السنه من جديد وجيب مسمار سره اكبر شوي عشان فتحتة السنه راح تتوسع
واذا تبي الحل الامثل
روح غير الزيت مع الفلتر في الوكاله وهم حيفكوه بطريقتهم ويركبو واحد جديد
اشكرك اخي الغلي على التفاعل معي لكن عندي سؤال اتحملني شوي
في حاله غيرت السره إلى وحده اكبر لو في يوم خربت السره الكبيره هل من السهل الاقي مثلها وهل في سيارات تختلف احجام السره فيها
ولك جزيل الشكر واسمح لي على الاطاله
اخوك حسام احمد
مواقع النشر (المفضلة)