والله اكيد مالك الا تروح الورشه واتوقع شغلتك بسيطه لكن الظاهر انك لاعب فيه من قبل ( زنون )
على العموم عندك الشباب ماشالله عليهم ماهم مقصرين معك اصبر الكل نايم اللحين :d
السلام عليكم ..
تحية طيبة وبعد ..
والله مالها داعي أول موضوع لي يكون استفسار عن مشكلة :( ..
لكن أوعدكم ان تكون هناك مواضيع تثري الساحة الهونداوية قريبا :d ..
- -
عندي أكورد 2006 .. والنور عندي واحد طاير فالسماء والثاني طايح فالأرض ..
قريت موضوع هنا عن وزن النور .. وحاولت اوزن النور لكن مافيه نتيجة ..
واكتشفت ان المحول الكهرب اللي يرفع النور وينزله .. يدور على الفاضي ..
أقصد اني من الفيش اللي داخل السيارة لما أغير الوزنية اسمع صوت المحول
لكن النور مايتحرك ابدا ..
فأبي مشورتكم .. هل فيه طريقة اني اقدر اصلح النور بنفسي .. او تنصحوني بورشة شغلها نضيييف ..
- -
ودمتمـ سالمينـ ..
Abdulmajeed
والله اكيد مالك الا تروح الورشه واتوقع شغلتك بسيطه لكن الظاهر انك لاعب فيه من قبل ( زنون )
على العموم عندك الشباب ماشالله عليهم ماهم مقصرين معك اصبر الكل نايم اللحين :d
صراحة بتنجن لين يجيك رد على الموضوع هذا بالتحديد
اسال مجرب انا الي حاط ومضوع قبل وللحين انتظر
اعانك الله
بس بسألك انت متأكد ان كل المحولات تشتغل
ان كانك متأكد انها تشتغل (صوت يعني) بس( كل الجهتين )
وقف سيارتك قدام جدار حط الواطي وحرك الوزنية الإلكتورنية
تحركت كل الجهتين (مزبوط) تمام يعني ما تحركت الا وحدة علمني
(عندي اقتراح من واقع خبرتي );)<<<<< بعد المحاولات اليائسة:(
انتظرك
طيب انت مركب زينون
هلا بكم شباب ..
لاوالله ماركبت زنون ابدا ..
أخوي h0nDa.O7 .. انا سويت كذا وقفت الموتر قدام الجدار وحركت الوزنية .. واسمع صوت فقط بدون مايتحرك النور ..
والصوت جاي من اليمين فقط .. <<< انا افكر انه يجي محول واحد بس ..
انتظر رايك .. على العموم انا بكره بروح للوكالة اللي فالصناعية القديمة .. <<< يقولون اقل زحمة ..
وراح اوافيكم بالتفاصيل ..
ودمتمـ سالمينـ ..
تجربتي ..
الخميس الماضي .. في تمام الساعة السابعة ونصف .. وأنا عند باب الوكالة فرع خريص ..
وأدخل على المهندس السوداني .. وقلت له أبغى أوزن النور .. سألني مركب زنون قلت نعم ..
قعد يتفلسف ويقول إن إنتشر الزنون مو مثل انتشار الهالوجين ..
وكذا يصير النور مشتت .. ولا أضبط لك الوزنية ..
المهم دخل السيارة بالبدروم ,, وجاء باكستاني .. وضبط لي الوزنية .. وببلالالالالالالالالالالالالالالالالالالاش ..
اذا على كلامك أن الوزنيه ماضبطت وتحس بفراغ يعني تفر ولايتحرك .. فما ودي أقولك ان المشكله عويصه :( لأن السالفه الحين سالفة معقده شوي .. روح للوكاله أو لأي كهربائي فنان ..
اسمع اتوقع ان مشكلتك هي ان الوزنية الالكترونية منفصلة
وشلون تحلها
انا بعد الحوسة في الايام السابقة وبعد المحاولات اليائسة اكتشف انك تقدر تفصلها وشلون بس فرة بسيطة
افتح الكبوت ناظر الشمعة يمين السيارة يعن الي بعيدة عن البطارية (اوضح لك) امعن النظر تلقا فيها سلكين شابكات واحد معروف و مبين بتاع النور العالي ماعلينا منه الثاني هو الزبدة تلقاه موجود واضح محلة مرتفع تحس انة بتاع لمبة الاشارة هو شكلة غريب المهم حاول تفرة بس صراحة من وين تفرة نسيت بس اتوقع 80% مع عقارب الساعة بعد ما تفرة سيبو يعني خلاص لا تحاول تتطلعة لا نة ما يطلع
الحين رح وجرب الوزنية تلقاها منفصلة عن الكهرب يعني (جثة هامدة) هذا بالنسبة للشمعة الي الوزنية بتاعتا شغالة واذا صارة منفصلة الحل معروف فره بسيطة يعني سو عكس للموضوع وبس
واي استفسار انا حاضر
اخوي
Abdulmajeed
ننتظر رد الوكالة
تحياتي
اشكركم ياشباب على المرور ..
واعتذر جدا على التأخير ..
رحت للوكالة وعطوني موعد يوم السبت ..
وان شاء الله يوم السبت اشرح اللي صار بالكامل ..
طيب ياخوي رح الوكاله
اهلاً بكل ألأخوان اللي شرفونا بالردود ..
رحت للوكالة امس وصار عندي مشكلتين الأولى :
المحول الشمعة اليسار مسروقة !!! يعني مافيه محول ..
والشمعتين كلها يبيلها تغيير لأن الكلبسات اللي شايلتها متكسره ..
ووزن ولي وزن مؤقت .. وقال لاتحرك الوزنية من الداخل .. عشان ماتخرب الوزن ..
عاد انا حاليا بدور لي شمعتين ومحول .. وبس ..
اي استفسار او واحد عنده نفس مشكلتي .. يتفضل يمكن افيده <<< تلكع :d
تحياتي للجميع
ودمتم سالمين
مواقع النشر (المفضلة)