وسوسة أو مشكلة ..... حيرتني

**fouade** · 15-07-2008, 01:49 AM

السلام عليكم

أولا أوصل سلامي للأعضاء هذا المنتدى الرائع

انا املك الملكة سبشل ولله الحمد

بس تطلع لي بعض الوساوس

زي القير احسه مرة خفيف يتحرك بسرعة و مرة احسه قوي ومرة خفيف ماتدري كيف

الشيئ الثاني لما اشغل المكيف تغييرات النمرات تكون مرررة ثقيلة السيارة تقعد تحن بعدين تغير

مافيه استجابة للدعسة يعني ادعس احسها تتاخر ثواني بعدين تقوم

فما ادري هل هاذي طبيعية في الأكورد 2008 او هي وسوسة

أرجوكم ردوا بما يكون مفيدًا

ودمتم....

**accord 2007** · 15-07-2008, 02:17 AM

القير احسه مرة خفيف يتحرك بسرعة و مرة احسه قوي ومرة خفيف ؟؟؟؟
طبعا انا اقلك ليه مره تحسه ثقيل مره خفيف يعتمد على المكان اللي انت موقف فيه متساوي مرتفع نازل
لان ثقل السياره لما انت توقفها يكون على القير

الشيئ الثاني لما اشغل المكيف تغييرات النمرات تكون مرررة ثقيلة؟

هذا شي طبيعي بس متى في بدايات تسارع السياره يعني من 0 - 100.

بس حبيت اقلك من الاخير لاتوسوس كثير اغلبها عاديه

هذا اللي عندي والله أعلم

تحياتي لك

**SAUD** · 15-07-2008, 03:12 AM

حبيبي انت مغير الزيت ؟؟؟

اقصد مستخدم زيت غير زيت هوندا ؟؟؟

انا كان عندي نفس المشكله يوم رجعت لزيت الوكاله حسيتها رجعت طبيعيه

**MA6ANSH** · 15-07-2008, 04:23 AM

عادي يا رجال كل السيارات كذا لا تخاف ..

شكلك ما قد شفت قومة المرسيدس كيف تجيب الهم .

**هناادي** · 15-07-2008, 04:30 AM

لا عاديه

وانصحك انك ما توقف على القير لانه يضرة

وقف واول ما توقف حط السيارة بالإن وبعدين اربط الجلنط لين تحس السيارة مسكت
وبعدين حط القير بالبي

واذا جيت تمشي نصيحه لا تفك الجلنط حتى تحط القير على آر اذا كنت بترجع او دي
اذا بتمشي قدام وبعدين فك الجلنط