رد مع اقتباسانواع الضحك الله يرجك وانواع التقلب وانواع الازعاج في البيت ههههههههههههههههههههههههههههههههههههههههههههههه
بصراحة اشهد لك بالتحشيش الله يرجك يا الخبل..
ههههههههههههههههههههههههههههههه :d..
(قصة) صيانة 10 آلاف في البحرين
بسم الله الرحمن الرحيم
و به نستعين ولا عدوان إلا على الظالمين
<<< داخل متحمّس :d
هذا أول موضوع لي في هالمنتدى اللي مرة كتير كويّس << أبووك يا اللغة
طبعا ً مثل أي مالك لهوندا أكورد في المنطقة الشرقية.. أنا عانيت عشان أسوي صيانة 10.000 كلم لسيارتي
طبعا ً أنواع التلطيع.. والتسحيب فيني...
وش رايكم أكتب لكم السالفة على شكل قصة ؟؟ <<< صدز محشش :d
يوم الأثنين الضحى بالسوق جاني... لابس(ن) له برقع(ن) من دون شيلة
شطحة أليمة ما لأمها داعي... بس جت في بالي :d
....القصة....
تدور أحداث هذه القصة خلال الأسبوع المنصرم حتى يومنا هذا
الفصل الأول
(( طموح شاب سعودي ))
محشش أفندي شاب << طفّوه خخخخخ... شاب سعودي موظف..كانت من أولوياته أن يقتني سيارة يابانية من عائلة هوندا تسمّى أكورد << نعنبو التشويق.... في يوم الأثنين إللي فات رحت للفرع الرئيسي لوكالة هوندا في الدمام << حوّل على العامّي.... دخلت على الصيانة واحسب إنّي داخل بنك من كثر إللي جالسين يطالعون في شاشة الأسهم على العربية... المهم سلمت وسألت الشخص إللي على اليمين وإن داخل ووجهك جنوب << يوصّف بيت :d... قلت له أبي أدخّل سيارتي صيانة عشرة آلاف كيلومتر.. قال لي وهو يطالعني كأني سابّه... روح للشباب إللي هناك ويأشر لي على الشباب إللي في وجهك وإنت داخل... سلّمت عليهم وقلت لهم معاي اكورد 2008 أبغى أسوي صيانة 10 آلاف... قال لحظه.... طق طق طق << هذا هو يطقطق على الكيبورد... قال ثلاث أسابيع...قلت شدعوه تنتظرون نتايج إختبار القدرات :d... طالعني وقال والله يا خوك في ضغط علينا.. واذا تبي أحجز لك موعد أبشر... قلت لا أبد سلامتك... قال صح لسانك فالك البيرق خخخخ...لوّحت إليهم مودّعاً << رجع للفصحى :d.. وأنا أفكّر في فرع الصيانة في مدينة الجبيل حيث أعمل... فـقمت بالإتصال على المهندس محمد سراج (هندي الجنسية) وأبلغته بما لدّي وقال لي انتي يجي بعد اتنين سبوع... تف عليك يا أبو هنود ما عاد إلا تقول لي (إنتي)؟؟
أقفلت السماعة بعد أن ضاقت بي الدنيا وأنا أعلم أنّ طموحي قد قتل بأنّي لن أدخل سيارتي العزيزة من أجل الصيانة الدورية لها...
فأغلقت الموضوع لحين آخر... وذهبت مسرعا ً إلى القهوة حيث كنت بحاجه لرأس تفاحتين بعد كل هذه الأحداث المأساوية
الفصل الثاني
(( فكرة بـ ألف فكرة ))
بعد يومين من الزمن << أبوك يا طريقة السرد... يأتي صوت مدوّي
جمممممممممممر جمممممممممممممممممر... كان هذا بطلنا محشش أفندي ينادي على العامل في قهوة الديوان لكي يقوم بتعديل الرأس واستبدال الجمر...
ولد عمّي : هاااااه بشّر دخلت سيارتك ؟؟ وإلا للحين إلا على فكرة كم مشت للحين ؟؟
أنا : لا والله أنواع التسحيب في الزباين... سيارتي للحين ماشية تقريبا ً 16000 كيلو
ولد عمّي : أووووووووف وللحين ما غيّرت الزيت ولا الفلتر ؟
أنا : لا.. كلها هنا... الخبر الدمام العزيزية
ولد عمّي : ودّها للسعادة و فك عمرك.. وخل عنك الوسوسه
أنا : لا يا خوي سيارتي جديدة ولا ودّي أوديها للورش أغار عليها :o
محشش ياااااااا خووي إنتبه للشيشة بغيت تقلبها علينا... شفيك فزّيت فجأة << كيف بالله فجأة :d
أنا : أذكر في المنتدى إنهم قالو عادي الواحد يودّي سيارته للبحرين للتشييك...
Connected << هذا بعد ما شبكت الكونيكت حقّي في القهوة :d
وهاهو بطلنا يحوس ويحوس في منتدى محبي هوندا ويحصل على رقم الوكيل في البحرين... من قسم الصيانة :d
طن طن طوووط طن طن طن طن طن طوووط << صوت الأرقام خخخخخخخخخخخخخخ
الشركة العالمية للسيارات مرحبا... السلام عليكم... هلا فيك يا الشيخ... هلا بك أختي أبغى أفتح ملف لسيارتي وأدخلها عندكم للتشييك... طيّب يا الشيخ... أوكي.... #$#@$@@#$%$#$%####$%##$%# هذي كانت معلوماتي مالها داعي أقعد أفضـّـح خخخخخخخخخخخ
بس أختي ممكن سؤال ؟ تفضل.... متى أقدر أدخّل سيارتي وكم تآخذ وقت ؟ ينفع باجر الخميس ؟ هااااه
المشهد الثالث
(( مملكة الناس الطيبين ))
المشهد طويل شوي ;)
تلللللن تلللللللللللن... كان هذا صوت المنبه في هاتف بطلنا... آآآآآآآآآآآآآخ الواحد ما نام زين بس كلووو لعيون الهنادي يهون :o...
طااااااااااااااااااااااااط يااااخي افتح الخطوراي مشوار للبحرين.. يعني من بعدها ؟؟؟ :d
عند الاشارة تكون الساعة التاسعة صباحاً طووط
:d
وش ذا الزحمة
عند الاشارة تكون الساعة العاشرة صباحاً و ثلاثوث دقيقة و 20 ثانية طووط
ما بغينا نطلع من ذا الزحمة :(....
طن طن طوووط طن طن طن طن طن طوووط << صوت الأرقام خخخخخخخخخخخخخخ
هلا فيك أختي معليش أنا تأخرت في الزحمة وياليت توصفون لي مكانكم.....اهااا اهاااا اممممم اهااا << يسمع الوصف :d... أوكي يعطيك العافية وش اسم الشخص ؟؟ جمعه محمد ؟؟ أوكيك
السلام عليكم... الأخ جمعه ؟ هلا فيك يا الشيخ تفضل.. سلامتك اخوي أنا فتحت ملف للسيارة وحجزت موعد عشان أدخلها تشييك الـ 10 آلاف... بس أخوي الساعة ألحين 10:55 واليوم نص دوام.. والله الدنيا زحمة ولا قدرت أوصلكم إلا لما ضعت لي ربع ساعه عن الخاطر :d... لحظه أخوي خلني أشوف المهندس.. (( مكالمة مدتها دقيقة ))... خلاص أخوي إن شاء الله يخلصونها لك على الساعة 12 ونص وإلا 1 بالكثير... ما قصرت أخوي جمعه... بس هل فيه ليموزين عشان أروح السيف آكل لي حاجه وأشرب لي كافي... لحظه أخوي... (( أتصل جمعة بليموزين البحرين وطلب لي سيارة.. بس قالو راح تتأخر ربع ساعه )) قلت له خلاص كنسل بأروح أتمشى في الصالة وإذا فيه صالة إنتظار ما عندي مانع... أكيد يالشيخ... في صالة انتظار فيها تلفيزيون وكمبيوتر فيه انترنت... يعطيك العافية أخوي.. لحظه اخوي... السيارة راح تكلفك 32 دينار... أوكي يعطيك العافية.. عفواً يا الشيخ لو بغيت فيه كافي ماشين ببلاش هناك لو حبيت تآخذ لك اللي تبي ولو تبغى ساندويتش راح أرسل لك العامل... لا لا ما قصرت يا خوي...
الساعة الواحدة بعد الظهر وعشرة دقائق....
محشش يحوس في الوكالة.. ذبحه التاخير
يتقدم إليه أثنان من الموظفين ( غير جمعه ).. هلا آمر يا الشيخ ؟ لا أبد أنتظر سيارتي تخلص... طّيب ممكن أشوف الورقة... تفضل... ثواني أخوي أستريح وأنا بأروح أخليهم يسوون لك الفاتورة تدفعها و راح أخليهم يجيبون لك السيارة بعد الغسيل.. لا ما يحتاج.. غسلتها قبل أجي هنا.. متاكد يا الشيخ ؟؟ ايه أخوي...
بعد خمس دقائق تلوووووح في الأفق مقدمة الهنادي بعد أن تمت لها الصيانة وهي معززة ومكرمة.. حتى أن السائق كان يضع حزام الأمان
تفضل أخوي هذي سيارتك.. وإحنا آسفين على التأخير بس الفلبيني أخذ نص ساعه غداء
لاوالله ما قصرتو.. أكرمكم الله << عفسها بالأخير :d
: ما يستفاد :
1. وكيلنا كيف الحال ؟؟؟؟
2. الموظفين في الوكالة في البحرينقمممممة الأخلاق ((مع إختلاف المذهب)).
3. اللي يبي يسوّي تشييك لسيارته لا يرده إلا الجـسـر :d
4. كم مرة كتبت الشيخ :d ؟؟؟
إللي يبي يرد على الموضوع هلا به.... وإللي ما ودّه براحته لا يرد عليه <<< بيت شعر :d
ومع السلام عليكم
التعديل الأخير تم بواسطة محشش أفندي ; 18-07-2008 الساعة 01:51 AM
انواع الضحك الله يرجك وانواع التقلب وانواع الازعاج في البيت ههههههههههههههههههههههههههههههههههههههههههههههه
بصراحة اشهد لك بالتحشيش الله يرجك يا الخبل..
ههههههههههههههههههههههههههههههه :d..
accord05
هلا وغلا يا خوي... دووووووووم هالضحكة إن شاء اللهالمشاركة الأصلية كتبت بواسطة accord05
شهادة كبيره من معاليكم الكريه يؤؤؤ أقصد الكريم
<<< أول واحد ترد عليه.. قال خلني أحط عليه شوي :d
أبشر بالمواضيع اللي تشرح صدرك... بس مع صيانة السيارة لووووووووووووول
تسلم على الرد
ما شاء الله علييييييييك يا بطل يا محشش أفندي ..... بصراحة سردك للقصة ابداع(ن) في ابداع ... تنفع سارد للقصص<<<<<خوش وصف والله:d
مقتطفات من اللي ضحكني أكثر شي
(واحسب إنّي داخل بنك من كثر إللي جالسين يطالعون في شاشة الأسهم على العربية,,,قلت شدعوه تنتظرون نتايج إختبار القدرات ,,,كنت بحاجه لرأس تفاحتين بعد كل هذه الأحداث المأساوية,,,ينفع باجر الخميس ؟ هااااه
وبصراحة صدقت في الخلاصة 100%
أما كلمة الشيخ تعبت أعد كم وحدة :d
وبالأخير حبيت أقول لك بكل كل صراحة أن الشعب البحريني أفضل منا في الأخلاق واللي أخلاقه توب تلقاها توب مع جماعته وغيرهم ...بالعربي ما يهمهم لا منطقة ولا دين ولا مذهب ....يعاملك كإنسان فقط لا غير
مشكووووووووووور يا محشش على القصة التحفة
محجوب
أهلا ً هلابك يا بعد كل من لي...يا أغلى من الغالي يا روح روحي << ماسكة غلط:d
ميرسوو والله على الكلام إللي قلته ... لكن وش معنى سارد ؟؟خخخخخخ :d
مقتطفات من اللي ضحكني أكثر شي
(واحسب إنّي داخل بنك من كثر إللي جالسين يطالعون في شاشة الأسهم على العربية,,,قلت شدعوه تنتظرون نتايج إختبار القدرات ,,,كنت بحاجه لرأس تفاحتين بعد كل هذه الأحداث المأساوية,,,ينفع باجر الخميس ؟ هااااه
تبيهم خذهم خخخخخخخخخخخخخخ
القلوب عند بعضها يا حبي لك :o <<< قـلب للرومنسية خخخخخخخ
حتى أنا :d... ما أدري كم عددهم والله :d
وبالأخير حبيت أقول لك بكل كل صراحة أن الشعب البحريني أفضل منا في الأخلاق واللي أخلاقه توب تلقاها توب مع جماعته وغيرهم ...بالعربي ما يهمهم لا منطقة ولا دين ولا مذهب ....يعاملك كإنسان فقط لا غير
كلامك 100000 % صح.. أنا سمعت هالكلام... وبصراحه ما شفت منهم إلا كل خير ومعاملة طيبه... بدون تعصّــب... إلا ناااااااااااااااااااااااااااااااادراً
العفو يا خوي محمـيحــو << خوش دلع خخخخخخخخخخخ
مشكووووووووووور يا محشش على القصة التحفة
حيّـــاكـ... وتسلم عـهـ الرد السنع <<< ماسكه بحريني خخخخخخخخ
احسن شي فوائد القصه الي هي وكيلنا كيف الحال
هههههههههههههههههههههههههههههههههههههههههه
وربي كاااااااااااااااااااااااااااااااااااااي لليل خخخخخخخخخخخخخخخخخ
ياخي ماشاء الله .. عليك تحشيش بالكلام هع هع
والزبده و مافيها .. ان وكيلنا الله يستر عليه فااااااااااااااشل .. مع الاسف الشديد
الله يعينكم عليه ..
يعطيك العافية على القصة
شباب وش فيكم ماسكين على وكيلنا
شوفوا كم واحد معه هوندا عندنا في السعودية وشوفوا كم واحد عنده هوندا في البحرين
اكيد راح تلاقي النفسيات حلوه في البحرين والخدمه ابداع بسبب قله العملاء
لكن عندنا ما أقول الا الله يعينهم
^^^^^^^^^^^^^^^^^^^^^^^
لا يكون هذي مشكلتنا؟؟
المفروض بما أنهم (وكالة) يعرفون وش اللي المفروض يسوونه ... واذا على سالفة أن دايما زحمة .....بسيييييييطة ... يسووا زيادة في عدد الفروع أو الموظفين يعني شوف فرع الكباري مثلا(الدمام,الخبر,القطيف,صفوى,سيهات,......)كلهم يروحوا لهالفرع............الزبدة : يقدر وكيلنا يحل كل هالمشاكل بالراحة بس السالفة يبغا لها أنه يفك يده شوي بس ....مع أنه لو يفكر صح كان يعرف أنه بيربح عدل من ورا هالسالفة
اما يفك يده فذي كثر منها خخخخخخخ
^^^^^^^^^^^^^^^^^^^^^^^
لا يكون هذي مشكلتنا؟؟
المفروض بما أنهم (وكالة) يعرفون وش اللي المفروض يسوونه ... واذا على سالفة أن دايما زحمة .....بسيييييييطة ... يسووا زيادة في عدد الفروع أو الموظفين يعني شوف فرع الكباري مثلا(الدمام,الخبر,القطيف,صفوى,سيهات,......)كلهم يروحوا لهالفرع............الزبدة : يقدر وكيلنا يحل كل هالمشاكل بالراحة بس السالفة يبغا لها أنه يفك يده شوي بس ....مع أنه لو يفكر صح كان يعرف أنه بيربح عدل من ورا هالسالفةومنها كمان يكسب اجر ويوظف الشباب اللي مو محصل وظايف
ويارب ارزقني وارزق مني
أنا مع اخوي الخفي ومعك يا خوي محجوب ...
انا اتفق مع اخوي الخفي بأن مراكز الصيانة عليها ضغط ماهو متوقع .. كيف؟؟
أتحداكم من موديل 2002 ونازل كان فيه زحمة .. مافية ابد وهوندا ذي كنت ما اشوف لها الا النماذج الاختبارية ... على قولتهم سيارات المستقبل الي كلها قزاز :d...
ومعك يا خوي محجوب ..
الحين خلاص المفروض تكون فيه مشاريع لزيادة عدد الفروع ويشوفون موظفين( اوادم) ..ماهو واحد ينفخ علي ...
بشكل عام تحمدو ان عندكم مراكز صيانة اقل شي فيها عمال ...:p
عندنا في الجنوب ورشة لهوندا ... قسم با الله لوتشوفون كيف يتجمعون الثلاثة العمال <2باكستاني 1 فلبيني :d
اذا يبي يسوي فحص بالكمبيوتر تقول ذولا من الجاهلية ماعمرهم شافو شاشة كمبيوتر >>تبون الصدق لأن توه جاي الجهاز :p
وتموتون ضحك على طريقة الفحص بالكمبيوتر طريقة اقدر اوصفها بالغباء الفاحش
واسف يا صاحب الموضوع ..
يعني اللي يفكر الحين يسوي صيانة قبل مايطلع من البيت ياخذ الجواز وياه
خربوها معاك عبدالله هاشم ( امسك الخط ووينك يالجسر )
يعطيك العافية يارب
لا والله إلا تفقعت بطونهم من كثر الزباين والعالم الي داخلة وطالعة يارجال ماحد كامل ماكامل إلا الله والله يعين الجميع
:::::::::::::::::::::::::::::
ونرجع لك يامحشش أفندي كاااااااااااااااااااااهههههههههههههههههههههههههههه ههههههههههااهاهاهااهاااااااااااااااااييييييي
والله فــــــــــــــــــــــــــــــنــــــــــــــــــ ـــــــــــــي ///////
ودي انك جالس معي في السفانية عند بير بترول نشمشم ونحشش في ذا البترول وأحللللللللللللللللللللللا فلة وظحك على السوبرفايزرية الفلبن والأمريكان والتوشيبا <<<< ليس المقصود لايب توب توشيبا بل جماعه من الناس الي يتشابهون في الشكل <<<<
<<< الي ما فهم لايدقق .........
وأحللللللللللللللا تحية لك يــــــــــــــــــا كبــــــــــــير با سلوبك الرائـــــــــــــــع
:
وبالفعل والله شعب ماشاء الله عليهم وياحليلهم تواضع وأخلاق """"""""" الله يزيد القربة ولايبعد أحد عن أحد
:
تقبل مروري ولاتقطعنا بمواضيعك ذات السرد الشيق والممتع وأهنيك مرة ثانية على روحك المرحة ويالبا قللللللللللللللبك
امبراطور الاكورد
هلا وغلا يا خوي... تسلم على الرد
وما يستفاد إتفقنا عليه... وهذا أهم شيء ;)
حيّــاكـ
Silver Aurion
جعلها دوم هالضحكة يا خوي
وكيلنـا :(..... آآآهـ يا وكيلنا.... كان يعطي تعهدات على أدنى مشكلة << طرى عليه وكيل المدرسة الثانوية خخخخخخ :d
الله يعين الجميع.... عندنا وعندك خير ;)
الخفي- محجوب - اتــشـ
أولا ً حيّاكم الله... ثانيا ً المفروض إن عبدالله هاشم كـ وكيل لمصنع هوندا في السعودية إنه ينشر إستفتاء بين الزباين إللي يترددون عليه ويآخذ بإقتراحاتهم.... وبكذا راح يعرف وش هو مقصّـر فيه....
الواحد ما يعرف عيوبه إلا بـ عيون غيره << قصم بالله إنّي أقول حكم يا شيخ :d
وفكرة زيادة أفرع الصيانة لازم تتنفذ مو تدرس... لازم يبدأون فيها لأن الطلب على هوندا بدأ يزيد.. لازم يشوف كيف عبداللطيف جميل موزّع أفرع الصيانة في كل مكان (كأنها مكاين صرّاف خخخخخخخخخخخ)
برب بأرد على إللي من السفانية... وبأرجع لكم :d
المباشر
أبدن للجسر وما بإذنه ماء ... بس يدق عليّ عشان أوصّف له؟؟؟ ويمكن اخاويه :d
شرفتنــا... تكفى إرجع :d
Abo Hanade
يااااخي مدري ليه أشم ريحة زيت :d
طيب وراهم ما يعدّلون أسلوبهم ويزيدون موظفينهم وأفرعهم
ولا أظن الدراهم ناقصة.... همانااا ندفع ;)
شدعوه ناسيني عند المحطه خخخخخخخخخخخ
دوم هالضحكة يا خوي..... عليك ضحكة مدري وش تبي خخخخخخخخخ
لا يا خوك... أماااا بترول
أنا ما وصلت للمراحل المتقدمة إللي وصلتها طال عمرك :d
عندك بترول... عندنا في الجبيل بتروكيماويات وغاز اللهم يا كافي :(
أتحداك إنت فهمت خخخخخخخخخخخخخ
أما البحرين زاد غلاهم عقب البارحه :d
أما من ناحية المواضيع ...أبشر يا خوي بكثر البربسة :d....
ممكن أصارحك ؟؟؟
خايف بعد كم سنه... إنت تقلب برميل وانا قزازة منظّــف خخخخخخخخخخ
حيّــااكـ يا حبي لك
هههههههههههههههههههههههههه<<<<<<<غير الضحكة
والله ياقام تشقلاب من قبل شوي من كثر الضحك الله يرجك
أما في النهاية أنا برميل وانت قزازة منضف// ههههههههههههههههههههههههههههههههههههههههه
فال الله ولافالك <<<<<<<< بدا يصدق
على العموم الله يخليك لنا دووووووووم
وإنشاء الله بكون أنا من المنتابعين لمواضيعك حتى لو ما شاركت.......لك مني جزيل الشكر يالغالي
واللهي ما ادري عنكم بس انا في مكه بيدلعوني و اذا زعلوني في فرعين في جده واعتقد في الطائف كمان يعني انواع الفله .
هلا الشيخ ...
حياكم الله في البحرين ;)
Abo Hanade
اليوم الأحد... توّني راجع من الكنيسه :d... استغفر الله خخخخخخخ
لا تغيّرها.. الأولى وناااصه.. 3 في واحد.. مثل الايسركيم أبو ريال (فانيليا ومانقا و توت) << واقف عند البقالة :d
إنت لا ضحكت تتشقلب
حسبي الله على النظر... أول ما قريتها... فاول <<< من كثر متابعة الكورة... بدأ يحلم إنه يناول روبينهو
ههههههههههههههههههههههههه
أنا وإنت إن ما أعادو تصنيعنـا مثل ما قلت لك... إنت بتصير ليمونه سوداء وأنا بأصير جحه ناشفه من ذا الغازات... وآخرتنا.. بيحطونا في اليوتيوب.. ويكتبون تعليقاتهم علينـا :o
:o
يا حبي لك... ما عليك... حتى لو ما لقيت شيء أكتبه... بـ أبلشك بالرسايل الخاصة خخخخخخخخخخخخخخ
DrEaMeR KiD
اللي يدّه في المويه مو مثل إللي في النار ;)
يا بختك يا سيدي
NightHawk
هلا فيك والله يحييكـ
بكره الوعد... يوم الثلاثاء إن شاء الله :d
ضوابط المشاركة
مواقع النشر (المفضلة)