عاصفه رمليه واجهت الأكورد

[ابو ريان]

السلام عليكم ورحمة الله وبركاته
والله يا اخواني مدري شقول وش اخلي
لكن بدخل في السالفه على طول
طال عمركم امس كنت مسافر من أبها إلى جدة
وكانت الرحله على افضل ما يكون
لحد ما وصلت الليث ( 200 كيلو عن جدة )
وقابلتني ذيك العاصفه الرمليه اللي في حياتي ما قد شفت مثلها
وانا ماخذ احتياطاتي ومسوي تغبيرة سفر علشان معروف ان فيه عواصف رمليه
بس ما هي مثل اللي لقيتها
مالكم بالطويله .. وصلت البيت في جدة الحمد لله ولكن !!
لقيت التغبيره اللي على الصدام ومقدمة الكبووت رايحه من مكانها
لكن الحمد لله ما حصل إلا بعض الخدوش البسيطه في الصدام
ولكن المشكلة الكبرى صارت في الشمعات الاماميه اليسار واليمين
واليسار أكثر شيء
صار لونها أقرب للبياض .. وصارت إضائتها خفيفه يعني نص اضائة أول
وش السالفه يا اخوان .. يعني شمعاتي راحت فيها ؟؟
قسما بالله كأنها شمعات كرسيدا موديل 80 : (
حتى اللوحه راحت فيها والديكور الأسود اللي عليه اللوحه صار لونه باهت كأن له عشرين سنه.. والبوري يضرب كأنه مزكم بعد خرب صار كأنه بوري سيكل
والشبك الأمامي تغير لونه
والله اني حايس مع اللي صار
ما ادري يا شباب اكيد عندكم خبره
تتزين أو لازم تغيير جديد ..؟
وهذي صورة للسيارة

أتمنى ألقى حل

تحياتي لكم اخواني

[الاخطبوط]

الله يعينك :(

اجل التغبيره طلع مامنها فايده :p هذا والناس تنصح فيها >>> الحمد لله ماعمري حطيتها

لكن ان شاء الله مشكلتك بسيطة

دور لك محل تلميع معروف وقوله يسويلك تلميع للشمعات الامامية وباذن الله بترجع مثل اول واحسن

ماراح تكلفك الا حول 30 ريال ويمكن اقل وكلها 10 دقايق والسيارة في احسن حال

[المـــــلكـ اكـــــورد]

شف محلات التلميع وش يقولوا لك بالنسبة للصدام والشمعات
اما الشبك الكرووم والبوري الله يعينك وتشتري غيرهم

بالنسبة للتغبيره المزعومه في حماية البدي في السفر هذي بس منظر للسياره ومامنها فايده والحل الامثل لحماية الوجهية هو البرقع الاصلي وتطلبه من النت

تحياتي

[accord05]

حياك الله يا الغالي ... انت شكلك من راعين الفرة على الحزام :d ...
الحمدالله على سلامة الوصول .. وترى شغلتك عادية ...
الانوار تلميع وباذن الله يروح ....
بالنسبة للبوري يمكن جا عليك غبار كثير لو تحاول تنفخه بهوا احسن من تغيير جرب من عند اقرب بنشري ...

والله يوفقك ...

[ابو ريان]

الله يعينك :(

اجل التغبيره طلع مامنها فايده :p هذا والناس تنصح فيها >>> الحمد لله ماعمري حطيتها

لكن ان شاء الله مشكلتك بسيطة

دور لك محل تلميع معروف وقوله يسويلك تلميع للشمعات الامامية وباذن الله بترجع مثل اول واحسن

ماراح تكلفك الا حول 30 ريال ويمكن اقل وكلها 10 دقايق والسيارة في احسن حال

الله يعطيك العافيه اخوي الاخطبوط
والله يبشرك بالخير
وتكفى كان تعرف أماكن ممتازه لمثل هالتلميع
أو أروح اي محل تلميع ساطع ؟
سلمت اخوي

[ابو ريان]

شف محلات التلميع وش يقولوا لك بالنسبة للصدام والشمعات
اما الشبك الكرووم والبوري الله يعينك وتشتري غيرهم

بالنسبة للتغبيره المزعومه في حماية البدي في السفر هذي بس منظر للسياره ومامنها فايده والحل الامثل لحماية الوجهية هو البرقع الاصلي وتطلبه من النت

تحياتي

هلا بك يالملك

والله انك صادق مغير منظر هالتغبيره والدليل انها طارت من العجه
ويا ليت تعطينا رابط طلب البرقع الأصلي
والله يسلمك ويخليك

تحياتي

[ابو ريان]

حياك الله يا الغالي ... انت شكلك من راعين الفرة على الحزام :d ...
الحمدالله على سلامة الوصول .. وترى شغلتك عادية ...
الانوار تلميع وباذن الله يروح ....
بالنسبة للبوري يمكن جا عليك غبار كثير لو تحاول تنفخه بهوا احسن من تغيير جرب من عند اقرب بنشري ...

والله يوفقك ...

هلابك اخوي

والله لا راعي فره على الحزام ولا شيء

جلست بأبها كم من يوم شوارعها تطفش
وفيها حفريات وتحويلات وأعمال صيانه
وشوارعها تضيع الواحد
ولوحاتها الارشاديه كأنهم يشحدونها
اللوحه خمسه سنتي في عشره سنتي
مدري وش بيصير لا كبروها وكثروا منها في الشوارع علشان الناس تدل
وبالأخص الأماكن السياحيه

والله يجزاك خير على النصيحه
وإن شاء الله بجررب ونشوف بإذنه تعالى

تحياتي لك اخوي

[ـبطرانـ2005ــ]

االتلمييييييع يا بطل

[أبوعبدالله]

اول شي الحمدلله على السلامه
ثانيا الصطبات سولها تلميع كل السياره ودها التلميع وانشا الله يروح الأثر

[ن ع ر السعودية 0005]

غسل الموتر وتلميع يا صديقي ..أحسن حل ولمعها عند محل شغله مضمون وصح ولاتروح للمحلات الي توها فاتحة يتعلم التلميع في سيارتك روح لمحل له خبره وكم سنة في مجال التلميع ........

[S.M.A.R.T]

تلميع ولا تشيل هم ....... بسيطة جدا

أمير

[بلا حدود]

الله يكون بعونك , انا من الناس اللي انقهر اذا شفت اثار العج على سيارتي

عموماً ياعزيزي شي اسمه تغيبره انساه لأنها نكته ولا تنفع بريال

بالنسبه لسيارتك

سو لها تلميع كامل وبتلاحظ التالي

اذا الصدام عندك مبهت ( على حسب سوء الحاله ) بتخف التبهيته كثير وبترجع اللمعه

الشمعات بترجع مثل الجديده لكن بتكون حساسه اكثر من اول وتتأثر بأقل عج

لذلك انصحك تحط عليها فلم الحمايه اللاصق وراح تبقى جديده الى ان تشيل الفلم

الشبك ماله حل الا بالتغيير

قاعدة اللوحه راجع محلات الفايبر قلاس يمكن عندهم حل ومن ناحيتي انصحك تشتريها جديده ولا اظن انها بتكلف


بالتوفيق

[Black Heart]

كم كنت تسرع أخوي ؟؟؟
وياريت تعطينا صور بعد التلميع علشان انشوف الفرق ؟؟

[M-53]

مرررحبا

بنسبه لشمعات روح عند سمكري بويه خليه يسوي لها تنظيف ثما يرشها طبقه زجاجيه ((طبقه لمعه)) تشبه البويه لكن شفافه وراح تصير مثل الوكاله التكلفه 30 ريال

ملاحضه هذي الطريقه لاتنفع مع الشمعات الزجاج

[ابو ريان]

أشكركم اخواني على جميع مشاركاتكم

والسيارة الآن عند شمس للتلميع الساطع

لهم خبره وسمعه جيده

وقالولي لا تشيل هم شغل مضمون وعلى الشرط

تلميع خارجي وداخلي والشمعات

حتى الزجاج الجانبي والأمامي متأثر وقالولي لا تشيل هم

وواعدوني بكره إن شاء الله الاستلام

والتكلفه بعد الخصم وبالقوه بـ 500 ريال

والله يعين

[الشمــــالـــي]

ماعليك وناخوك

ان شاءالله ترجع احسن من اول

واذا طلعتها لا تنسى تنزل الصور

وبالتوفيق ان شاءالله

[ابو ريان]

هلا بك اخوي

وإن شاء الله بنزل الصور

:(

[accord05]

معليش يا الغالي لاتاخذ في خاطرك لمن قلت فرة :o كنت امزح بس ..

لكن الحمدالله لمن دخلت سيارتك وننتظرك تبشرنا وتنزل لنا صور لها الله يعطيك خيرها ويكفيك شرها ...

وعندي لك نصيحة تركب برقع اصلي .. ;) انا مركبة والله في عج قوي وانا مسافر الرياض وكنت ما امشي الا من 200 وتحت ...
وماشاء الله ماجا الوجهيه شي الحمدالله ..

**وهذا صورة البرقع **

[الـمـسـافـر]

طيب البوري رح للوكاله تغيره على الضمان

[ابو ريان]

معليش يا الغالي لاتاخذ في خاطرك لمن قلت فرة :o كنت امزح بس ..

لكن الحمدالله لمن دخلت سيارتك وننتظرك تبشرنا وتنزل لنا صور لها الله يعطيك خيرها ويكفيك شرها ...

وعندي لك نصيحة تركب برقع اصلي .. ;) انا مركبة والله في عج قوي وانا مسافر الرياض وكنت ما امشي الا من 200 وتحت ...
وماشاء الله ماجا الوجهيه شي الحمدالله ..

**وهذا صورة البرقع **

تسلم والله يا غالي
بالعكس وش يزعلني والله حتى ما طرى علي
أفا عليك بس :o
بالنسبه للبرقع بكم سعره .. وكيف أعرف أنه الأصلي ؟
لا هنت اخوي

[ابو ريان]

طيب البوري رح للوكاله تغيره على الضمان

هلا بك المسافر

بالنسبه للضمان أعتقد انه انتهى
لأني ماشي الآن حوالي 68 ألف كيلو
صحيح أو انا غلطان
الضمان أعتقد 60 ألف

لا هنت اخوي

[هناادي]

ماتشوف شرانت وموترك

تلميع يالغالي وكل شي تمام
هذا بالنسبه للشمعات

اما الشبك ما اضن ينفع لا زم تغيير

سلامااااااااااتي

[هناادي]

لا شباب البوري

اعرف كذا واحد من العيال

مواترهم البوري خربان فيها

العيب من نفس البوري مو عملي:d

[بلا حدود]

^
^

لا مو عيب ابد

البوري الثقيل ( طااط ) يتأثر بالعج والغبار

وحنا ماشاءالله السنه هذي الجو على كيف كيفك

انا بسيارتي ازيرا خرب علي البوري وواحد من الشباب عنده افالون وخرب عليه البوري بعد

[مشعان بسكلاني]

تلميع وان طلب منك مبلغ واجد رح لك اقرب محل زينه واشتر لك فوطه وملمع ودخلها الكراج
فنيله وسروال وسم بالله :d
بس عندي سؤال ,,, متى كان وقت العاصفه اكيد الظهر,؟
والسؤال الثاني وش وضعه خط الرياض لجده ؟ لان موتري جديد وبصراحه خفت بعد موقفك :(