الموضوع بخصوص صيانة 1000 كيلو الأولى !!

[الهنادي راس مــالــي]

بسم الله الرحمن الرحيم

السلام عليكم ورحمة الله وبركاته :
قبل ما ابدا بمشاركتي الأولى في هذا النادي الرائع :
أولا : احب ان امسي الجميع بالخير واسعد الله اوقاتكم بالصحة والعافية والمسرات .
ثانيا : كل ماأقوله هو ان هذا النادي من اروع النوادي والمنتديات لما فيه اخبار ومعلومات وفوائد جميلة ، مااطول عليكم حبايبي
لكن ابشركم انا شريت هوندا اكورد ٢٠٠٨ لؤلؤي ٤ سلندر فل كامل جديدة طبعا;) وعلى كذا انضميت مع حبايبي بهالنادي ، وقبل ما اشتريها كنت افكر بالأوريون بس بعد ماسمعت من بعض الناس وبعض المنتديات عن عيوبها كفيت عنها واتجهت صوب الملكة الأكورد وهي اقل عيوب من الأوريون في نظري انا ، وغير كذا النادي هذا هو إلي حببني فيها اكثر وشجعني على ان اشتريها وقبل ماشتري السيارة كنت اتصفح هالنادي وطالعت مواضيع عن عيوب الأكورد ٢٠٠٨ مثل ثقل باب السائق ، صوت الكفر الخلفي ، رجة في السيارة عند الإشارة ، وزن الأنوار ، صوت الأذرعة .... إلخ ، وابشركم ولا شيء من هالمشاكل واجهتني ولله الحمد
مع العلم ان السيارة الحين ماشية تقريبا ٤٠٠ كيلو
خلاصة الموضوع : اسألة بسيطة بخصوص صيانة ١٠٠٠كيلو !!
ومثل ماقلت سيارتي ماشية تقريبا ٤٠٠ كيلو ، وانا من سكان الرياض

س١/ كم يستغرق وقت صيانة ١٠٠٠ كيلو في مركز الصيانة ؟

س٢/ هل إذا اتصلت بالصيانة علشان احجز موعد لصيانة سيارتي اوفر وقت واسرع ؟ ((يعني قبل ماأروح لهم بيوم أو بيومين اتصل)) (لأني انا راعي مشاوير عائلية يومية ) ولا ابي السيارة تجلس بالصيانة اكثر من يومين <---- والله لو أنك مهم في الصيانة :d . إذا كان قدرت مع ان مافيه امل :d:d
س٣/ ماهو افضل موقع للصيانة الوكالة ؟ يعني إلي بطريق خريص وألا اي موقع ثاني ، من ناحية الشغل الممتاز والأسرع وقت معا .

س٤/وين أحصل اكسسوارات الهوندا أكورد ٢٠٠٨ ؟ يعني في اي فرع من وكالة عبدالله هاشم .

وأكون شاكر ومقدر على اجابتكم على هالأسئلة إلي تجيب الملل :p:p

سي يو ،،،;)

[kakashi-san]

وعليكم السلام ورحمةُ الله وبركآتة

يا هلا فيك أخويْ ،

ألف ألف مبروكْ عليكْ الملكةْ ،

والله يعطيك من خيرها ويكفيكْ من شرها ،

ههههه ^^" ؛ الله يهداك منو قال لك لازم تآخذ موعدْ ، ؟!

في تشييك الألفْ ادخل عليهمْ عرضْ وقول لهم تشييك الألفْ ،

وكل السالفة راح يغيرونْ لكْ زيتْ ، وما تآخذ منك وقت بالكثير ثلث ساعةْ ،

أنا أذكر رحت فرع خريص اللي بالرياضْ شفت عندهم مجله تبع الأكورد فيها الاكسسواراتْ ،

لكن ما سألت عنها ،

ومبروك عليك مرة ثانيةْ ، والله يعطيك من خيرها ويكفيكْ من شرها ،

ويا مرحبا فيك والله ، ~

[Black Heart]

لا اتدوديها علشان ما احطو لك فصله الطبلون 220,, خليها اتوصل 260 وانت كاشخ :d <<< ناوي اخرب الرجال
--
انا لما وديتها الصيانه ( طبعا في الشرقيه ) أخذت تقريبا ساعتين أو ثلاث تقريبا
وأنصحك اتوديها الفرع الرئيسي;)
وتتصل عليهم بعد علشان لا اتروح واقولو لك اسمح لينا عندنا اليوم زحمه ( الاحتياط واجب )
وبالنسبه للأكسسوارات أكيد موجودين في الفرع الرئيسي

وتحياتي

[A C C O R D 0 8]

لا اتدوديها علشان ما احطو لك فصله الطبلون 220,, خليها اتوصل 260 وانت كاشخ :d <<< ناوي اخرب الرجال
--
انا لما وديتها الصيانه ( طبعا في الشرقيه ) أخذت تقريبا ساعتين أو ثلاث تقريبا
وأنصحك اتوديها الفرع الرئيسي;)
وتتصل عليهم بعد علشان لا اتروح واقولو لك اسمح لينا عندنا اليوم زحمه ( الاحتياط واجب )
وبالنسبه للأكسسوارات أكيد موجودين في الفرع الرئيسي

وتحياتي

المعذره منك اخوي ..

لكن الاكورد الـ 2008 يجي الفاصل معها من المصنع .. وهي تفصل على 210 على فكره ..

لاني كنت مع الفني خطوه بخطوه وهي في تشييك الالف كيلو .. وبعدها قال لي رووح الله يستر عليك .. قلت له امشي عليها .. قال جب الطبلون اذا تقدر .. وصدق .. ماقدرت

وطبعا ماتجيب الفصله الا بطلوع الروح بالنزلات لكن بطريق مستقيم صعب ..

وهذي السالفه ..

[B Useful]

^^ احس ان كلامك صح ..! الشباب يقولون ان انها ما تفصل قبل صيانة 1000 واذا وديتها هالصيانة يسون تحدث للسرعة ما تتعدى 220 !!! <<<< كلام ماخش مخي من اساسة ... واعتقد انها تجي من المصنع مضبوطة على 220 ... لان للحين ماعرف اي اكورد ولا مر علي موضوع يقول انة عدا هالسرعة ومطلع موترة وكالة ...

الفصلة( على 220 ) تقدر تجيبها على خط مستقيم بالراحة <<<< كيف ؟؟؟ اذا كنت منشط سيارتك ومعودها على الدعس والحرق تجي بالراحة ... امر مرة هين ..

^^ لكن ... اذا كانت السيارة سواقة شيبان .. من جد مرررة مرررة مرررة صعب انك تجيبها لكن تجي .. <<< بعد ما تكرة موترك

بخصوص صيانة 1000 لا تحتاج الى موعد ... لان شغلها مافية شغلة اصلاً تغير زيت ويستمعون الى ( وش عندك ؟ وش ملاحظاتك ؟ ) ويستغرق ساعة او ساعة ونصف.

وكذلك صيانة 5000 لا تحتاج الى موعد ... من بعدها دق واحجز .

تحياتي لك اخي الكريم .. وشكراً على قرائتك المواضيع اللي تخص سيارتك قبل اقتناءها ..

[A C C O R D 0 8]

من ناحيه الاكسسورات تراها غاليه حيل يلعن بليسهم ..

اجل جناح بـ 1048 .. والجناح الكبير بـ 3000 وشوي ..

هبال هو ؟؟


فيه اكسسوارت تحصلها بفرع قطع الغيار بخريص بس موب كل الاكسسورات لانها مابعد نزلت كلها عندهم .


<< هذا الكلام اليوم الصباح ..

ويمكن يجبونها لك طلبيه من الدمام ولا جده ..

[kakashi-san]

طيب يا مصعب ،

واللي يقول لك قبل تشييك الألف جبت بالأكورد 2008 ، سرعة 230 وشيْ ،

وش تقولْ ، ؟! :d

اتوقع لأنه الزيت كان خفيفْ ،

[ثــلــج مــشــوي]

^^^


ياخي لحسه

اكورد اجرها واحد من اخوياي وهي ماشيه 300 وعيها بس يعني ثاني واحد يستلمها هو

وفصلت زي باقي السيارات

تنفصل من ناك

ثاني شي وش تبي تمشي 240 او 260

ووو نسيت اباركل لك ياراعي الموضوع على الموتر والله يعطيك خيره ويكفيك شره

[دحوم]

الف مبروووك على اقتناءك الملكة اكورد ومرحبا بك في شجرة هوندا ، وبالنسبة لصيانة 1000كم الصيانة في الوكالة ماراح تستغرق اكثر من ساعتين في وكالة خريص وطبعاً اكيد الوكالة هي ابخص في السيارة من اي مركز صيانة ، في خلال الساعتين بإمكانك انك تضع السيارة عندهم وترجع لهم بعد ساعة ونصف وتلقاها صافطة برا مغسلة وجاهزة لإستلامها او عادة يصير مابقى إلا الغسيل ، وإذا كنت راح تجلس عندهم فعندهم خدمات كثيرة في مركز صيانة خريص الشاي وتصفح الجرايد وسمعة ان فيه واير لس وقنوات فضائية يروح وقتك مادريت ، وعلى امااظن ان سيارتك راح تخلص بسرعة خاصة هذي الايام الناس مسافرة وباعده عن هذا الحر بإعتقادي انه راح تخلص في اقل من ساعة خاصة إذا جبتها لهم في الصباح الباكر على الساعة 8ص .

وبالتوفيق وتحياتي لك والف مبروك مرة ثانية السيارة .;)

[الهنادي راس مــالــي]

اشكر كل من رد على الموضوع هذا والصراحة استقبالكم كان من جد خيالي وأكرر وأشكر كل من عطاني فوائد ونصائح هااااااااامه ;) والله يجزاكم الف خير ..