أول مشاركة : رجه قوية في السيارة +: ميكانيكي ممتاز في الرياض (غير الوكالة )
السلام عليكم
انا من سكان الرياض وعندي اكورد 2007 ماشية خمسين الف تقريبا
كان فيها رجة بسيطة اذا شغلت المكيف
غيرت لها بواجي وبعد ما غيرتها زادت الرجة صارت حتى بدون ما اشغل المكيف
حتى وانا واقف بالسيارة
الرجة قوية شوي واحس كأن السيارة بتطفى
رجعت للورشة وشيك على البواجي وقال ما فيها مشكله
ما ادري وش رايكم؟
وين ممكن تكون المشكله؟
في البخاخات او صفاية البنزين او البواجي صعب تركيبها؟
وكل كم كيلو تتغير صفاية النزين؟
ارجو الافاده
واذا احد يعرف ميكانيكي فاهم في الهوندا يفيدنا
لاني مسافر بر بعد ثلاثة ايام
شكرا للجميع
التعديل الأخير تم بواسطة wageeh ; 28-07-2008 الساعة 12:27 PM
نضف البخاخات وغير الصفاية إذا ماهي غالية يمكن تكون جامعة غبار ومر الوكالة أضمن لك على شان هي توها على الضمان ولا تروح أي محل يقولك غير القطعة الفلانية وغير وفي الأخر يطلع كل إلي غيرت سليم ومنت خسران لو رحت الوكالة يمكن يصلحوها على حسابهم . وخصوصا أنك راح تمسك عليها خط .
اخوي
انا عندي نفس المشكلة بـ2004
وبكره موعدي بالوكالة
ولاتستعجل وتدور على اي ميكانيكي في للهوندا
الشركة تسويلك فحص للميكانيكا والكهرباء بـ300
ويسقط في حالة التصليح عندهم
طيب الرجه متى تجيك اذا كان وضع القير بـ P او R ؟
طيب شيكت كراسي المكينه ؟.؟
انصحك توديها الوكاله وخل مهندس يجرب السياره واذا كانت من كراسي المكينه يغيرونها على الضمان
بالتوفيق
أخوي wageeh
رحت اليوم للوكالة بسبب نفس مشكلتك
وكنت ناوي اغير الصفاية وانضف البخاخات
وبعد الكشف عالسيارة
لقيت عندي كراسي المكينة اليمين واليسار مكسورة
وقيمتها (539+350)والأجرة (300)
ونصحني الفني بعدم تنضيف البخاخات دام ان المشكلة مو منها
ضوابط المشاركة
رد مع اقتباس
مواقع النشر (المفضلة)