ثقل في السياره الفزعه ياهل الخبره

[بن شافي]

انا سيارتي اكورد 2006 فاكها وكاله اخر صيانه كانت 80 الف والحين ماشيه 91000 الف عندي السياره فيها جني اعوذ بالله مره ثقيله ومره خفيفه وجننتني ومادري وش السواه علما اني كلمتهم عليها في الصيانه وسو تصفيه شامله والكهرباء مضبوطه فحصوها كمبيوتر ويقول تمام وانا ابي اشوف احد عنده نفس المشكله

[A N M A R]

يارجل روح وديها عند شيخ يقرا عليهى

ممكن جني على قولتك

او عين

:d

[هناادي]

اهلين اخوي
ممكن المشكله اللي عندك من نوعية الزيت انا كانت معي حاله مشابهه انها تبطي ماغيرت النمرة
فا غيرت زيت من الوكاله وضبطت الامو الحمدلله

[بن شافي]

مغير زيت القير في الوكاله وماتوقع من الزيت التغييرات تمام بس احس ان الفرامل كنها ماسكه والله ياثقل فيها والدركسيرون ثقيل والدعسه ثقيله مدري وش اسوي دلوني على علم

[أبوكرم]

يمكن من الفلتر جرب نظفه
وشيك على زيت المكينة
و خبرنا وش يسير معاك

[امبراطور الاكورد]

نظف فلتر الهواء
شيك علاالبواجي

[مزاجي]

رح لمحل ماكس بالثقبة متخصص هوندا

[مشعان بسكلاني]

شيك على البواجي ,,, والفلاتر والزيوت ترا اساس في العزم ,, او يمكن انه وسواس لا قدر الله :d
شف احد من ربعك معه نفس موترك وخله يحكم

[SAUD]

ياخوي انا كان معي كامري ولاقد سويت لها اي صيانه فقررت ذات يوم اني اسوي صيانه 80 الف رحت وخسرت يوم طلعوا سيارتي عرفت اني وقعت في اكبر خطا

فمن ذلك اليوم قررت اني ما اسوي اي شي الا اذا خرب غيرته

ابعد عن صيانه الوكاله رأي شخصي

[بن شافي]

انا مع اخوي نفس السياره فرق السماء عن الارض مع انه من جنب القده في المحافظه

[بن شافي]

انا اشكر جميع الذين ردو على الموضوع بس انا ياشباب توني جاي من الطايف واذا مسكت على الفرامل بقوه قبل اعشق تصير خفيفه والبريك عندي مره مضبوط ومره مايمسك انا اشك في ان الفرامل الخلفيه تعلق او من هذا القبيل وش تشورونني اسوي

[الهنادي راس مــالــي]

السلام عليكم :
اخوي (بن شافي) انا اقول امكن انك قبل ماتسوق سيارتك تسوق قبلها سيارة ثانية خفيفة هذا إلي في بالي واعتقادي والله اعلم !!

وإذا كان ماهو هالسبب امكن يطلع مثل ماقالوا الشباب يازيت المكينة ؟؟ يالفلتر ؟؟

وإذا عرفت السبب علمنا لاتبخل علينا :d:d
والسلام خير ختام

[HEMO - HEMO]

لاتخاف مافي لاجني ولاغيرة حتى انا يصير معي نفس الشي في اكورد 2005